Timber by EMSIEN-3 LTD
Tags Posts tagged with "jayalalithaa"

jayalalithaa

0 265
ஜெயலலிதா அடித்தே கொல்லப்பட்டார்" - மீண்டும் குபீர் கிளப்பும் பொன்னையன்! SK/PB - RTRI1OI

சசிகலாவால் ஜெயலலிதா அடித்தே கொலை செய்யப்பட்டதாக ஓ.பி.எஸ். ஆதரவாளர் பொன்னையர் குபீர் குற்றச்சாட்டை தெரிவித்துள்ளார்.

தமிழக அரசியலை எவராலும் நாடிபிடித்து பார்க்க முடியாதபடி அதிரடித் திருப்பங்கள் நித்தம் நித்தம் அரங்கேறி வருகின்றன. அந்த அணியை இவங்க கலாய்ப்பதும், இவங்களை அவங்க கலாய்ப்பதும் என மக்களுக்கு செம என்டர்டெயிண்மென்ட்

அம்மா இட்லி சாப்பிடறாங்க, எழுந்து நடக்கறாங்க, விரைவில் வீடு திரும்புவாங்க என மீடியாக்களுக்கு வெரிபைடு சோர்சாக திகழ்ந்து வந்த பொன்னையன் எதிர்க்கட்சிகளின் விமர்சனங்களையும் தவிடுபொடியாக்கி மாஸ் காட்டியவர்.

என்ன மாயமோ என்ன மந்திரமோ தெரியவில்லை தற்போது ஓ.பி.எஸ். அணி பக்கம் தாவியதும் சசிகலாவை குற்றச்சாட்டுகளால் வாட்டி வதைத்து வருகிறார்.

இது தான் பேட்டி சீசனாச்சே… தனியார் தொலைக்காட்சி ஒன்றில் அவர் போகிற போக்கில் சீரியஸ் பேட்டி ஒன்றை தட்டிவிட, தவித்து வருகிறது தமிழகம்.

அவர் அளித்த பேட்டி உள்ளபடியே “அம்மா மயங்கிய நிலையிலேயே சென்றார். அப்படி மயங்கிய நிலைக்கு சென்றதற்கு காரணம், மருத்துவமனைக்கு சென்றதற்கு முன்னால் போயஸ் கார்டனில் ஸ்டாம்ப் பேப்பரில் கையெழுத்து போடச் சொல்லி, மறுத்த அம்மா தாக்கப்பட்ட காரணத்தால் அடிக்கப்பட்டு அதனால் மயங்கிய நிலையில் இருந்தார். தாக்கப்பட்டதன் விளைவு தான் அந்த கன்னத்திலே இருக்கின்ற அந்தக் காயங்கள்.

அம்மா தாக்கப்பட்டதை கண்ணிலே பார்த்த வேலை செய்த பணியாள் இன்றுவரை எங்கிருக்கிறார் என்றே தெரியவில்லை” இவ்வாறாக முடிகிறது பொன்னையனின் பேட்டி…

அது வேற வாய் இது நாற வாய் மொமன்ட் தான் நினைவுக்கு வருகிறது.

Post expires at 12:53pm on Sunday May 21st, 2017

0 231
ஜெ.,வின் சிறுதாவூர் பங்களாவில் தீ : ஜெ.,வின் புதைக்கப்பட்ட கால்கள் எரிக்கப்பட்டது..??

ஜெ.,வின் சிறுதாவூர் பங்களாவில் திடீர் தீவிபத்து.. எதையும் எரித்து விட்டார்களா? இப்படி ஒரு வதந்தியும்.. கூடவே வெட்டி எடுக்கப்பட்ட ஜெ., வின் கால்கள் அங்குதான் புதைக்கப்பட்டது. அதை எடுத்து சாங்கியம் செய்து முடித்து எரித்து  விட்டார்கள் என்கிற வதந்தியும் வேகமாக பரவுகிறது.

ஜெயலலிதாவின் சிறுதாவூர் பங்களாவில் தீ விபத்து ஏற்பட்டுள்ளது. தீயணைப்பு வண்டிகள் விரைந்துள்ளன. இது நேற்றைய செய்தி.

சென்னை, திருப்போரூர் அடுத்த, சிறுதாவூரில் ஜெயலலிதாவிற்கு சொந்தமான பங்களா ஒன்று உள்ளது. இங்கு அவர் அடிக்கடி ஓய்வெடுக்கச் செல்வார்.

அவரது மரணத்திற்குப் பிறகு தற்போது அந்த பங்களா கேட்பாரற்று உள்ளது. நேற்றைய தினம் திடீர் தீ விபத்து ஏற்பட்டுள்ளது.

தீயை அணைக்க மாமல்லபுரம், கல்பாக்கத்தில் இருந்து தீயணைப்பு வண்டிகள் விரைந்தன.

பங்களாவின் உள்ளேயும், பங்களாவிற்கு வெளியே உள்ள புல்வெளியிலும் தீ விபத்து ஏற்பட்டதாக முதற்கட்ட தகவல்கள் தெரிவிக்கின்றன.

தீ விபத்தில் முக்கிய ஆவணங்கள் எரிந்துவிட்டதாகவும் ஒரு சில செய்திகள் பரவுகின்றன. இதைவிட சில விஷமிகள் ஜெ.,வின் வெட்டப்பட்ட இரண்டு கால்களும் சிறுதாவூர் பங்களாவின் பின் புறம் தான் புதைக்கப்பட்டிருந்தது.

அதனால் தான் சசிகலா குடும்பத்திற்கு சிக்கல் மேல் சிக்கல் அதை மீண்டும் தோண்டி எடுத்து சாங்கியம் செய்து எரித்துவிட்டார்கள்.

கூடவே ஜெ.,வின் நினைவு வரக்கூடிய பொருட்கள் புடவைகள்  ஆவணங்கள் ஆகியவற்றையும் எடுத்து மொத்தமாக கொளுத்தி விட்டார்கள் என்கிற புரளியும் சமூகவலைத் தளங்களில் வைரலாக பரவுகிறது.

சசிகலாவின் குடும்பத்தில் நடந்து வருகின்றன சம்பவங்களை பார்க்கும்போது இதைப்போன்ற சந்தேகங்கள் எழுவது சாதாரணமானதுதான் என்கிறார்கள் அந்தப்பகுதியில் குடியிருக்கும் சிலர்.

Post expires at 5:53am on Saturday May 20th, 2017

0 244
அம்மா ஆன்மா என்ன சொல்லுதுன்னா? பதற வைக்கும் ஆவி சயின்டிஸ்ட்

அரசியல்ல நடக்கிற கொடுமைகளையெல்லாம் பார்க்கிறப்போ பேசாம ஊரை விட்டுப் போயிடலாம்னு ஓர் எண்ணம் வந்துச்சு… அப்போதான் சின்னதா ஒரு யோசனை. நாம ஏன் இந்த மனுஷன்கிட்ட பேசக் கூடாது? ‘ரமணி ஆவியுலக ஆராய்ச்சியாளர்’. இப்படி முழுசா சொன்னாதான் அவருக்குப் பிடிக்கும் இல்லைன்னா என் மேல பேயை ஏவி விட்டுடுவார். போறதுதான் போறோம் இப்போ இருக்கிற நிலைமையில் அம்மா ஆன்மா என்ன சொல்லுதுனு ஒரே ஒரு கேள்வியை கேட்டுட்டுப் போகலாம்னு முடிவு பண்ணி இவருக்கு ஒரு போன் போட்டேன்.

ரமணி

மொதல்ல இவரைப் பற்றி ஒரு அறிமுகம். சென்ற வருடம் தேர்தலில் யார் ஜெயிக்கப் போகிறார் என்று ‘எம்.ஜி.ஆர்’, ‘அண்ணா’ போன்ற ஆன்மாவுடன் பேசிய மகா சக்தி வாய்ந்த மனிதன்தான் இந்த ரமணி. அந்தக் கண்கொள்ளாக் காட்சியை மிஸ் பண்ணவங்க பாவம் பண்ணவங்க… சரி இப்பவும் ஒண்ணும் கெட்டுப் போகலை. லிங்க் பார்த்து கன்னத்துல போட்டுக்கங்க.

சரி இப்போ நம்ம கேள்விக்கு வருவோம்…

”புரட்சி தலைவி அம்மாவோட ஆன்மா என்ன சொல்லுது?”

”போன வீடியோவுக்கே நிறையப் பிரச்னை வந்துச்சு. உண்மையைச் சொல்லணும்னா நானும் அ.தி.மு.க-தான். ஆனா என்னையே அ.தி.மு.க-வுக்கு எதிரா பேசுறேன்னு சொல்லிட்டாங்க. நீங்க இவ்வளவு அழுத்திக் கேட்கிறனால எனக்கு ரெண்டுமணி நேரம் டைம் கொடுங்க.” என்றார்.

2 மணி நேரம் கழித்து…

”பூஜை நல்லபடியாக முடிந்துவிட்டது.. இதுதான் எனக்கு வந்தத் தகவல்” என்று ஆரம்பித்தார்.

”’இந்த முறை தேர்தலில் வெற்றி வாய்ப்பு யாருக்குமே இருக்காது. ஒருத்தரை ஒருத்தர் அடித்துக்கொண்டேதான் இருப்பார்கள். தேர்தலும் தள்ளிப் போய்க்கொண்டே இருக்கும். ஆர்.கே.நகர் வேட்பாளர்களாக இருக்கட்டும், பிரசாரம் செய்பவர்களாக இருக்கட்டும் இவர்களில் யாருமே ஆட்சியைப் பிடிக்க மாட்டார்கள். இவர்கள் இல்லாமல் ஓர் ஆள் புதுசா வருவார்.

முக்கியமான விஷயம் அவர் ஆன்மிகத் துறையைச் சார்ந்தவர். அவர் யார்? என்று சொல்ல எனக்கு அனுமதியில்லை. எப்படி உ.பி-யில் ஒரு முதலமைச்சர் வந்தாரோ… அதே நிலைமைதான் தமிழகத்திற்கும் வரப் போகிறது.

அது நடக்க ஒரு வருடத்துக்கு மேல் ஆகும். இன்னும் காலம் இருக்கிறது. ஒன்றை மட்டும் அடித்துக் கூறுவேன். அ.தி.மு.க-வாக இருக்கட்டும், தி.மு.க-வாக இருக்கட்டும்; இவர்களில் யாரும் ஆட்சியைப் பிடிக்கப்போவதில்லை. இது சத்தியம். வரப்போறது புதுசா ஓர் ஆள். ”நான் நிறுத்தி யாருய்யா அந்த நியூவா ஒரு ஆள்?னு கேட்டேன்.

அதற்கு அவர் ”அதான் தம்பி புதுசா ஓர் ஆள் வரவிருக்கிறார். அது மட்டுமில்லாமல் வரும் மே 1-ம் தேதி வானத்தில் அதிசயம் ஒன்று நடக்கப் போகிறது. அந்த நேரத்தில் சூரியன் மாதிரி ஒரு நட்சத்திரம் தோன்றும். எல்லா மனிதர்களும் அதைப் பார்க்க முடியும்.

அந்த விஷயம் நடந்தால் நான் சொன்ன விஷயமெல்லாம் கண்டிப்பாக நடக்கும். இதையெல்லாம் நான் சொல்லவில்லை எல்லாம் மேல இருக்கிறவர்தான் சொல்கிறார். இதோடு சேர்த்து எனக்கு வழிகாட்டும் ஆன்மாக்கள் எல்லாமே இதே விஷயத்தைத்தான் திரும்பத் திரும்பச் சொல்கிறார்கள். அதில் போகர் அய்யாவும் ஒருவர்.

என்னை மாதிரி நிறைய ஆன்மிகப் பிரியர்களுக்கும் இந்தத் தகவல் தெரிந்திருக்கிறது. அதனால் தமிழகத்தில் இப்போது இருக்கும் எந்த அரசியல்வாதிகளும் நிற்க மாட்டார்கள். ஒருத்தர் உள்ளே வருவார். அவர் ஆன்மிகத்தைச் சேர்ந்தவர். தமிழகத்தை ஆளப்போகிறவர் அவர்தான். ( ‘ஒருவேளை இவரைத்தான் சொல்றாரோ?’). வரும் காலங்களில் இந்தியாவை ஆன்மிகத்தைச் சார்ந்தவர்கள்தான் ஆளப் போகிறார்கள்.

இதுதான் எனக்கு வந்த தகவல்கள். அரசியல் மாற்றங்கள் நடக்கும். இருக்கும் அரசியல்வாதிகள் காலியாகப் போகிறார்கள். நம் நாட்டிற்கு எப்போது மோடி என்று முடிவானதோ… அப்போதே இந்த விளையாட்டுகள் ஆரம்பித்துவிட்டன. சுருக்கமாகச் சொன்னால் அரசியல்வாதிகளுக்கு நேரம் சரியில்லை.”

”ஒன்பது கிரகத்தில் உச்சம் பெற்ற ஒருவன்… எம்.ஜி.ஆர் உடனும் பேசுவான்… புரட்சி தலைவி அம்மாவோடும் பேசுவான்” என்று சொல்லி போனை கட் பண்ணிவிட்டார். கடைசி வரைக்கும் நான் கேட்ட கேள்விக்கு பதில் சொல்லவில்லை. வாழ்க ஜனநாயகம்!

Post expires at 4:16pm on Friday May 19th, 2017

0 774
உடல்நலம் தேறிய ஜெ. உயிரை பறித்த அந்த பழச்சாறு...

அப்பல்லோ மருத்துவமனையில் உடல்நலம் தேறிவந்த நிலையில் ஜெயலலிதாவுக்கு கொடுக்கப்பட்ட ‘பழச்சாறு’தான் அவரது உயிரை பறித்ததாக புதிய தகவல் வெளியாகி பரபரப்பை ஏற்படுத்தியுள்ளது. ஜெயலலிதாவின் மர்ம மரணத்தின் முடிச்சுகள் இன்னமும் அவிழ்க்கப்படாமலேயே உள்ளன. ஓபிஎஸ் அதிமுக, திமுக உள்ளிட்டவை ஜெயலலிதா மர்ம மரணத்துக்கு சிபிஐ விசாரணை கோரிய கோஷம் ஆர்கே நகர் தேர்தல் ரத்தோடு முடிந்துபோய்விட்டது. ஜெயலலிதாவின் நினைவிடமும் அவர் வசித்த போயஸ் கார்டன் பங்களாவும் ஏதோ ராசியில்லாத இடம்போல கைவிடப்பட்ட நிலையில் இருக்கிறது. ஜெயலலிதாவின் மரணம் தொடர்பான உண்மைகளைத் தெரிந்தவர்கள் எவரும் இதுதான் நடந்தது என பட்டவர்த்தனமாக இன்னமும் கூறவில்லை.

அதேநேரத்தில் டெல்லியோ, ஜெயலலிதா அப்பல்லோ மருத்துவமனையில் இருந்தபோது சசிகலாவின் அடியாள் போல வலம் வந்த அமைச்சர் விஜயபாஸ்கரை குறிவைத்து இப்போது வருமான வரித்துறை மூலம் வளைத்துக் கொண்டிருக்கிறது. விஜயபாஸ்கரை மீண்டும் வருமான வரித்துறை விசாரணைக்கு அழைத்தும் உள்ளது.

மேலும் விஜயபாஸ்கர் விவகாரத்தை கிளறியபோது அப்பல்லோ மருத்துவமனையில் ஜெயலலிதா அனுமதிக்கப்பட்டபோது நடந்த கூத்துகளும் ஒவ்வொன்றாக அம்பலமாகி வருகின்றன. ஆனால் ஜெயலலிதா கைரேகையைப் பதிவு செய்த மருத்துவர் பாலாஜியோ இதை நிராகரித்துள்ளார்.
தற்போது ஜெயலலிதா மரணம் தொடர்பாக புதிய தகவல் ஒன்று வெளியாகி பரபரப்பை கிளப்பி வருகிறது. மருத்துவமனையில் அனுமதிக்கப்பட்டு சிகிச்சை பெற்று வந்த ஜெயலலிதா நல்ல உடல்நலம் தேறி வந்து கொண்டிருந்தாராம். அப்போது மருத்துவர்கள் அனுமதியின்றி வழக்கமாக ஜெயலலிதா அருந்தும் ‘பழச்சாறு’ கொடுக்கப்பட்டிருக்கிறது.

இந்த ‘பழச்சாறை’ கொடுக்கக் கூடாது என நர்சுகள் கண்டித்தும் அதைக் கண்டுகொள்ளாமலேயே வழக்கமாக சாப்பிடுவதுதானே என கொடுக்கப்பட்டிருக்கிறதாம். இதுதான் ஜெயலலிதாவுக்கு திடீர் மாரடைப்பு ஏற்பட காரணமாம்… அந்த பழச்சாறு மட்டும் ஜெயலலிதாவுக்கு கொடுக்கப்படாமல் இருந்தால் எந்த சிக்கலும் இருந்திருக்காது என அப்போதே மருத்துவர்கள் கூறியிருந்தனராம். இந்த தகவல் இப்போது பெரும் பரபரப்பை கிளப்பி வருகிறது.

Post expires at 3:20pm on Tuesday May 16th, 2017

0 955
ஜெயலலிதா மரணத்துக்கு பிறகு... சின்னாபின்னமாகும் சசிகலாவின் குடும்பம்...

ஜெயலலிதா மறைந்த பிறகு, அவரது தோழி சசிகலாவின் குடும்பத்தில் பல்வேறு சிக்கல்கள் ஏற்பட்டுள்ளதால் ஜெயலலிதாவின் ஆவி அவர்களை பழி வாங்க துடிக்கிறதோ என்று மக்கள் மத்தியில் பரவலாக பேசப்பட்டு வருகிறது.

முன்னாள் முதல்வர் ஜெயலலிதா உடல்நல குறைபாட்டால் அப்பல்லோ மருத்துவமனையில் 75 நாள்கள் அனுமதிக்கப்பட்டு கடந்த டிசம்பர் மாதம் உயிரிழந்துவிட்டார்.

இந்நிலையில் மருத்துவமனையில் இருந்த ஜெயலலிதாவை சந்திக்க சசிகலா யாரையும் அனுமதிக்காததால் அவர் மீதான சந்தேகம் வலுத்தது. இதை மக்கள் வெளிப்படையாக தெரிவித்தனர்.

ஜெயலலிதா இருந்தபோது ராணுவக் கட்டுகோப்புடன் இருந்த அதிமுகவில் திடீரென பிளவுப்பட்டது. இதனால் சசிகலா அணி, ஓபிஎஸ் அணி என இரு அணிகளாக பிரிந்தது. இதைத் தொடர்ந்து கட்சியின் பொதுச் செயலாளராக சசிகலா பொறுப்பேற்றுக் கொண்டார்.

இந்நிலையில் மாநில முதல்வராக பொறுப்பேற்க எம்எல்ஏ-க்களின் குழுத் தலைவராக சசிகலா தேர்ந்தெடுக்கப்பட்டார். இதனிடையே உடல்நல கோளாறு காரணமாக அவரது கணவர் நடராஜன் அப்பல்லோவில் அனுமதிக்கப்பட்டுள்ளார். இந்நிலையில் சொத்துக் குவிப்பு வழக்கில் சசிகலாவின் சிறை தண்டனை உறுதி செய்யப்பட்டு அவர் சிறையில் அடைக்கப்பட்டுள்ளார்.

திவாகரனின் சம்பந்தியான கூடுதல் எஸ்.பி ஜெயச்சந்திரன் கன்னியாகுமரியில் இருந்து கரூர் தலைமையிட கூடுதல் எஸ்பியாக இடமாற்றம் செய்யப்பட்டார். இதற்கு காரணம் டிடிவி தினகரன்தான் என்ற தகவல் வெளியாகியதால் அவருக்கு எதிராக சசிகலாவின் தம்பியான திவாகரன் மோதல் போக்கு ஏற்பட்டது.

இந்நிலையில் ஆர்கே நகர் இடைத்தேர்தல் அறிவிக்கப்பட்டதும் அதிமுகவின் இரட்டை இலை சின்னம் யாருக்கு என்ற போட்டியில் இரு அணிகளும் தேர்தல் ஆணையத்தை நாடிய நிலையில் அச்சின்னம் முடக்கப்பட்டது. இது கட்சி பேதமில்லாமல் பலரும் அதிருப்தி தெரிவித்தனர்.

ஆர்கே நகர் இடைத்தேர்தலில் எப்படியாயினும் வெற்றி பெற்றுவிட்டால் முதல்வராக பொறுப்பேற்கலாம் என்று டிடிவி தினகரன் திட்டமிட்டதாக கூறப்பட்டது. இதனால் வரலாறு காணாத அளவுக்கு ஆர்கே நகரில் பணப்பட்டுவாடா நடைபெற்றது. இறுதியில் தேர்தல் ரத்து செய்யப்பட்டது.

தினகரனின் ஆதரவு அமைச்சரான விஜயபாஸ்கர் வருமான வரித்துறையினரிடம் வசமாக சிக்கியுள்ளார். இவர் பதவியில் நீடிப்பது குறித்து முதல்வர் எடப்பாடியுடன் தினகரன் மோதி வருகிறார். பெரா வழக்கில் தினகரனுக்கு சிறை தண்டனை காத்து கிடப்பதாகவும் தகவல்கள் கசிந்துள்ளன.

இந்த நிலையில் சசிகலாவின் 2-வது அண்ணன் வினோதகனின் மகன் மகாதேவன் இன்று திருவிடைமருதூர் கோயிலுக்கு சாமி தரிசனத்திற்காக சென்றார். அப்போது திடீரென அவருக்கு மயக்கம் ஏற்பட்டுள்ளது. உள்ளூர் மருத்துவமனையில் அவர் சிகிச்சைக்காக சேர்க்கப்பட்டார். நிலைமை மோசமாக இருந்ததால், அவர் கும்பகோணத்திலுள்ள தனியார் மருத்துவமனைக்கு சிகிச்சைக்கு அழைத்துச் செல்லப்பட்டார். ஆனால், அங்கு அவரை பரிசோதித்து பார்த்த மருத்துவர்கள், மகாதேவன் ஏற்கனவே இறந்துவிட்டதாக தெரிவித்தனர்.

ஜெயலலிதாவின் மறைவுக்கு பின்னர் சசிகலாவின் குடும்பத்தில் நிலவி வரும் பல்வேறு சிக்கல்களுக்கு என்ன காரணமாக இருக்கும் என்று அரசியல் விமர்சகர்கள் வினவி வருகின்றனர். ஜெயலலிதா உயிரோடு இருந்தபோது இந்த மன்னார்குடி கும்பலின் ஆட்டத்தை ஒருபோதும் அனுமதித்ததில்லை. இந்தநிலையில் சசிகலாவின் குடும்பத்தில் புயல் கிளம்பியுள்ளதால் ஜெயலலிதாவின் ஆன்மா தனக்கு எதிராக செயல்பட்டவர்களை பழி வாங்க துடிக்கிறதோ என்ற ஐயம் எழுந்துள்ளது.

 

Post expires at 2:43am on Tuesday May 16th, 2017

0 441
பிரதமரிடம் கதறிய ஜெ. ஆவி : யாரையும் விடாதிங்க : ‘ஆவி’ அமுதன் சொல்றாரு

இந்த ஆவி அமுதனை யாரும் மறந்திருக்க முடியாது. குறிப்பாக லைவ் டே வாசகர்கள் இந்த ஆவி அமுதனை நன்கு அறிவார்கள்.

காரணம் ஜெ. இறந்த போது இவர் தான் முதன்  முதலில் ஜெ.இறப்பு  நார்மல் இல்லை என்றும், கால்கள் வெட்டி எடுக்கப் பட்டது என்பதையும் ஜெ .தன்னிடம் பேசினார் என்று தினம் ஒரு திரியைக் கொளுத்தி  போட்டுக்  கொண்டே இருந்தார்.

இந்த ஆவி அமுதன் யார் தெரியுமா..? ஆவியுலக மேதை(?) விக்கிரவாண்டி ரவிச்சந்திரனிடம் தொழில் கற்றவர்.

எனவே மீடியாக்கள் இவரது ஆவியுலக விஷயங்களை உடனே வெளியிடும். நேற்று மீண்டும் இந்த ஆவி அமுதன் வெளியே வந்தார்.

ஜெ.ஆவி தன்னிடம் பேசியதாகவும், அவர் பிரதமர் கனவில் தோன்றி தான் எப்படி எல்லாம் சித்தரவதை அனுபவித்தேன்..!

யார் யார் கொடுமைப் படுத்தினார்கள் என்றெல்லாம் வாக்கு மூலம் கொடுத்து விட்டார் . அதனால் தான் பிரதமர் சசியின் குடும்பத்தை உண்டு இல்லை என்று பண்ணுகிறார்.

வேண்டுமானால் பாருங்கள் தினகரன் விரைவில் கம்பி எண்ணுவார். திவாகரன் நடராஜன் அனைவரும் கம்பி எண்ணுவார்கள் என்கிறார் ஆவி அமுதன்..!

அடிக்கிற வெயிலுக்கு ஓவரா கண்ணைக் கட்டுதே..!

Post expires at 2:32pm on Sunday May 14th, 2017

0 83
ஜெயலலிதாவை திட்டிய பேராசிரியை...! - மைசூரு முதல் - 81, போயஸ் கார்டன் வரை... ஜெயலலிதா டைரி குறிப்புகள்! - 7

இந்தத் தொடரின் முந்தைய பகுதிகளைப் படிக்க கீழுள்ள இணைப்பை கிளிக் செய்யுங்கள்

பகுதி 1   பகுதி 2   பகுதி 3   பகுதி 4  பகுதி 5 பகுதி 6

‘நீங்கள் தேடுவது, உங்களைத் தேடிக்கொண்டிருக்கிறது” என்பார் ரூமி. ஆனால், அம்மு விஷயத்தில் அவர் தேடாதது எல்லாம்  வாழ்க்கை முழுவதும் அவரை அதி தீவிரமாகத் தேடிக் கொண்டிருந்தது.  இதற்கு என்ன காரணம்…  ஏன் வேண்டாமென்றாலும், அவரை வாய்ப்புத் துரத்தியது…? சந்தியாவின் பதில் இப்படியானதாக இருக்கிறது. “அம்முவுக்கும் படிப்பில்தான் மிகுந்த விருப்பம். அப்படி இருந்தும் அம்மு நடிப்புத் துறைக்கு வந்துவிட்டாள் என்றால், அதை விதியின் வலிமை என்றுதானே கூற முடியும்?” என்றார் சந்தியா ஒரு நேர்காணலில்.  அவர் வேண்டுமானால், விதி மீதி பழிபோட்டுக் கொள்ளட்டும். ஆனால், விதி மட்டும் அம்முவின் வாழ்வை வடிவமைக்கவில்லை, சந்தியாவும் சேர்ந்துதான் வடிவமைத்திருக்கிறார்.  தன் உள்ளுணர்வு சொல்லும்  பாதையில்  அம்மு செல்லவில்லை… அவர் சென்றது சந்தியா காட்டிய வழியில் தான்.

எதிர்ப்புத்  தெரிவித்த தாத்தா… அடம்பிடித்த அம்மு!

’சின்னட கொம்பே’ திரைப்படம் திரைக்கு வருவதற்கு முன்பே சில காட்சிகளைப் பார்த்திருக்கிறார் இயக்குநர் ஸ்ரீதர். நாடகத் துறையில் கோலோச்சிய ஒய்.ஜி.பார்த்தசாரதியை,  ஜனாதிபதியின் மகன் சங்கர் கிரியை, பிரம்மாண்ட இயக்குநர் பந்தலுவைக் கவர்ந்த  அம்முவின் நடிப்பு  ஸ்ரீதரையும் கவர்ந்திருக்கிறது. ஹூம்… கவராமல் போனால்தானே ஆச்சர்யம். ஆன்மாவிலிருந்து கலையை வெளிப்படுத்துபவரை யாருக்குத்தான் பிடிக்காமல்போகும்…? சந்தியாவை அணுகுகிறார்.  “நான் எடுக்கப்போகும், ’வெண்ணிற ஆடை’ படத்தில் அம்முவை கதாநாயகியாக நடிக்கவைக்க விரும்புகிறேன்… உங்களுக்குச் சம்மதமா?” அந்தச் சமயத்தில் உச்சத்தில் இருந்த ஓர் இயக்குநர் கேட்கிறார். மறுக்க விருப்பமில்லைதான்… இருந்தாலும் ஒரு  சிறு குழப்பம்.  தனக்கு வேண்டப்பட்டவர்கள் எல்லோரிடமும் கேட்கிறார். இறுதியாகத் தன் அப்பாவிடமும்.

“அம்முவை நடிக்கவைக்க வாய்ப்புத் தொடர்ந்து வருகிறது… நான் என்ன செய்யட்டும்…?” என்று கம்மியக் குரலில் கேட்கிறார் சந்தியா. அவருக்குத் தெரியும்தானே, தான் நடிப்பதே அப்பாவுக்குப் பிடிக்கவில்லை என்பது!

சந்தியாவை நடிக்க கேட்டபோது தயாரிப்பாளர் கெம்ப்ராஜுவுக்கு ரெங்கசாமி, என்ன பதிலைச் சொன்னாரோ… அதையேதான் இன்னும் உரிமையாக… இன்னும் கோபமாகச் சொல்கிறார். “அம்மு நன்றாகப் படிக்கிறாள். நீயும் உன் தங்கையும் (வித்யாவதி) சினிமாவில் நடிப்பது போதாதா? அம்முவையும் ஏன் சினிமாத் துறைக்கு இழுக்கிறாய்?” என்கிறார் காட்டமாக.

ஆனால், சந்தியா முன் முடிவுடன்தான் இந்தக் கேள்வியையே கேட்டார். ஆம், அவர் முன்பே முடிவு செய்துவிட்டார், அம்முவைத் தொடர்ந்து நடிக்கவைப்பது என்று.

சந்தியா முடிவு செய்தால் மட்டும் போதுமா…? அம்முவின் முடிவுதானே முக்கியம்…! ரெங்கசாமியின் வார்த்தைகளை வேண்டுமானால் புறந்தள்ளலாம். ஆனால், அம்மு முடியாது என்று சொல்லிவிட்டால்… என்ன செய்வது? குழப்பத்துடனே அம்முவிடம் தேன் தடவிய வார்த்தைகளில் கேட்கிறார் சந்தியா, “அம்மு தொடர்ந்து நடிக்க வாய்ப்பு வருகிறது… எனக்கு நன்கு புரிகிறது உனக்குப் படிப்பின் மீதுதான் விருப்பம் என்று… ஆனால், தொடர்ந்து வரும் வாய்ப்பை நாம் அவமதிப்பது துரதிர்ஷ்டத்தை நாமே அழைப்பதுபோல்… என்ன சொல்கிறாய்?”

அம்மு, அந்தச் சமயத்தில் அழுது அடம்பிடித்துத்தான் விட்டார். ஆம், எப்போதும் அம்மாவை எதிர்த்துப் பேசாத அம்மு, முதன்முறையாக கோபமாக எதிர்த்துப் பேசுகிறார்.  ’‘முடியாது… என்னால் முடியவே முடியாது…’’ என்று வீட்டில் ஒரு சூறாவளியையே உண்டாக்கிவிட்டார். அப்போது அவர் அந்த அளவுக்குப் பிடிவாதமாக இருந்ததற்கு ஒரு காரணமும் இருக்கிறது. ஆம், அந்தச் சமயத்தில்தான் மெட்ரிக் பள்ளி ரிசல்ட்டும் வந்து இருந்தது. பரீட்சையில் நிறைய மார்க்குகள் வாங்கியிருந்த அம்முவுக்கு மேற்படிப்புக்குச் சிறப்பு ஸ்காலர்ஷிப்பும் கிடைத்து இருந்தது. அம்மு இந்த வாய்ப்பைவிடத் தயாராக இல்லை. சந்தியாவும் விட்டுத் தர தயாராக இல்லை.

அம்மு ஒரு முடிவுக்கு வருகிறார். ‘ஏன் இரண்டு குதிரைகளிலும் ஒரே நேரத்தில் பயணம் செய்யக் கூடாது… செய்துதான் பார்ப்போமே…?’.

மேற்படிப்பைத் தொடர்ந்துகொண்டே, சினிமாவில் நடிக்க முடிவு செய்கிறார். அதற்கு, சந்தியாவும் சம்மதிக்கிறார்.

 

இப்படியாகத்தான் மேற்படிப்பைக் கைகழுவினார்!

அந்தச் சமயத்தில் ஒரு வழக்கம் இருந்திருக்கிறது. சர்ச் பார்க் பள்ளியில் படித்த பெரும்பாலான மாணவிகளும்  ஸ்டெல்லா மேரீஸ்கல்லூரியிலேயே சேர்வார்களாம். ஜெயலலிதாவும் ஸ்டெல்லா மேரீஸ் கல்லூரியிலேயே சேர விரும்பியிருக்கிறார். விரும்பினால் மட்டும் போதுமா…? என்னதான் பெரிய அந்தஸ்த்தில் இருந்தாலும், கல்லூரியில் சேர்வதென்றால் அடிப்படையான சில விஷயங்களைச் செய்ய வேண்டும் அல்லவா…? விண்ணப்பம் வாங்க வேண்டும், விருப்பமான பாடப்பிரிவை தேர்வு செய்ய வேண்டும், குறிபிட்ட நாளில் விண்ணப்பத்தை கல்லூரித் தேர்வுக் குழுவிடம் அளிக்க வேண்டும்… இந்தக் காலத்து மந்திரிகளின் பினாமிகள் நடத்தும் கல்லூரிகளில் வேண்டுமானால், இதுவெல்லாம் தேவையில்லாமல், பணமே மட்டுமே பிரதானமானதாக இருக்கலாம். ஆனால், அப்போது அப்படி இல்லை.  கடுமையான கட்டுப்பாடுகள் இருந்திருக்கின்றன. அம்முவோ தொடர்ந்து படப்பிடிப்பில் இருந்து இருக்கிறார். அவரால்  கல்லூரிக்குச் சென்று விண்ணப்பத்தை வாங்கி, பிடித்த பாடத்தை அதில் தேர்வு செய்வது என்பது  இயலாத காரணமாக இருந்திருக்கிறது.  அந்தச் சமயத்தில் அவருக்கு உதவியர், அவரின் பள்ளித் தோழி ஸ்ரீமதி.

அம்மு அவரிடம், “எனக்காக விண்ணப்பம் வாங்கி, நீ என்ன பாடத்தைத் தேர்வு செய்கிறாயோ அதே பாடத்தை எனக்கும் தேர்வு செய்து விண்ணப்பத்தைப் பூர்த்திச் செய்து கல்லூரியில் கொடுத்துவிட முடியுமா…?” என்று கேட்க, ஸ்ரீமதியும் சம்மதித்திருக்கிறார்.

கல்லூரியில் இடம் கிடைக்கிறது. ஆமாம், முதல் மதிப்பெண் எடுத்த ஒருவருக்கு எந்தக் கல்லூரிதான் இடம் தர மறுக்கும்…?

கல்லூரி திறக்கிறது. ஒரு நாள் சுசிலா மேரி என்ற பேராசிரியை பாடம் எடுத்துக்கொண்டிருக்கிறார். படப்பிடிப்பிலிருந்து நேராகக் கல்லூரிக்கு வந்த அம்முவின் கைகளில் எந்தப் புத்தகமும் இல்லை. அந்தப் பேராசிரியைக்கு அம்மு குறித்து எதுவும் தெரிந்திருக்கவில்லை. கண்டிப்பான பேராசிரியையான அவர், அம்முவின் கைகளில் எந்தப் புத்தகமும் இல்லாததைப் பார்த்துக் கடும் கோபம் அடைந்து,  சில கேள்விகளைக் கேட்டு இருக்கிறார். அம்மு அமைதியாக நிற்க, அந்தப் பேராசிரியை கோபமாக, “பொம்மை மாதிரி ஆடை உடுத்துவதற்கா கல்லூரிக்கு வருகிறாய்…?” என்று எரிந்து விழுந்து இருக்கிறார்.  அம்முவுக்கு சங்கடமாகிவிட்டது. அமைதியாக வகுப்பில் அமருகிறார். நல்லவேளையாக, சிறிது நேரத்தில் மதிய உணவு இடைவேளை வருகிறது. அப்போது வீட்டுக்குச் சென்றவர், பின் எப்போதும் கல்லூரி திரும்பவேயில்லை…!

ஸ்ரீமதி அம்முவை சந்தித்து, “ என்ன ஆனது… ஏன் கல்லூரிக்கு அதன்பின் வரவில்லை” என்று கேட்டதற்கு, “என்னால் அதுபோன்ற ஓர் இறுக்கமான இடத்தைச் சமாளிக்க முடியாது என்று நினைக்கிறேன்” என்று அம்மு கூற. ’’சரி… வேறு ஏதாவது கல்லூரியில் சேர்’’ என்று ஆலோசனை வழங்கிய ஸ்ரீமதியிடம்,  “இல்லை… எந்த வேலையையும் என்னால் அரை மனதுடன் செய்ய முடியாது.  இனி நடிப்புத்தான் என்று முடிவு செய்துவிட்டேன்” என்று கூறியுள்ளார்.

அவர் ஜெயலலிதாவாகப் புகழ்பெற்ற பின், அவர் அளித்த ஒரு பேட்டியிலும் இதை நினைவுகூர்ந்து, “சிறு விஷயத்துக்கும் முழுமையான உழைப்பைக் கொடுக்க வேண்டும் என்று நினைப்பேன்… அது என் வீட்டு நாய்க்குட்டியைக் குளிப்பாட்டுவதாக இருந்தாலும்கூட… அங்கு பாதி, இங்கு பாதி என்று என்னால் பயணிக்க முடியவில்லை” என்று குறிப்பிட்டுள்ளார்.

இப்படியாகத்தான் மேற்படிப்பு குறித்த அவரது கடைசி நம்பிக்கையும் தகர்ந்தது.  ரூமியிடம் தொடங்கினேன்… அவரிடமே இந்த அத்தியாயத்தை முடிக்கிறேன்… “உங்கள் ஆன்மா சொல்வதன்படி நீங்கள் எவ்வளவு விரைவாகச் செயல்படுகிறீர்கள் என்பதில்தான் வாழ்வின் மொத்த விஷயமும் இருக்கிறது” என்பார் ரூமி.

ஆனால், கெடுவாய்ப்பாக… அம்மு சந்தியாவின் ஆன்மா  சொல்வதன்படி செயல்பட்டுக்கொண்டிருந்தார்.  மு நியாஸ் அகமது

(தொடரும்)

இந்தத் தொடரின் முந்தைய பகுதிகளைப் படிக்க கீழுள்ள இணைப்பை கிளிக் செய்யுங்கள்

பகுதி 1   பகுதி 2   பகுதி 3   பகுதி 4  பகுதி 5 பகுதி 6

 

Post expires at 11:27am on Thursday November 24th, 2016

0 114
ஜெயலலிதா குணம் அடைய வேண்டி தமிழ் திரையுலகம் சார்பில் விசேஷ யாகம்

முதல்-அமைச்சர் ஜெயலலிதா உடல் நலக்குறைவு காரணமாக சென்னையில் உள்ள தனியார் ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். அவர் குணம் அடைய வேண்டி தமிழ்நாடு முழுவதும் கோவில்களில் சிறப்பு பூஜைகளும் பிரார்த்தனைகளும் நடந்து வருகிறது. தமிழ் திரைப்படத்துறையினரும் 2 நாட்கள் விசேஷ பூஜை மற்றும் பிரார்த்தனைகள் செய்கிறார்கள்.

இந்த பிரார்த்தனை நிகழ்ச்சி சென்னையில் உள்ள தென்னிந்திய திரைப்பட வர்த்தக சபை அரங்கில் நேற்று காலை தொடங்கியது. திரைப்பட வர்த்தக சபையின் முன்னாள் தலைவர் சி.கல்யாண் ஏற்பாட்டில் நடந்த இந்த சிறப்பு பிரார்த்தனை நிகழ்ச்சியை 30 சிவன் கோவில்களில் இருந்து வந்திருந்த 30 சிவாச்சாரியார்கள் நடத்தினார்கள். 2 லட்சத்து 25 ஆயிரம் வேத மந்திரங்களை ஓதி விசேஷ பூஜையை அவர்கள் செய்தனர்.

இதில் நடிகர் சங்க தலைவர் நாசர், தயாரிப்பாளர் சங்க தலைவர் எஸ்.தாணு, நிர்வாகிகள் டி.சிவா, கதிரேசன், டி.ஜி.தியாகராஜன், தென்னிந்திய திரைப்பட வர்த்தக சபை தலைவர் கங்காராஜ், மற்றும் காட்ரகட்ட பிரசாத், ஆனந்தா எல்.சுரேஷ், டைரக்டர்கள் சங்க தலைவர் விக்ரமன், ஆகியோர் கலந்துகொண்டார்கள். நடிகர்கள் மனோபாலா, ரமேஷ் கண்ணா, பெப்சி சார்பில் செல்வராஜ், சந்திரன், கிரிசன், மற்றும் தயாரிப்பாளர்கள் சிவசக்திபாண்டியன், மைக்கேல் ராயப்பன், அருள்பதி, கோபாலதாஸ், சிவஸ்ரீ சீனிவாசன், ஆனந்தா எல்.சுரேஷ், ஜாகுவார் தங்கம் உள்பட திரையுலகை சேர்ந்த பலர் பிரார்த்தனை நிகழ்ச்சியில் கலந்துகொண்டார்கள்.

இன்று காலை முதல் மாலை வரை வேள்வி யாகங்கள் நடக்கின்றன. இதிலும் திரையுலகினர் கலந்துகொள்கிறார்கள்.

0 310
முதல்வர் ஜெயலலிதாவுக்கு வந்திருக்கும் நோய் இதுதானா?

இன்றோடு ஒரு மாதமாகிறது தமிழக முதல்வர் ஜெயலலிதா அப்போலோ மருத்துவமனையில் அனுமதிக்கப்பட்டு,

1984ல் தமிழக முதல்வர் எம்.ஜி.ஆர் அப்போலோவில் ஒரு மாதம் வரை சிகிச்சைக்காகத் தங்கி இருந்தார். அவருக்கு அடுத்து நீண்ட நாட்கள் மருத்துவமனையில் தங்கி சிகிச்சை பெரும் தமிழக முதல்வர் ஜெயலலிதா தான்.

கடந்த செப் 22ல் அப்போலோவின் விஐபி-க்களுக்கான அறை எண் 2008ல் அவர் அனுமதிக்கப்பட்டார்.

அது தொடங்கி, அவருக்கு காய்ச்சல், நீர்ச்சத்து குறைபாடு, நாட்பட்ட சர்க்கரை வியாதி, நாட்பட்ட மூச்சுக்குழாய் அழற்சி, சுவாசப் பிரச்னை, இதயம் சார்ந்த நோய் என்று பல்வேறு செய்திகளைத் தன் அறிக்கை வழியாகப் பகிர்ந்து வருகின்றது அப்போலோ.

அது தொடர்பான சிகிச்சைகளுக்காக லண்டன், சிங்கப்பூர் மற்றும் டெல்லியிலிருந்து நிபுணத்துவம் பெற்ற பல டாக்டர்கள் வரவழைக்கப்பட்டனர்.

இந்நிலையில், கடந்த அக்டோபர் 10ல் ஜெயலலிதா, நீண்ட நாட்கள் மருத்துவமனையில் சிகிச்சைக்காகத் தங்கியிருக்க வேண்டும் என்ற செய்தியுடன் தனது அறிக்கைப் படலத்தைத் தற்காலிகமாக முடித்துக்கொண்டது அப்போலோ.

நீண்ட நாட்கள் என்பது எத்தனை நாள் என இறுதி செய்யப்படாத நிலையில் முதல்வரது அப்போலோ வாசம் தொடர்ந்துகொண்டிருக்கிறது.

முதல்வருக்கு உடலில் இதுதான் சிக்கல் என்று இன்றளவும் எதுவும் தெளிவுபடுத்தப்படவில்லை.

முதல்வருக்கு நுரையீரல் வீக்கமா?

இந்நிலையில் ஜெயலலிதாவின் உடல்நிலையில் நல்ல முன்னேற்றம் ஏற்பட்டுள்ளது, உட்கார்ந்திருக்கிறார். மயக்க நிலையில் வைத்திருக்க மருந்துகள் எதுவும் தரப்படவில்லை, இது அவரது உடல்நிலையில் ஏற்பட்டுள்ள பெரிய முன்னேற்றம் என்கிற தகவல்களை மருத்துவமனை வட்டாரங்கள் பகிர்ந்துள்ளன.

மேலும் அவர் நுரையீரல் நீர் வீக்கத்திற்காகத்தான் மருத்துவமனையில் தங்கி நீண்ட நாட்கள் சிகிச்சை எடுத்து வருகிறார். தற்போது சிகிச்சை அளிக்கும் மருத்துவர் குழு, மருந்தின் அளவுகளில் மாற்றம் கொண்டு வந்துள்ளதால் தான் இந்த முன்னேற்றம் ஏற்பட்டுள்ளது எனக் கூறியுள்ளனர்.

அதிகாரபூர்வமாக இந்த தகவல் தெரிவிக்கப்படவில்லை என்றாலும் மருத்துவர்கள் வட்டாரமே இந்த தகவலை வெளிப்படுத்தியுள்ளது.

 

பல்மனரி எடீமா (Pulmonary Oedema) எனப்படும் இந்நோய் நுரையீரலின் சுவாசப்பைகளில் அதிகமான நீர்க்கோர்ப்பு ஏற்படுவதால் உண்டாகிறது.

இதயத்திலிருந்து இரத்தம் எடுத்துச் செல்லும் குழாய்களில் பழுது ஏற்பட்டு இதயத்தின் செயல்பாடு பாதிக்கும்.

அதன் காரணமாக சுவாசப்பைகளில் திரவங்களின் சேர்மாணம் ஏற்படும். அது சுவாசத்தைக் கட்டுப்படுத்தும். நுரையீரலை வீக்கப்படுத்தும்.

இரத்தக் குழாயினுடைய செயல்பாடுகளை சரிசெய்வது மட்டுமே இதற்கான சிகிச்சை முறை. திடீரென அதிகமாக வியர்ப்பது, மூச்சுப் பிரச்னை, சில நேரங்களில் இருமல் ஏற்படும்போது இரத்தம் கசிவது, சருமம் வெளுத்துப்போவது இவை தவிர கால்கள் வீங்கி கொள்வது, கல்லீரல் வீக்கம், மூச்சு விடும்போது ஒரு விதம் சத்தம் ஏற்படுவது, உயர் இரத்த அழுத்தம் உள்ளிட்ட சிக்கல்கள் ஏற்படும்.

இந்நிலையில், நேற்று வெளியிட்ட அறிக்கையில் அதிதீவிர சிகிச்சைப்பிரிவு மருத்துவ நிபுணர்கள், நுரையீரல் நோய் நிபுணர்கள், இதய நோய் நிபுணர்கள், மூச்சு பிரச்னைக்கான சிகிச்சை நிபுணர்கள், தொற்றுநோய் நிபுணர்கள், நீரிழிவு நோய் நிபுணர்கள் மற்றும் ஹார்மோன் செயல்பாடுகள் குறித்த ஆலோசனை குழுவினர் உள்ளடங்கிய மருத்துவர்கள் குழு, முதல்வருக்கு தொடர்ந்து சிகிச்சை அளித்து வருவதாகத் தெளிவுபடுத்தியுள்ளது.

இருப்பினும் முதல்வர் உடல்நிலையில் முன்னேற்றம் இருக்கிறதா? எப்போது மருத்துவமனையிலிருந்து வெளியேறுவார் என்பது போன்ற தகவல்கள் எதுவும் அதில் இல்லை.

நீண்ட நாட்கள் முதல்வருக்கு ஓய்வு தேவை என்று சொல்லி இருந்தார்கள். அது இன்னும் நீண்டபடி..!

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்  Facebook-ல் share செய்யுங்கள்.

நன்றி.

0 519
ஜெயலலிதாவுக்கு படுக்கை புண்?: கவலையில் மருத்துவர்கள்!

தமிழக முதல்வர் ஜெயலலிதா உடல் நலக்குறைவால் சென்னை அப்பல்லோ மருத்துவமனையில் கடந்த 4 வாரமாக சிகிச்சை பெற்று வருகிறார். தொடர்ந்து படுக்கையில் இருப்பதால் அவருக்கு படுக்கை புண் வந்துள்ளதாக தகவல்கள் வருகின்றன.

 

இது குறித்து செய்தி வெளியிட்டுள்ள பிரபல தமிழ் வார இதழின் இணையதளத்தில், நீண்ட நாட்களாக படுக்கையில் இருக்கும் முதல்வர் ஜெயலலிதாவுக்கு புத்துணர்ச்சி ஊட்ட பிசியோ தெரபி சிகிச்சை அளித்தாலும், அவருக்கு ஏற்பட்டுள்ள படுக்கை புண் மருத்துவர்களை கவலையடைய செய்துள்ளது.

 

இந்த படுக்கை புண்ணை குணப்படுத்த மருத்துவர்கள் தீவிர முயற்சி மேற்கொண்டு வருகின்றனர். படுக்கைப் புண் ஏற்படாமல் இருக்க தண்ணீர் பெட், பவுடர் மசாஜ், உடம்பை கூலாக வைத்திருக்கும் ஊசிகள், அடிக்கடி மாற்றி படுக்க வைத்தல் போன்ற முறைகளை கையாள்வதாக மருத்துவமனை வட்டாரங்கள் தெரிவிக்கிறது.

 

முதல்வர் ஜெயலலிதாவுக்கு ஏற்கனவே சர்க்கரை நோய் இருப்பதால் இப்போது ஏற்பட்டுள்ள இந்த படுக்கைப் புண்களை போக்க அதிநவீன ஸ்ப்ரே செய்யும் மருந்துகள் மூலம் மருத்துவர்கள் கடுமையாக முயற்சி செய்து வருவதாக கூறப்பட்டுள்ளது.

RANDOM POSTS

0 203
சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும். குளிக்கும் போது, ஆரம்பத்தில் ஒவ்வொருவரும்...