Timber by EMSIEN-3 LTD
Tags Posts tagged with "money"

money

0 253

பிரபல பாடலாசிரியர் நா.முத்துக்குமாரின் மறைவு தமிழ் சினிமாவை மட்டுமல்லாது ஒட்டுமொத்த தமிழகத்தையும் சோகத்தில் ஆழ்த்தியுள்ளது. மஞ்சள் காமாலை நோயால் கடந்த சில மாதங்களாகவே பாதிக்கப்பட்டிருந்த முத்துக்குமார், அந்த வேதனையிலும் தன்னை நம்பி வந்தவர்களுக்கு இடைவிடாது பணிகளை செய்து முடித்துக் கொடுத்து வந்துள்ளார்.

ஆனால், அவருடைய நேர்மை அவருக்கு கைகொடுத்ததா? என்றால் அது இல்லை என்றுதான் சொல்லவேண்டும். இவர் இதுவரை தமிழ் சினிமாவில் 1500-க்கும் மேற்பட்ட பாடல்களை எழுதியுள்ளார். இவர் எழுதிய பல பாடல்களுக்கான சம்பளப் பணத்தை காசோலைகளாகத்தான் வாங்கியுள்ளார். அப்படி வாங்கியுள்ள காசோலைகளில் பெரும்பாலானவை இவரது வங்கி கணக்கில் பணத்தை கொண்டுவந்து சேர்க்கவில்லை. மாறாக, அவரது வீட்டு அலமாரியில் காகிதங்களாகவே படிந்துபோயுள்ளன.

மஞ்சள் காமாலை நோய் முற்றியநிலையில் முத்துக்குமாரின் மருத்துவச் செலவுக்கு சுமார் 40 லட்சம் ரூபாய் வரை தேவைப்பட்டதாம். அந்த சிகிச்சைக்கான பணத்தை தயார் செய்து கொண்டிருந்தபோதுதான், நா.முத்துக்குமாரை மரணம் ஆட்கொண்டு விட்டது.

இவர் வீட்டு அலமாரியில் காகிதங்களாக படிந்து போயிருக்கும் காசேலைகளின் மொத்த பணமதிப்பு ரூ.70 லட்சத்திற்கும் மேல் இருக்கலாம் என கூறப்படுகிறது. அந்த காசோலைகள் எல்லாம் பணமாக மாறியிருந்தால் இன்று நாம் ஒரு மகா கவிஞனை இழந்திருக்க மாட்டோம் என அவருக்கு நெருக்கமானவர்கள் கூறுகின்றனர்.

நா.முத்துக்குமாரை தங்களின் தேவைக்கு பயன்படுத்திக் கொண்ட பல தயாரிப்பாளர்கள், அவருக்கு கொடுக்க வேண்டிய சம்பளத்தை முறையாக கொடுக்க தவறியதை நாம் என்னவென்று சொல்வது. இனிமேலாவது அவருக்கு சேரவேண்டிய பணத்தை தயாரிப்பாளர்கள் திருப்பி கொடுக்க முன்வர வேண்டும்.

நா.முத்துக்குமாரின் உயிரை காப்பாற்ற உதவாத அந்தப்பணம், அவர் உயிராக நேசித்த அவரது குடும்பத்தாரையாவது இனி காப்பாற்றட்டும்.

0 215
தனியார் பள்ளிகளில் நகை பணம் பதுக்கல்! இது அலேக் ஐடியா

ரூர் மாவட்டம், அய்யம்பாளையம் பகுதியைச் சேர்ந்த அன்புநாதன் வீடு, கிடங்கு, தோட்டம் உள்ளிட்ட பகுதிகளில் நேற்றுமுன் தினம் இரவு வருமானவரித் துறையினரின் சோதனையில் கோடிக் கணக்கில்  பணம் சிக்கியது. இதுகுறித்து தேர்தல் ஆணையம் தீவிர விசாரணைக்கு உத்தரவிட்டிருக்கிறது.

அன்புநாதன், பல மந்திரிகளின் அன்புக்கு பாத்திரமாக இருந்தாலும், அன்புநாதனின் அன்புக்கு பாத்திரமாக விளங்கியவர்,  வேலாயுதம்பாளையத்தை அடுத்த அதியமான் கோட்டையைச் சேர்ந்த  மணிமாறன்.
அன்புநாதனின் அத்தனை மூவ்களையும் நன்கு அறிந்தவர் இவர்தான் என்பதால், அன்புநாதனைப் பிடித்த அடுத்த சில நிமிடங்களில் மணிமாறன் வீட்டையும் வருமான வரித்துறையினர் சுற்றி வளைத்து சோதனையை மேற்கொண்டனர்.

அவர்கள் நினைத்தது போலவே மணிமாறனுக்கு சொந்தமான, இடங்களில் பல கோடி ரூபாய்களும், பணம் இருப்பு குறித்த  ஆவணங்களும் கிடைத்திருக்கின்றன.

அன்புநாதனுக்கு சொந்தமான  கிடங்கில் 10.33 லட்சரூபாய் , வீட்டில் 4.77 கோடி ரூபாய் ரொக்கமாக சிக்கியுள்ளன.  அதே போல் அவருக்கு சொந்தமான ஒரு டிராக்டர், ஒரு ஆம்புலன்ஸ் மற்றும்  பணம் எண்ணக் கூடிய  12  மெஷின்கள் கைப்பற்றப்பட்டதாகவும் அதிகாரிகள் தெரிவித்தனர்.

அதே வேளையில் அன்புநாதனின் நண்பர் மணிமாறன் வீட்டில் சிக்கியது எவ்வளவு? என்ற விபரத்தை மட்டுமல்ல, மணிமாறன் என்ற கேரக்டரையே இதில் கொண்டு வரவில்லை என்பதையும் கவனிக்க வேண்டும்.

சென்னை  எழும்பூர் எத்திராஜ் சாலையில் உள்ள  அடுக்கு மாடிக் குடியிருப்பில் வசிப்பவர், விஜய் கிருஷ்ணா. இவர் தந்தை விஜய்குமார். தஞ்சை மாவட்ட அதிமுகவில் எம்.ஜி.ஆர். மன்ற இணைச் செயலாளர் பொறுப்பில் இருப்பவர்.

தேர்தலின் போது வாக்காளர்களுக்கு பட்டுவாடா செய்ய, இவரது வீட்டில் கட்டுக் கட்டாக பணம் பதுக்கி வைத்திருப்பதாக கிடைத்த தகவலில் அதிகாரிகள் டீம்,  நேற்று (24.04.2016) பகல் அங்கே சென்றது.
வருமான வரித்துறை, தேர்தல் ஆணைய அதிகாரிகள் இணைந்து நடத்திய இந்த சோதனையில்  4.கோடியே 80 லட்ச ரூபாய்  ரொக்கப் பணம் சிக்கியது.

சென்னையில் இந்த ரெய்டு போய்க் கொண்டிருந்த அதே வேளையில், கிருஷ்ணகிரி மாவட்டம்,   ஊத்தங்கரைப் பகுதியில் உள்ள தனியார் பள்ளியொன்றில் ரூ. 3 கோடியே 40 லட்ச ரூபாய் ரொக்கப் பணமும், 150 தங்க நாணயங்களும் தேர்தல் ஆணைய அதிகாரிகளாலும், வருமான வரித்துறையினராலும் கைப்பற்றப் பட்டிருக்கிறது.

பள்ளியின் காவலாளி, யாரோ சிலர் தன்னை மிரட்டி, சில மூட்டைகளை பள்ளியில் வைக்கும்படி சொன்னதாக போலீசுக்கு கொடுத்த தகவலை ஏன் விசாரணைக்கு எடுத்துக் கொள்ளவில்லை என்ற ஒரு கேள்விக்கும் இதுவரையில் விடையில்லை.

பள்ளிக்கூடங்களுக்கு விடுமுறை விடப்பட்டிருக்கும் சந்தர்ப்பத்தைப் பயன்படுத்தி, பள்ளிகளில் பணம் , நகைகளை பதுக்கி வைக்கும் வேலையில் கட்சியினர் இறங்கலாம் என்ற தகவல், கடந்த சில நாட்களுக்கு முன்னரே உளவுப் பிரிவினரால் நோட் போடப்பட்டு அரசுக்கு அனுப்பி வைக்கப்பட்டிருந்தது.

இந்த நோட் ரிப்போர்ட் தேர்தல் ஆணைய அதிகாரிகளுக்கும்  எப்படியோ கிடைக்கவே  தனியார் பள்ளிகளில் கவனம் செலுத்த ஆரம்பித்தனர். அது கிருஷ்ணகிரியில் முதன் முதலாய் ஒர்க் அவுட் ஆகியிருக்கிறது.

தனியார் பள்ளிகளை தீவிரமாகக் கண்காணிக்கும் வேளையில், தேர்தல் அதிகாரிகள் இறங்கியுள்ள அதே வேளையில், அதியமான் கோட்டை மணிமாறன் இப்போது எங்கே? என்ற கேள்வியும், அன்புநாதன் யார் பிடியில் விசாரணையில் இருக்கிறார் என்ற கேள்வியும்  மாவட்டங்களில் எழுந்துள்ளது.

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி

RANDOM POSTS

0 649
மேஷம் எதையும் சமாளிக்கும் சாமர்த்தியம் பிறக்கும். பெற்றோரின் ஆதரவுப் பெருகும். பிரியமானவர்களுக்காக சிலவற்றை விட்டுக் கொடுப்பீர்கள். வேற்றுமதத்தவர் அறிமுகமாவார். வியாபாரத்தில் சூழ்ச்சிகளை முறியடிப்பீர்கள். உத்யாகத்தில் சில நுணுக்கங்களை கற்றுக் கொள்வீர்கள். அதிஷ்ட எண்: 1...