Timber by EMSIEN-3 LTD
Tags Posts tagged with "கட்சி"

கட்சி

0 122
அதிகாரப்பூர்வமான கட்சி எது- தேர்தல் ஆணையம் எப்படி தீர்மானிக்கும்?

‘சண்டையில் கிழியாத சட்டை எங்க இருக்கு’ என வடிவேல் ஒரு படத்தில் கேட்பார். அதுபோல பிரச்சினையில்லாத அரசியல் கட்சிகள் சாத்தியமில்லை. பல சமயங்களில் இத்தகைய உட்கட்சி பிரச்சினைகள், கட்சியையே இரண்டாக உடைத்துவிடும். தமிழகத்தில் அத்தகைய காட்சிகளை நிறையவே நாம் கண்டிருக்கிறோம். இப்படி ஒரு கட்சி இரண்டாகப் பிளவுறும்போது, அந்த இரண்டு பிரிவுகளில் எந்த பிரிவுக்கு கட்சியின் பெயர், சின்னம் போன்றவை கிடைக்கும்? அதை தேர்தல் ஆணையம் எப்படி முடிவுசெய்யும்? தேர்தல் ஆணையம் எந்த அதிகாரத்தின் அடிப்படையில் கட்சியின் சின்னம், பெயர் தொடர்பான பிரச்சினைகளில் முடிவடுக்கிறது?

1968-ஆம் ஆண்டு தேர்தல் சின்னங்கள் (நிறுத்திவைத்தல் மற்றும் வழங்கல்) ஒழுங்குபடுத்தல் விதிமுறையானது, தேர்தல் ஆணையத்துக்கு அரசியல் கட்சிகளை அங்கீகரிக்கவும் சின்னங்களை ஒதுக்கவும் அதிகாரமளிக்கிறது.

அந்த விதிமுறையின் 15-வது பத்தியில், ஆணையமானது அங்கீகரிக்கப்பட்ட அரசியல் கட்சியின் எதிரெதிர் குழுக்கள் அல்லது பிரிவுகள் கட்சிப் பெயர் அல்லது சின்னத்தை உரிமைகோரும்போது பிரச்சினைகளுக்கு தீர்வுகாண அதிகாரமளிக்கிறது.

இந்த 15 வது பத்தி, கட்சியில் பிளவு அல்லது இணைப்பு குறித்து தீர்மானிப்பதற்கான ஒரே அதிகாரம் தேர்தல் ஆணையத்துக்கு மட்டுமே உண்டென்கிறது. உச்சநீதிமன்றமும் 1971-ல் நடந்த இத்தகையதொரு விவகாரத்தில் தேர்தல் ஆணையத்தின் அதிகாரத்தை உறுதிசெய்தது.

கட்சியின் ஒரு பிரிவு அல்லது குழுவை அதிகாரப்பூர்வமானதாக முடிவுசெய்யும்முன், அந்த அரசியல் கட்சியின் அமைப்புரீதியான உறுப்பினர்கள் மற்றும் தேர்தலில் தேர்ந்தெடுக்கப்பட் ட சட்டமன்ற உறுப்பினர்கள் இவர்களின் பெரும்பான்மை ஆதரவு யாருக்கென தேர்தல் ஆணையம் உறுதிப்படுத்திக்கொள்ளும்.

கட்சி தோற்றுவிக்கப்பட்டபோது சமர்ப்பிக்கப்பட்ட அலுவல் உறுப்பினர்கள் பட்டியலை ஆய்வுசெய்யும். அந்த அமைப்பிலுள்ள உச்ச குழுவுக்கு அலுவல் உறுப்பினர்கள், பிரதிநிதிகள் எத்தனை பேர் ஆதரவு, எதிர்க் குழுவுக்கு எத்தனை பேர் ஆதரவு என ஆராயும். எம்.எல்.ஏ.க்கள், எம்.பி.க்களில் எத்தனை பேர் ஒரு குழுவை ஆதரிக்கிறார்கள் என்று பார்க்கும். இந்த உறுப்பினர்கள் அளித்த உறுதிச் சான்றிதழையும் கணக்கிலெடுத்துக்கொள்ளும்.

இரண்டு குழுக்களில் எந்த குழுவுக்கு அலுவல் உறுப்பினர்கள் மற்றும் சட்டப்பேரவைக் குழுக்களின் ஆதரவு பெரும்பான்மையாக இருக்கிறதோ, அதையே அங்கீகரிக்கப்பட்ட கட்சியாக முடிவுசெய்யும். கட்சிப்பெயரும் சின்னமும் அதற்கே கிடைக்கும். மற்ற பிரிவை தனிக் கட்சியாகப் பதிவுசெய்யும்.

கட்சியிலிருந்து பிரிந்துவந்த இரண்டு குழுக்களில் எதுவொன்றையும் பெரும்பான்மை ஆதரவுடையதாக தேர்ந்தெடுக்கமுடியாத குழப்பமான சூழல் நிலவும்பட்சத்தில், தேர்தல் ஆணையும் கட்சிப் பெயரையும் சின்னத்தையும் முடக்கிவிட்டு, இரண்டு குழுக்களையும் தனிக் கட்சியாகப் பதிவுசெய்துகொள்ளும். பழைய கட்சிப் பெயருடன் முன்னாலோ பின்னாலோ ஏதோ ஒரு அடைமொழிசேர்த்து புதுக் கட்சிப் பெயரை உருவாக்கிக்கொள்ளலாம். ஒருவேளை கட்சியில் பிளவேற்பட்ட சமயத்தில் தேர்தல் இருந்து உடனடியாக முடிவெடுக்கமுடியாத சூழலில், இரு பிரிவையும் தனித்தனி பெயரில், வெவ்வேறு சின்னத்தில் போட்டியிட சிபாரிசுசெய்யும்.

Post expires at 1:53am on Tuesday February 7th, 2017

0 598
உதயமானது ‘அம்மா திமுக’ புதிய கட்சி!

தமிழகத்தில் உதயமானது “அம்மா திமுக” என்ற புதிய அரசியல் கட்சி நேற்று சனிக்கிழமை உதயமாகி உள்ளது. இதையடுத்து தமிழகத்தில் அரசியல் கட்சிகளின் எண்ணிக்கையும் அதிகரித்துள்ளது.

தமிழ்நாடு காங்கிரஸ் கமிட்டியின் முன்னாள் தலைவர் இளங்கோவனின் சகோதரர் இனியன் சம்பத். இவர் “அம்மா திமுக” என்ற பெயரில் புதிய கட்சியை தொடங்கி உள்ளார்.
தந்தை பெரியாரின் ஒன்றுவிட்ட சகோதரரான ஈ.வி.கே.சம்பத், திமுகவின் ஆரம்பகாலத்தில் ஐம்பெரும் தலைவர்களில் ஒருவராக விளங்கியவர். சம்பத்தின் மறைவுக்குப் பின்னர் அவரது மனைவி சுலோச்சனா சம்பத்துக்கு எம்.ஜி.ஆர். துவங்கிய அதிமுகவில் முக்கிய பொறுப்புகள் வழங்கப்பட்டன. எம்.ஜி.ஆர் மறைவுக்குப் பின்னர் அதிமுகவின் பொதுச்செயலராக ஜெயலலிதா தேர்வு செய்யப்பட்டார். பின்னர் தமிழக முதல்வராகவும் பொறுப்பேற்றார். அந்த காலக்கட்டங்களில் சுலோச்சனா சம்பத்துக்கு வாரியத் தலைவர், மகளிர் அணித் தலைவர் உள்ளிட்ட முக்கிய பதவிகளையும் பொறுப்புகளையும் தந்து சிறப்பித்தித்தார் ஜெயலலிதா. கடந்த 2015 ஜூலை 5-ஆம் தேதி சுலோச்சனா சம்பத் காலமானார்.

சுலோச்சனா சம்பத்தின் மகன்களில் ஒருவரான ஈ.வி.கே.எஸ். இனியன் சம்பத், சென்னை தூர்தர்ஷன் தொலைக்காட்சியில் நீண்டகாலமாக செய்தி வாசிப்பாளராகப் பணியாற்றியவர். ஆரம்பத்தில் காங்கிரஸ் கட்சியில் இணைந்து பணியாற்றிய இனியன் சம்பத், 1989-இல் தமிழ்நாடு இளைஞர் காங்கிரஸ் தலைவராகவும், பின்னர் கட்சியின் மாநில செயலாளராகவும் பதவி வகித்தார். பின்னர் அதிலிருந்தும் விலகி 2011-ஆம் ஆண்டு தேசிய மக்கள் கட்சி என்ற புதிய கட்சியை ஆரம்பித்தார். ஓராண்டுக்கு முன்பு தனது கட்சியை பழ. நெடுமாறனின் தமிழர் தேசிய முன்னணியுடன் இணைத்து கொண்டு பொதுச்செயலாளராக பதவி வகித்தார்.

எதிலும் விலைபோகாத இனியன் சம்பத், அங்கிருந்து விலகி கடந்த ஜூன் மாதம் 28-ஆம் தேதி ஜெயலலிதா முன்னிலையில் அதிமுகவில் தன்னை இணைத்துக்கொண்டார்.
இவருக்கு மிக முக்கியமான பொறுப்புகள் அளிக்கப்படலாம் என்ற யூகம் நிலவி வந்த வேளையில் உடல்நிலை பாதிக்கப்பட்டிருந்த தமிழக முதல்வர் ஜெயலலிதா கடந்த 5-ஆம் தேதி காலமானார்.

ஜெயலலிதாவின் மறைவிற்கு பிறகு அவரது தோழியான சசிகலா பொதுச் செயலாளர் பொறுப்பினை ஏற்க வேண்டும் என அதிமுகவின் மூத்த நிர்வாகிகள் ஆதரவு தெரிவித்து வருகின்றனர். இதற்காக சசிகலாவை ஆதரித்து பல இடங்களில் போஸ்டர்களும் தட்டிகளும் வைக்கப்பட்டுள்ளன.

ஆனால், சசிகலாவை எதிர்ப்பவர்கள் அந்த போஸ்டர்களை கிழித்து எறிவதும், அதற்கு பதிலாக ஜெயலலிதாவின் அண்ணன் மகள் தீபாவை ஆதரித்தும் போஸ்டர்கள், தட்டிகள் வைக்கப்பட்டு வருகின்றனர்.

இதுமட்டுமல்லாது, சென்னையில் அதிமுக கொடியில் அண்ணா படத்துடன் ஜெயலலிதா, தீபா படத்தை இணைத்து கொடியை ஏற்றி இனிப்பு வழங்கி வருகின்றனர்.
இந்த நிலையில் சேலத்தில் 44வது வார்டு அதிமுக நிர்வாகிகள் ஜெ.தீபாவை அதிமுகவிற்கு தலைமையேற்க அழைப்பு விடுத்து ஜெ. தீபா பேரவையும் தொடங்கப்பட்டுள்ளது.

ஜெயலலிதாவின் மறைவிற்கு பிறகு அவரது சாவில் நாளுக்கு நாள் பல சந்தேகங்கள் அதிகரித்து வருகிறது. இந்த நேரத்தில் அதிமுகவின் இரண்டாம் கட்ட தலைவர்கள் சிலர் மவுனமாயிருப்பதை பார்த்து அடிமட்டத் தொண்டர்கள் கவலைப்பட்டு வருகிறார்கள்.
இந்நிலையில், ஜெயலலிதாவின் உண்மை விசுவாசிகள், தொண்டர்கள் பலரும் அதிமுகவில் இருந்து வெளியேறலாம் என்றும், அதிமுக கட்சி எப்போது வேண்டுமானாலும் உடையலாம் என்று எதிர்க்கட்சிகள் காத்துக்கிடக்கின்றன. மேலும், அதிமுகவில் முக்கிய பதவி யாருக்கு என்ற எதிர்பார்ப்பு மேலோங்கி வருகிறது.
இந்த நிலையில் ஜெயலலிதாவை மையப்படுத்தி அவரது அடைமொழியான அம்மா என்பதை முன்வைத்து ‘அம்மா திமுக’ என்ற புதிய கட்சியை தந்தை பெரியாரின் 43-வது நினைவு தினமான நேற்று சனிக்கிழமை தொடங்கி உள்ளதாக இனியன் சம்பத் தெரிவித்துள்ளார்.

‘தமிழக அரசியல் கட்சிகளில் எம்.ஜி.ஆர். தனது நிலைப்பாட்டில் இம்மியளவும் மாறாமல் உறுதியாக இருந்து அரசியல் அணுகுமுறைகளைக் கடைப்பிடித்தார். அந்த திசை வழியில் செல்வதற்காக தொண்டர்களை ஒருங்கிணைத்து இந்த இயக்கத்தை உருவாக்கியிருக்கிறேன்’ என இனியன் சம்பத் கூறினார்.
இக்கட்சியின் இதர பொறுப்பாளர்கள் பட்டியல் விரைவில் வெளியிடப்படும் என எதிர்பார்க்கப்படுகிறது.

கட்சிக்கான பெயர்ப் பலகையை, தனது வீட்டிலேயே நிறுவியுள்ள இனியன் சம்பத், இதற்கான ஆதரவு திரட்டும் பணிகளில் ஈடுபட்டு வருகிறார்.
“அம்மா திமுக” என்ற பெயரை சுருக்கமாக எழுதும்போது, அதிமுக என்றே எழுத முடியும் என்பதால், இது தமிழக அரசியலில் சர்ச்சையை ஏற்படுத்தும் என்றும் கூறப்படுகிறது. எது எப்படியோ ஊர் இரண்டுபட்டால் கூத்தாடிக்கு கொண்டாட்டாம்தான்.

Post expires at 2:50am on Thursday January 26th, 2017

0 899
ஓபிஎஸ் செல்லும் வழியில் கட்சிக்காரர்கள் நிற்ககூடாது - திடீர் தடா..!!!

முதல்வர்ஜெயலலிதாவை தொடர்ந்து ஓபிஎஸ் செல்லும் போதும் கட்சிக்காரர்கள் நின்று வணக்கம் தெரிவித்து வந்த நிலையில் ஓபிஎஸ் செல்லும் வழியில் நிற்க கூடாது என திடீர் தடை விதிக்கப்பட்டுள்ளது.

முதல்வராக ஜெயலலிதா இருந்த போது அவரது சிறப்பே வழியில் நின்று வணங்கும் தொண்டர்களை பார்த்து சிரித்தபடி கையசைத்து செல்வதுதான். ஏதோ தொண்டர்களை பார்த்து கையசைத்து செல்கிறார் என்று நினைத்தால் அதுதான் இல்லை என்பதை அவரால் பயன் பெற்ற பல தொண்டர்கள் சொல்வதை வைத்து காணலாம்.

சாலையில் நிற்கும் தொண்டர்களை தினமும் பார்த்தபடி செல்வார் ஜெயலலிதா, பின்னர் ஒருநாள் போலீசார் ஓடிவந்து குறிப்பிட்ட தொண்டரை தலைமை செயலகத்துக்கு அழைத்து செல்வார்.

அவரது குறைகள் கேட்டு நிவர்த்திக்கப்படும். அல்லது திடீரென போலீசார் அந்த தொண்டரிடம் மனுவை பெற்று செல்வார். அவரது கோரிக்கையோ , அல்லது கட்சி நிர்வாகிகள் மீது புகார் கேட்டு சரி செய்யப்படும்.

இப்படி ஒரு நடைமுறை அதிமுகவில் உண்டு. ஓபிஎஸ் முதல்வராக வந்த பிறகு தொண்டர்கள் சிலர் அவர் வரும் வழியில் நின்று வணங்கி வந்தனர். இந்நிலையில் அதே போல் பட்டினப்பாக்கத்தை சேர்ந்த வட்டச்செயலாளர் தம்பியும் அதிமுக சார்பில் கூட்டுறவு சங்கத்தில் பொறுப்பில் இருக்க்கும் மனோகரன் எனபவர் ஓபிஎஸ் ப்போகும்போது நின்று வணங்கி உள்ளார்.

அப்போது போலீசார் அவரை நெஞ்சில் கைவைத்து அடிக்காத குறையாக விரட்டியுள்ளனர். இதுபற்றி போலீசாரிடம் ஓபிஎஸ்போனவுடன் அவர் கேட்டபோது இனி யாரும் வழியில் நிற்க கூடாது என மேலிருந்து எங்களுக்கு உத்தரவு நாங்க அதை நடைமுறை படுத்துகிறோம் கோபித்துகொள்ளாதீர்கள் என்று தெரிவித்துள்ளனர்.

Post expires at 2:57pm on Sunday January 22nd, 2017

RANDOM POSTS

0 68
ஜல்லிக்கட்டு தொடர்பான வழக்கு உச்சநீதிமன்றத்தில் நிலுவையில் இருப்பதால் தற்போது ஏதும் செய்ய இயலாது என பிரதமர் விளக்கம் அளித்துள்ளார். இதனைத் தொடர்ந்து ஜல்லிக்கட்டுக்கான அவசரச் சட்டத்திற்கு வாய்ப்பில்லை எனத் தெரியவந்துள்ளது. ஜல்லிக்கட்டு நடைபெற வலியுறுத்தி...