Timber by EMSIEN-3 LTD
Tags Posts tagged with "சசிகலா"

சசிகலா

0 180
இரட்டை இலை சசிகலா அணிக்கு: அதிர்ச்சியில் ஓபிஎஸ்!

அதிமுக சசிகலா அணி, ஓபிஎஸ் அணி என இரண்டாக பிரிந்துள்ள நிலையில் இரட்டை இலை சின்னம் யாருக்கு கிடைக்கும் என்ற இறுதி முடிவை தேர்தல் ஆணையம் இன்று அறிவிக்க உள்ளது.

இரு தரப்பினரும் இரட்டை இலை சின்னத்தை கைப்பற்ற கடும் முயற்சிகளை மேற்கொண்டு வருகின்றனர். சசிகலா அணியில் தினகரன் தரப்பில் பல்வேறு முயற்சிகள் மேற்கொள்ளப்பட்டது. அதே நேரம் எடப்பாடி பழனிச்சாமி தரப்பிலும் சில முயற்சிகள் மேற்கொள்ளப்பட்டு அதற்கு சாதகமான பதில் கிடைத்துள்ளதாக தகவல்கள் வருகின்றன.

ஆனால் ஒரு முக்கியமான நிபந்தனையும் விதிக்கப்பட்டுள்ளது. இரட்டை இலை சின்னம் சசிகலா அணிக்கு தரப்பட்டால், ஆர்.கே.நகர் தொகுதியில் ஒருவேளை தினகரன் வெற்றி பெற்றால் அவர் முதல்வர் பதவியில் அமர கூடாது என்பது தான் நிபந்தனை.

இதனை எடப்பாடி பழனிச்சாமி தினகரன் தரப்பிடம் கூறியதாகவும், தினகரனும் அதற்கு சரி என கூறியதாக அதிமுக வட்டாரத்தில் பேசப்படுகிறது. இதனால் இரட்டை இலை சின்னம் சசிகலா அணிக்கு கிடைக்கும் என பலரும் கூறி வருகின்றனர். இந்த தகவலால் ஓபிஎஸ் அணியினர் அதிர்ச்சி அடைந்துள்ளனர். ஆனாலும் கடைசி வரை நம்பிக்கையுடன் இரட்டை இலை சின்னத்தை பெற முயற்சி செய்யும் மனநிலையில் தீவிரமாக ஓபிஎஸ் அணியினர் உள்ளனர்.

Post expires at 9:00am on Monday May 22nd, 2017

0 129
பொதுச்செயலர் பதவியை ராஜினாமா செய்யவே முடியாது- சசிகலா திட்டவட்ட அறிவிப்பு..!

ஓபிஎஸ் அணியின் நிபந்தனைப்படி அதிமுக பொதுச்செயலர் பதவியை தாம் ஒருபோதும் ராஜினாமா செய்யவே முடியாது என பெங்களூரு சிறையில் உள்ள சசிகலா திட்டவட்டமாக தெரிவித்துள்ளார்.

அதிமுகவின் இரு அணிகள் ஒன்றாக இணைவதற்கான பேச்சுவார்த்தைகள் எப்போது வேண்டுமானாலும் தொடங்கலாம் என்ற நிலை இருந்தது. இந்த நிலையில் ஓபிஎஸ் அணியினர் சசிகலா, தினகரன் ராஜினாமா கடிதம் வேண்டும்; சசிகலா குடும்பத்தினர் 30 பேரை கூண்டோடு நீக்க வேண்டும் என நிபந்தனை விதித்தது.

இது தொடர்பாக பெங்களூரு சிறையில் உள்ள சசிகலாவிடம் தெரிவிக்கப்பட்டது. இந்த நிபந்தனையைக் கேட்டவுடன் சசிகலா கொந்தளித்துவிட்டாராம்.

அத்துடன், முதலில் தினகரனின் தலையீடு வேண்டாம் என்று கூறினார்கள்… சரி என தினகரனை ஒதுங்கி இருக்க சொல்லிவிட்டேன்.. அவரும் ஒதுங்கிவிட்டார்.. இப்போது கூடுதல் நிபந்தனை விதித்தால் எப்படி? என எகிறியிருக்கிறார்.

மேலும் இந்த ஆட்சியையே நான் உருவாக்கியது… ஓபிஎஸ் கோஷ்டி இணைந்தால்தான் ஆட்சி நிலைக்கும் என்றால் அப்படி ஒன்று தேவையே இல்லை.. ஆட்சி போனாலும் பரவாயில்லை… நீங்க தேர்தலில் நின்று ஜெயித்து வாங்க.. அதன்பின்னர் ராஜினாமா செய்கிறேன் என கூறியிருக்கிறாராம் சசிகலா.

மேலும் இந்த ஆட்சியையே நான் உருவாக்கியது… ஓபிஎஸ் கோஷ்டி இணைந்தால்தான் ஆட்சி நிலைக்கும் என்றால் அப்படி ஒன்று தேவையே இல்லை.. ஆட்சி போனாலும் பரவாயில்லை… நீங்க தேர்தலில் நின்று ஜெயித்து வாங்க.. அதன்பின்னர் ராஜினாமா செய்கிறேன் என கூறியிருக்கிறாராம் சசிகலா.

சசிகலாவின் இந்த திட்டவட்ட முடிவு ஓபிஎஸ் அணிக்கும் தெரிவிக்கப்பட்டிருக்கிறதாம். தற்போது எடப்பாடி கோஷ்டியோ, பேச்சுவார்த்தை நடத்தி ஒரு சுமூக முடிவை எட்டலாம் என ஓபிஎஸ் கோஷ்டிக்கு தூது அனுப்பியுள்ளதாம்.

Post expires at 8:55am on Monday May 22nd, 2017

0 59
வீதிக்கு வந்த சசிகலா குடும்ப சண்டை... ஃபேஸ்புக்கில் மல்லுக்கட்டும் திவாகரன், இளவரசி மகன்கள்!

அதிமுகவில் சசிகலா குடும்பத்துக்கு குட்பை சொல்லிவிட்டதில் திவாகரன் தரப்புதான் உற்சாகத்தில் இருக்கிறது போல.. இது தொடர்பாக திவாகரன் மற்றும் இளவரசி மகன்கள் ஃபேஸ்புக்கில் மல்லுக்கட்டி வருகின்றனர்.

சசிகலா குடும்பம் இல்லாத அதிமுக என்ற முழக்கத்தை முன்வைத்து ஓபிஎஸ், எடப்பாடி கோஷ்டிகள் கை கோர்த்துவிட்டன. டிடிவி தினகரனும் அனைவருக்கும் நன்றி விடைபெறுகிறேன் என சொல்லி அதிமுகவை விட்டு தப்பி ஓடிவிட்டார்.

தினகரனை இன்று நள்ளிரவே டெல்லி போலீஸ் திஹார் சிறைக்குத் தூக்கிச் செல்லும் நிலைதான் இருக்கிறது. இதனால்தான் ஒட்டுமொத்தமாக அமைச்சர்கள் அனைவருமே டிடிவி தினகரனை கை கழுவி ஒதுக்கி வைத்துவிட்டனர்.

உண்மையில் தினகரனை ஒதுக்கி வைத்ததில் திவாகரன் தரப்புதான் ரொம்பவே மகிழ்ச்சியில் உள்ளது. திவாகரன் மகன் ஜெயானந்தின் ஃபேஸ்புக் பக்கத்தில் ஏகப்பட்ட மகிழ்ச்சி குரல்கள்… ‘சொந்த குடும்பத்தையே ஒதுக்கி வைத்தால் இப்படித்தான்’ என்றெல்லாம் கூட கமெண்ட்ஸ்.

திவாகரன் மகன் ஜெயானந்தும் கூட, தாமதமான முடிவாக இருந்தாலும் விவேகமானதே என பாராட்டி பதிவிட்டுள்ளார். இதை ஆதரித்து ஏகப்பட்ட கமெண்டுகள் போடப்பட்டு வருகின்றன.

இதில் இளவரசி மகன் விவேக்கும் ஒரு கமெண்ட் போட்டிருக்கிறார். அந்த கமெண்ட்டில் ‘நடப்பவை கழகத்துடைய நன்மைக்கானவை அல்ல, மாறாக, கழகம் சுக்குநூறாக ஆவதற்கான வாய்ப்பை இவை உருவாக்கும்’ என காட்டமாக போட்டிருக்கிறார். விவேக்கின் பதிவை வைத்தும் ஜெயானந்தன் பக்கத்தில் பஞ்சாயத்து களைகட்டிக் கொண்டிருக்கிறது.

 

Post expires at 4:07pm on Friday May 19th, 2017

0 125
சசிகலா குடும்பத்தின் கடைசி அத்தியாயம்:

அதிமுகவின் இரு அணிகளும் ஒன்றிணைய வேண்டும் என மேற்கொள்ளப்பட்ட முயற்சியின் விளைவாக, மூன்றாவது அணி ஒன்று உருவாக்கி விட்டது.

சசிகலா அணியில் இருந்து உருவான அந்த மூன்றாவது அணிதான், பெரும்பாலான அமைச்சர்களையும், எம்.எல்.ஏக்களையும் கொண்டு இயங்கும் பெரிய அணியாக உள்ளது.

அமைச்சர்கள் அணிதான், ஓ.பி.எஸ் அணியுடன் இணைவதற்கான அனைத்து பணிகளையும் மேற்கொண்டு வருகிறது. சசிகலா குடும்பத்தை நீக்கி விட்டு ஒன்று பட்ட அதிமுகவை உருவாக்கும் முயற்சியில் அது ஈடுபட்டுள்ளது.

ஆனால், தங்கள் குடும்பத்தின் அதிகார ஆதிக்கம் பறிபோய் விட கூடாது என்பதற்காக, அந்த அணியில் இருந்து சில எம்எல்ஏக்களை உடைத்து இருக்கிறார் தினகரன்.

தினகரனுக்கு ஆதரவாக, பெரம்பூர் வெற்றிவேல், தங்க தமிழ்ச்செல்வன் உள்ளிட்ட 9 எம்.எல்.ஏ க்கள் உள்ளனர். மேலும், இன்று மாலை எம்.எல்.ஏ க்கள் கூட்டத்திற்கு அழைப்பு விடுத்துள்ளார் தினகரன். அந்த கூட்டத்தில் எத்தனை எம்.எல்.ஏ க்கள் கலந்து கொள்கிறார்கள் என்பது இனிதான் தெரிய வரும்.

அதே சமயம், அமைச்சர்கள் யாரும் தினகரனுக்கு ஆதரவாக இருப்பதாக தெரியவில்லை. அமைச்சர் விஜயபாஸ்கரை நீக்க வேண்டும் என்று அமைச்சர்கள் அணி போர்க்கொடி பிடிப்பதால், விஜயபாஸ்கர் மட்டுமே தினகரனுடன் இருப்பதாக கூறப்படுகிறது.

அதே சமயம், கட்சி மற்றும் ஆட்சியில், சசிகலா குடும்பத்தின் ஆதிக்கத்தை முற்றிலுமாக அகற்ற வேண்டும் என்பதில், அமைச்சர்கள் அணி உறுதியாக இருக்கிறது.

சசிகலாவின் தீவிர ஆதரவாளர்களாக கருதப்பட்ட உதயகுமார், செல்லூர் ராஜு, ஓ.எஸ் மணியன் உள்ளிட்ட அனைவருமே, தினகரனுக்கு எதிராகவே உள்ளனர்.

அதேபோல், அமைச்சர்கள் அனைவரும், தங்கள் மாவட்டத்தில் உள்ள பெரும்பாலான எம்.எல்.ஏ க்களை தங்கள் கட்டுப்பாட்டுக்குள் கொண்டு வந்து விட்டனர்.

ஒருவேளை, தினகரன் ஒருசில எம்.எல்.ஏ க்களை இழுத்து நெருக்கடி கொடுத்தாலும், பன்னீர் ஆதரவில் உள்ள எம்.எல்.ஏ க்கள் அதை ஈடு செய்வார்கள் என்றே தெரிகிறது.

எனவே, எப்படி பார்த்தாலும், சசிகலா குடும்பத்தில் கடைசி அத்தியாயம், அவரது ஆதரவாளர்கள் துணையுடன் எழுதப்பட்டு வருகிறது என்பதே இப்போதைய நிலை.

Post expires at 7:20am on Friday May 19th, 2017

0 216
தினகரனை சந்திக்க மறுத்த சசிகலா? - பின்னணி என்ன?

பெங்களூர் சிறையிலிருக்கும் தன்னை பார்க்க வந்த தினகரனை, சசிகலா சந்திக்க மறுத்து விட்டதாக செய்திகள் வெளியாகியுள்ளது.

சொத்துக்குவிப்பு வழக்கில் சிறைக்கு செல்ல நேரிட்ட போது, தினகரனை அதிமுக துணைப் பொதுச்செயலாளராக நியமித்து விட்டு சென்றார் சசிகலா. அதன்பின் அதிமுகவின் தலைமையாக செயல்பட்டார் தினகரன்.

ஆனால், நடராஜன், திவாகரன் மற்றும் உறவினர்களை ஒதுக்குவது, இரட்டை இலை சின்னத்தை பறி கொடுத்தது, ஆர்.கே.நகர் தேர்தலில் நின்றது, வெற்றி பெறுவதற்காக பணப்பட்டுவாடா செய்தது, ஆதாரங்களோடு சிக்கி தேர்தல் ரத்தாக காரணமாக இருந்து, விஜயபாஸ்கரிடம் நடத்தப்பட்ட சோதனை என பல விவகாரங்களில் தினகரன் மீது சசிகலா கோபமாக இருப்பதாக ஏற்கனவே செய்திகள் வெளிவந்தன. அந்நிலையில், இரட்டை இலை சின்னத்தை பெற ரூ.60 கோடி பேரம் பேசியதாக தற்போது அவர் மீது புகார் எழுந்துள்ளது. இது தொடர்பாக சுகேஷ் சந்தர் என்பவரை டெல்லி போலீசார் இன்று கைது செய்துள்ளனர். மேலும், நாளை சென்னை வரும் டெல்லி போலீசார் இதுபற்றி தினகரனிடம் விசாரணை செய்ய இருக்கிறார்கள்.

இந்நிலையில்தான், சசிகலாவை சந்திக்க இன்று பெங்களூர் பரப்பன அக்ரஹார சிறைக்கு சென்றார் தினகரன். ஆனால், அவர் மீது கோபத்திலிருக்கும் சசிகலா அவரை சந்திக்க மறுத்து விட்டதாகவும், இதனால் பெங்களூரில் விடுதியில் அறை எடுத்து தினகரன் தங்கியிருப்பதாகவும் செய்திகள் வெளிவந்துள்ளது.

Post expires at 5:14pm on Wednesday May 17th, 2017

0 955
ஜெயலலிதா மரணத்துக்கு பிறகு... சின்னாபின்னமாகும் சசிகலாவின் குடும்பம்...

ஜெயலலிதா மறைந்த பிறகு, அவரது தோழி சசிகலாவின் குடும்பத்தில் பல்வேறு சிக்கல்கள் ஏற்பட்டுள்ளதால் ஜெயலலிதாவின் ஆவி அவர்களை பழி வாங்க துடிக்கிறதோ என்று மக்கள் மத்தியில் பரவலாக பேசப்பட்டு வருகிறது.

முன்னாள் முதல்வர் ஜெயலலிதா உடல்நல குறைபாட்டால் அப்பல்லோ மருத்துவமனையில் 75 நாள்கள் அனுமதிக்கப்பட்டு கடந்த டிசம்பர் மாதம் உயிரிழந்துவிட்டார்.

இந்நிலையில் மருத்துவமனையில் இருந்த ஜெயலலிதாவை சந்திக்க சசிகலா யாரையும் அனுமதிக்காததால் அவர் மீதான சந்தேகம் வலுத்தது. இதை மக்கள் வெளிப்படையாக தெரிவித்தனர்.

ஜெயலலிதா இருந்தபோது ராணுவக் கட்டுகோப்புடன் இருந்த அதிமுகவில் திடீரென பிளவுப்பட்டது. இதனால் சசிகலா அணி, ஓபிஎஸ் அணி என இரு அணிகளாக பிரிந்தது. இதைத் தொடர்ந்து கட்சியின் பொதுச் செயலாளராக சசிகலா பொறுப்பேற்றுக் கொண்டார்.

இந்நிலையில் மாநில முதல்வராக பொறுப்பேற்க எம்எல்ஏ-க்களின் குழுத் தலைவராக சசிகலா தேர்ந்தெடுக்கப்பட்டார். இதனிடையே உடல்நல கோளாறு காரணமாக அவரது கணவர் நடராஜன் அப்பல்லோவில் அனுமதிக்கப்பட்டுள்ளார். இந்நிலையில் சொத்துக் குவிப்பு வழக்கில் சசிகலாவின் சிறை தண்டனை உறுதி செய்யப்பட்டு அவர் சிறையில் அடைக்கப்பட்டுள்ளார்.

திவாகரனின் சம்பந்தியான கூடுதல் எஸ்.பி ஜெயச்சந்திரன் கன்னியாகுமரியில் இருந்து கரூர் தலைமையிட கூடுதல் எஸ்பியாக இடமாற்றம் செய்யப்பட்டார். இதற்கு காரணம் டிடிவி தினகரன்தான் என்ற தகவல் வெளியாகியதால் அவருக்கு எதிராக சசிகலாவின் தம்பியான திவாகரன் மோதல் போக்கு ஏற்பட்டது.

இந்நிலையில் ஆர்கே நகர் இடைத்தேர்தல் அறிவிக்கப்பட்டதும் அதிமுகவின் இரட்டை இலை சின்னம் யாருக்கு என்ற போட்டியில் இரு அணிகளும் தேர்தல் ஆணையத்தை நாடிய நிலையில் அச்சின்னம் முடக்கப்பட்டது. இது கட்சி பேதமில்லாமல் பலரும் அதிருப்தி தெரிவித்தனர்.

ஆர்கே நகர் இடைத்தேர்தலில் எப்படியாயினும் வெற்றி பெற்றுவிட்டால் முதல்வராக பொறுப்பேற்கலாம் என்று டிடிவி தினகரன் திட்டமிட்டதாக கூறப்பட்டது. இதனால் வரலாறு காணாத அளவுக்கு ஆர்கே நகரில் பணப்பட்டுவாடா நடைபெற்றது. இறுதியில் தேர்தல் ரத்து செய்யப்பட்டது.

தினகரனின் ஆதரவு அமைச்சரான விஜயபாஸ்கர் வருமான வரித்துறையினரிடம் வசமாக சிக்கியுள்ளார். இவர் பதவியில் நீடிப்பது குறித்து முதல்வர் எடப்பாடியுடன் தினகரன் மோதி வருகிறார். பெரா வழக்கில் தினகரனுக்கு சிறை தண்டனை காத்து கிடப்பதாகவும் தகவல்கள் கசிந்துள்ளன.

இந்த நிலையில் சசிகலாவின் 2-வது அண்ணன் வினோதகனின் மகன் மகாதேவன் இன்று திருவிடைமருதூர் கோயிலுக்கு சாமி தரிசனத்திற்காக சென்றார். அப்போது திடீரென அவருக்கு மயக்கம் ஏற்பட்டுள்ளது. உள்ளூர் மருத்துவமனையில் அவர் சிகிச்சைக்காக சேர்க்கப்பட்டார். நிலைமை மோசமாக இருந்ததால், அவர் கும்பகோணத்திலுள்ள தனியார் மருத்துவமனைக்கு சிகிச்சைக்கு அழைத்துச் செல்லப்பட்டார். ஆனால், அங்கு அவரை பரிசோதித்து பார்த்த மருத்துவர்கள், மகாதேவன் ஏற்கனவே இறந்துவிட்டதாக தெரிவித்தனர்.

ஜெயலலிதாவின் மறைவுக்கு பின்னர் சசிகலாவின் குடும்பத்தில் நிலவி வரும் பல்வேறு சிக்கல்களுக்கு என்ன காரணமாக இருக்கும் என்று அரசியல் விமர்சகர்கள் வினவி வருகின்றனர். ஜெயலலிதா உயிரோடு இருந்தபோது இந்த மன்னார்குடி கும்பலின் ஆட்டத்தை ஒருபோதும் அனுமதித்ததில்லை. இந்தநிலையில் சசிகலாவின் குடும்பத்தில் புயல் கிளம்பியுள்ளதால் ஜெயலலிதாவின் ஆன்மா தனக்கு எதிராக செயல்பட்டவர்களை பழி வாங்க துடிக்கிறதோ என்ற ஐயம் எழுந்துள்ளது.

 

Post expires at 2:43am on Tuesday May 16th, 2017

0 174
சசிகலா ஏன் பரோலில் வரவில்லை?

சசிகலாவின் அண்ணன் மகன் மகாதேவன், தஞ்சையில் மாரடைப்பால் இறந்து போனார். தகவல் கிடைத்ததும், உறவுக்காரரான அ.தி.மு.க.,வின் துணைப் பொதுச் செயலர் தினகரன், தஞ்சாவூருக்கு சென்று, அஞ்சலி செலுத்தினார்.பெங்களூரு பரப்பன அக்ரஹாராவில் இருக்கும் சசிகலா, இளவரசி, சுதாகரன் ஆகியோர் பரோலில் தஞ்சாவூர் வந்து, இறுதி அஞ்சலியில் கலந்து கொள்ள வேண்டும் என்று, மகாதேவன் குடும்பத்தினர் விரும்பினர்.

இதற்கான தகவலை, கர்நாடக மாநில அ.தி.மு.க., செயலர் புகழேந்தி மூலம், சிறையில் இருக்கும் சசிகலாவுக்கு சொல்லி அனுப்பினர். அதற்கு முன்னதாகவே, மகாதேவன் மரணம் குறித்த விவரங்கள், சசிகலாவுக்கு தெரிந்திருந்தது.மகாதேவன் குடும்பத்தினரின் விருப்பத்தை புகழேந்தி, சசிகலாவிடம் சொல்லவும், அவர், அதை ஏற்கவில்லை என கூறப்படுகிறது.இது குறித்து, அ.தி.மு.க., வட்டாரங்கள் கூறியதாவது: மகாதேவன் குடும்பத்தினர் மீது, சசிகலா அலாதி ப்ரியம் கொண்டவர்.

அதனால்தான், மோசமான இமேஜை கொண்டவர் மகாதேவன் என்றாலும், அவரை ஜெயலலிதாவிடம் சொல்லி, அம்மா பேரவை செயலர் ஆக்கினார். அதன் பின்னும், மகாதேவன் மீது ஏகப்பட்ட புகார்கள் ஜெயலலிதாவுக்கு வரவே, அவர், மகாதேவனை அப்பொறுப்பில் இருந்து நீக்கினார்.ஆனாலும், தொடர்ந்து மகாதேவன் குடும்பத்தினர் மீது பாசமாகவே இருந்து வந்தார் சசிகலா. மகாதேவன் மரணம், சசிகலாவை ரொம்பவே வருத்தப்படுத்தி இருக்கிறது. பரோலில் வந்து, மகாதேவனுக்கு இறுதி அஞ்சலி செலுத்த வேண்டும் என்பதுதான் சசிகலாவின் எண்ணம்.

ஆனால், தன்னுடைய ஒட்டுமொத்த உறவுகளும், அந்த இறுதி சடங்குக்கு கட்டாயம் வரும். உறவுகள் முன்னிலையில், கடந்த முப்பது ஆண்டுகளாக கம்பீரமாக வலம் வந்த சசிகலா, சிறைவாசத்தில் இருக்கும் இந்த சூழ்நிலையில், உறவினர்கள் முன்னிலையில், குருகிச் செல்ல விரும்பவில்லை. அதனால், இறுதிச் சடங்கில் கலந்து கொள்ள பரோலில் வர விரும்பவில்லை என்று தெரிவித்து விட்டார். அதோடு, கர்நாடக சிறைத் துறையினர், சிறைக் கைதிகள் விஷயத்தில் கடுமை காட்டி வரும் நிலையில், பரோல் கிடைப்பதிலும் தாமதம் ஏற்பட்டாலும் சிக்கல் என நினைத்து, அதை மறுத்து விட்டார்.இந்த விஷயம், தினகரன் மூலமாக மகாதேவன் குடும்பத்தினருக்கு தெரியப்படுத்தப்பட்டு விட்டது.

இவ்வாறு அவ்வட்டாரங்கள் கூறின.

Post expires at 2:39am on Tuesday May 16th, 2017

தங்கமணி; தளவாய் சுந்தரம் இடையே வாக்குவாதம்
தமிழக தொழில்துறை அமைச்சர் தங்கமணிக்கும் முன்னாள் அமைச்சரும் தமிழக டெல்லி சிறப்பு பிரதிநிதியுமான தளவாய் சுந்தரத்துக்கும் இடையே வாக்குவாதம் ஏற்பட்டதாகவும், தங்கமணி காட்டமாக தளவாய் சுந்தரத்தை விமர்சித்ததாக அதிமுக வட்டாரத்தில் கிசுகிசுக்கப்படுகிறது.

டிடிவி தினகரன் ஆதரவாளரான முன்னாள் அமைச்சர் தளவாய் சுந்தரம் ஜெயலலிதா இருக்கும் போது கட்சியில் ஓரம்கட்டி வைக்கப்பட்டார். ஜெயலலிதா இறந்த பின்னர் தினகரனால் கட்சியில் முன்னிறுத்தப்பட்டார்.
தமிழக அரசின் டெல்லி சிறப்பு பிரநிதிநியாக தினகரன் ஆதரவுடன் நியமிக்கப்பட்டார். தினகரனின் வலது கையாக செயல்பட்டு வருகிறார் தளாவய் சுந்தரம். இதனால் அமைச்சர்களுக்கே உத்தரவிடுகிறார். இதனால் பல அமைச்சர்களுக்கு தளவாய் சுந்தரத்தின்  அராஜக போக்கு பிடிக்கவில்லை.
தளவாய் சுந்தரம் பல அமைச்சர்களை தினகரனிடம் போட்டு கொடுத்ததாகவும் கூறப்பட்டது. இதனால் தளவாய் சுந்தரத்தால் கட்சியில் ஒருவித குழப்பம் நிலவியே வந்தது. வருமான வரித்துறை அதிகாரிகள் சோதனையின் போதும் அராஜகமாக நடந்துகொண்டதாக தளவாய் சுந்தரம் மீது வருமான வரித்துறை காவல்துறையிடம் புகார் அளித்து வழக்கு பதிவு செய்யப்பட்டுள்ளது.
இந்நிலையில் அதிமுக அம்மா அணியில் அமைச்சர்கள், நிர்வாகிகள் கூட்டம் நடைபெற்றது. கடந்த சில நாட்களாக அமைச்சர்கள் மாற்றம் குறித்து பரபரப்பாக பேசப்பட்டு வந்தது. இது தொடர்பாக இந்த கூட்டத்தில் பேசப்பட்டது.
அப்போது அமைச்சர் ஜெயகுமார் மாற்றம் தொடர்பாக அமைச்சர் தங்கமணிக்கும், தளவாய் சுந்தரத்துக்கும் இடையே கடும் வாக்குவாதம் வந்ததாக கூறப்படுகிறது. அப்போது தளவாய் சுந்தரத்தை பார்த்து அமைச்சர் தங்கமணி, உங்கள் மாவட்டத்தை நாசம் செய்து விட்டீர்கள். இப்போது கட்சியை நாசம் செய்ய வந்திருக்கிங்களா என்றார்.

Post expires at 2:08am on Tuesday May 16th, 2017

0 225
சசிகலாவின் அண்ணன் மகன் மகாதேவன் திடீர் மரணம்!
அதிமுக அம்மா அணியின் பொதுச்செயலாளர் சசிகலாவின் அண்ணன் வினோதகனின் மகன் மகாதேவன் இன்று காலை திடீரென மாரடைப்பால் மரணமடைந்துள்ளார்.

சசிகலாவின் இரண்டாவது அண்ணன் வினோதகனின் மூத்த மகன் மகாதேவன் திருவிடைமருதூர் கோவிலுக்கு சென்றபோது திடீரென மாரடைப்பு ஏற்பட்டு மரணமடைந்ததாக தகவல்கள் தெரிவிக்கின்றன. 47 வயதான இவர் தஞ்சாவூரில் வசித்து வந்தார்.
ஒரு காலத்தில் ஜெயலலிதாவின் போயஸ் தோட்ட இல்லத்தில் சர்வ அதிகாரத்துடன் வலம் வந்த மகாதேவன் ஜெயலலிதா பேரவையின் மாநில செயலாளராக இருந்தவர். அதன் பின்னர் ஜெயலலிதாவால் ஓரம் கட்டப்பட்டு ஒரேயடியாக போயஸ் கார்டனில் இருந்தும் கட்சியிலிருந்தும் விரட்டப்பட்டார்.
இந்நிலையில் இன்று அவர் திருவிடைமருதூர் கோவிலுக்கு சென்ற போது திடீரென அவருக்கு மாரடைப்பு ஏற்பட்டுள்ளது. இதனையடுத்து அவர் உடனடியாக கும்பகோணத்தில் உள்ள தனியார் மருத்துவனைக்கு கொண்டு செல்லப்பட்டார். ஆனால் மருத்துவமனைக்கு கொண்டு செல்லும் வழியிலேயே அவரது உயிர் பிரிந்துள்ளது. இதனை மருத்துவர்கள் உறுதி செய்துள்ளனர்.
47 வயதான மகாதேவன் திடீரென இறந்தது சசிகலா குடும்பத்தினருக்கும், அதிமுகவினருக்கு அதிர்ச்சியாக அமைந்துள்ளது. இவரது இறுதிச்சடங்கிற்கு சிறையில் உள்ள அவரது அத்தை சசிகலா வருவாரு என்பது இன்னும் உறுதியாகவில்லை

Post expires at 8:02am on Monday May 15th, 2017

0 188
முடக்கப்பட்ட இரட்டை இலை ; ரத்தான இடைத் தேர்தல் ; கடும் கோபத்தில் சசிகலா

அதிமுக துணைப் பொதுச் செயலாளர் தினகரனின் அவசர செயல்பாடுகள் காரணமாக, அவர் மீது சிறையில் இருக்கும் சசிகலா அதிருப்தியில் இருப்பதாக செய்திகள் வெளிவந்துள்ளது.

சொத்துக்குவிப்பு வழக்கில் சிறைத் தண்டனை பெற்று சிறைக்கு செல்ல நேரிட்ட போது, தனது உறவினர் டி.டி.வி. தினகரனை துணைப் பொதுச்செயலாளராக சசிகலா நியமித்தார். அதன் பின் அதிமுகவின் தலைமையாக செயல்பட்டார் தினகரன்.

என்னதான் தமிழக முதல்வராக எடப்பாடி பழனிச்சாமி இருந்தாலும், அவரை பின்னால் இருந்து தினகரனே இயக்குகிறார் என்பது எல்லோருக்கும் தெரியும். இந்நிலையில், ஆர்.கே.நகர் இடைத் தேர்தல் அறிவிக்கப்பட்டவுடன் நான்தான் நிற்பேன் என அங்கு போட்டியிட்டார் தினகரன். ஓ.பி.எஸ் அணி கொடுத்த குடைச்சலில் இரட்டை இலை சின்னமும், அதிமுக என்ற கட்சி பெயரையும் பயன்படுத்த முடியாமல் போனது. எனவே, தொப்பி சின்னத்தில் போட்டியிட்டார் தினகரன். ஆனால், ஆர்.கே.நகர் தொகுதி மக்களுக்கு தினகரண் அணி பணப்பட்டுவாடா செய்த பல வீடியோக்கள் சமூக வலைத்தளங்களில் வெளியானது. இதனால், விஜயபாஸ்கர், சரத்குமார் உள்ளிட்டவர்களிடம் வருமான வரித்துறை சோதனை நடத்தினர். அதனைத் தொடர்ந்து இடைத் தேர்தலும் ரத்தானது.

மேலும், வருமான வரித்துறையினரின் லிஸ்டில் முதல்வர் உட்பட தமிழக முக்கிய அமைச்சர்கள் பெயர் இருக்கிறது. அடுத்த சோதனை எங்கு நடக்கும் என யாருக்கும் தெரியவில்லை. தமிழகத்தில் ஆட்சி மாற்றம் வருவதற்கு வாய்ப்பிருக்கிறது என தமிழிசை உட்பட பலரும் கருத்து தெரிவித்து வருகின்றனர்.

இதையெல்லாம் கேள்விப்பட்டு சசிகலா மிகவும் நொந்து போய் விட்டாராம். சசிகலாவோடு சிறையில் இருக்கும் இளவரசியின் மகன் விவேக் தற்போது பெங்களூரில் தங்கியிருந்து அடிக்கடி சிறைக்கு சென்று அவர்கள் இருவரையும் சந்தித்து பேசி வருகிறார். அவரிடம் புலம்பிய சசிகலா “ஆர்.கே.நகர் தேர்தலில் தினகரன் போட்டியிட்டிருக்கக் கூடாது. தேர்தல் கமிஷன் கண்காணிக்கும் என்பது தெரியாமல், இப்படி எல்லோருக்கும் தெரியும் வகையில் பணப்பட்டுவாடா செய்து கட்சியின் மீது மக்களுக்கு இருந்த நல்ல பெயரை கெடுத்து விட்டான். ஏற்கனவே, ஓ.பி.எஸ் அணியால் இரட்டை இலை சின்னமும் பறிபோனது. தற்போது தேர்தலும் ரத்தாகி விட்டது. மத்திய அரசிடம் பகைத்துக் கொள்வதால், வருமான வரி சோதனைகளும் அதிகரித்து வருகிறது.

இதற்காகவா நானும் அக்காவும் (ஜெயலலிதா) இவ்வளவு கஷ்டப்பட்டோம். நான் சிறையிலிருந்து விடுதலை ஆகி வெளியே வரும் போது கட்சி இருக்குமா என்றே தெரியவில்லை. அவனை என்னை வந்து பார்க்க சொல்” என விவேக்கிடம் புலம்பியதாக செய்திகள் வெளிவந்துள்ளது.

இதுகுறித்து தினகரனிடம் தெரிவித்த போது, சசிகலாவை சென்று சந்திப்பது பற்றி உறுதியாக எதுவும் அவர் பதில் கூறவில்லையாம்.

 

Post expires at 8:47am on Saturday May 13th, 2017

RANDOM POSTS

0 201
சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும். குளிக்கும் போது, ஆரம்பத்தில் ஒவ்வொருவரும்...