Timber by EMSIEN-3
EMSIEN-3
LTD
மருத்துவம்

0 115
உயிர்காக்கும் 'பிசியோதெரபி' சிகிச்சைகள்

சமீப காலமாக பிசியோதெரபி சிகிச்சை முறைகள் (இயன்முறை மருத்துவம்) உலக அளவில் பிரசித்தி பெற்று வருகிறது. குறிப்பாக ‘நுரையீரல் மற்றும் சுவாச பிசியோதெரபி’ பிரிவில் பல்வேறு அரிய சாதனைகளை நிகழ்த்தி வருகிறது. மனித உடலின் சுவாச பாதைகளில் உள்ள கோழை போன்ற கழிவுகள், நுரையீரல் நீர் சேர்க்கை, நுரையீரல் பகுதிகளில் உள்ள அடைப்பு போன்றவற்றினை அகற்றி சீரான சுவாசத்தை ஏற்படுத்தக் கூடிய, மிக முக்கிய சிகிச்சை முறையே நுரையீரல் மற்றும் சுவாச பிசியோதெரபி என அழைக்கப்படுகிறது.

அனைத்துக்கும் தீர்வு : ஆரம்ப காலத்தில் இயன்முறை மருத்துவமானது, உடலின் இயக்கத்திற்கான மேலோட்டமான சில பயிற்சி முறைகளை கொண்டிருந்தது. தற்போதைய நவீன மருத்துவ வளர்ச்சியில், பிசியோதெரபி மருத்துவத்துறையின் வளர்ச்சியும் பன்மடங்கு உயர்ந்துள்ளது. சாதாரண வலிகளுக்கான சிகிச்சை முறைகள் தொடங்கி, அதி தீவிர சிகிச்சை பிரிவுகள் வரை, சிகிச்சை முறைகளை கொண்டுள்ளது. பிறந்த பச்சிளம் குழந்தை முதல் நோயினால் முடக்கப்பட்ட முதியவர்கள் வரை அனைத்து தரப்பினருக்கும் பல்வேறு சிகிச்சை முறைகள் பிசியோதெரபியில் உள்ளன.

விபத்துகால அவசர சிகிச்சைகள், குழந்தைகளுக்கான தீவிர மூச்சுத்திணறல், மூச்சிரைப்பு பிரச்னைகளில் நுரையீரலை காத்து உயிர் காக்கும் சிகிச்சை முறைகளாக பிசியோதெரபி உள்ளது. ஏறத்தாழ அனைத்து அறுவைச் சிகிச்சைகளுக்கு முன்பும், பின்பும் நுரையீரலை பாதுகாத்து அதன் செயல்பாடுகளை ஊக்குவிக்கும் விதமாக சுவாச பிசியோதெரபி அளிக்கப்படுகின்றது.

நுரையீரலின் முக்கியத்துவம் : உடல் உறுப்புகளில் இருதயம், மூளை, சிறுநீரகம் போன்ற உறுப்புகளுடன் நுரையீரல் நெருங்கிய தொடர்பு கொண்டுள்ளது. ஒவ்வொரு மனிதனின் நெஞ்சுக்கூட்டின் சுருங்கி விரியும் தன்மை வேறுபடுகிறது. இருதய நெஞ்சுக் கூட்டினை சுற்றியுள்ள சதைகளின் வலிமையை பொருத்தே, சுருங்கி விரியும் தன்மை இருக்கும். மூச்சை இழுத்து வெளியே விடும் இடைவெளியில் ஆக்ஸிஜன் அதிகளவு நுரையீரலில் சேமிக்கப்படுகிறது. சேமிக்கப்படும் ஆக்ஸிஜனே ரத்தத்தில் கலந்து உடல் இயக்கத்திற்கு தேவையான ஊட்டத்தை தருகிறது. நுரையீரல் நுண்ணிய அறைகளால் நிரம்பப்பட்டது. அந்த அறைகளில்தான் ஆக்ஸிஜன் கலந்த காற்று நிரம்பும். அதில் சளியோ அல்லது திரவங்களோ சூழ்ந்து கொண்டால் அவற்றில் காற்று நிரம்புவதில் சிரமங்கள் உண்டாகும். நாளடைவில் கிருமி தொற்று உருவாகும்.

நுரையீரலின் செயல்பாடுகள் : பாதிக்கப்படும். இதனால் உடலில் பல்வேறு மாற்றங்கள் ஏற்படும். நுரையீரலில் மேல்பாகம், நடு பாகம் மற்றும் அடிபாகம் என்று இருக்கும். எக்ஸ்ரே, ஸ்டெதஸ்கோப் மூலம் நுரையீரலில் எந்த பகுதியில் சளி அதிகம் சேர்ந்துள்ளது என்பதை கண்டறிந்து, அதற்கேற்ப பிசியோதெரபி மருத்துவர்கள் சிகிச்சை முறைகளை திட்டமிடுவார்கள்.

சிகிச்சை முறைகள் : ‘வென்டிலேட்டர்’ சிகிச்சையில் உள்ளவர்கள், மூச்சு இரைப்பு உள்ளவர்கள் என பாதிக்கப்பட்டவர்களின் நெஞ்சுப்பகுதி, பின்முதுகு, கைகளின் அடிப்பகுதிகளில் பிசியோதெரபிஸ்ட்கள் தங்களது சிகிச்சை முறையை பயன்படுத்தி, நுரையீரலில் தேங்கியுள்ள தேவையில்லாத நீர் மற்றும் சளியை வெளியேற்றுவார்கள். இருமக்கூடிய அளவுக்கு நோயாளிகள் விழிப்புணர்வுடன் இருந்தால், ‘காப் பெசிலிடேஷன்’ என்ற முறையை பயன்படுத்தி இருமச் சொல்லி சளியை வெளியேற்றுவார்கள்.

இரும இயலாதவர்களுக்கு “சக் ஷன் தெரபி” என்ற முறையை பயன்படுத்தி தொண்டை பகுதியில் குழாயை செலுத்தி சளியை உறிஞ்சி வெளியே எடுப்பார்கள். குறைந்தது 20–30 நிமிடங்கள் வரை இதனை செய்வார்கள். ஒருநாளைக்கு மூன்று முதல் நான்கு முறை செய்யப்படும். இது ஒவ்வொரு நோயாளியின் தன்மைக்கேற்ப வேறுபடும்.நுரையீரலில் எந்த பகுதியில் சளி சேர்ந்துள்ளதோ அதற்கேற்ப நோயாளிகளை “பொஸிஷனிங்” செய்து, புவிஈர்ப்பு விசையின் உதவியுடன் சளியை வெளியேற்றுவார்கள்.

இம்முறை நுரையீரலில் தேங்கியுள்ள சளி மற்றும் கெட்ட திரவங்களை வெளியேற்றி மேற்கொண்டு சளி சேராமல் தடுக்கும்.கருவிகள் உதவியுடன் கருவிகளின் உதவியோடு செயற்கை சுவாசம் அளிக்கப்படும் நோயாளிகள், இயற்கையாக சுவாசிக்க இச்சிகிச்சை முறை பயன்படும். நுரையீரல் உட்பட மொத்த சுவாச மண்டலத்தின் செயல்பாட்டை சீர்படுத்த, இச்சிகிச்சை முறை அவசியம்.

இச்சிகிச்சை முறையின் முக்கிய நோக்கம், பாதிக்கப்பட்டவர்களை நோயின் பிடியிலிருந்து இயல்பு வாழ்க்கைக்கு கொண்டு வருவது ஆகும். இதனால், மருத்துவமனையில் தங்கி இருக்க வேண்டிய நாட்கள் குறையும். இயல்பாக சுவாசிக்கும் தன்மை மீட்கப்படும். சிகிச்சைக்கு பின் நுரையீரல் அதிகளவு ஆக்ஸிஜனை எடுத்துக் கொள்ள துவங்கும். மேலும் உடற்பயிற்சிகள் மேற்கொள்ள ஏதுவான சூழலை உருவாக்கும். திடமான, சமநிலை கொண்ட உடல்நிலை உணர்வினை பாதிக்கப்பட்டவர்களிடம் உருவாக்கி மன பலத்தை அதிகரிக்கும்.

ஆலோசனை பெறுங்கள் : நுரையீரல், இருதயம் சம்பந்தப்பட்ட நோய்களுக்காக அறுவை சிகிச்சை செய்துகொண்ட நோயாளிகளின் நுரையீரல் பலவீனமாக காணப்படும். அதற்கு, அறுவை சிகிச்சைக்காக பயன்படுத்தும் மயக்க மருந்தே காரணம். இதனை சரி செய்ய பிசியோதெரபி சிகிச்சை முறைகள் சிறந்தது. நெஞ்சுக்கூட்டின் சுருங்கி விரியும் தன்மையை, ஒழுங்காக உடற்பயிற்சிகள் மூலம் பராமரித்து வரவேண்டும். இதுபற்றி பொதுமக்கள் விழிப்புணர்வு பெற வேண்டும். முழுநேர விளையாட்டு வீரர்களுக்கு நுரையீரல் செயல்திறன் நன்றாக இருக்கும். அதுவே உடல் உழைப்பு குறைவாக உள்ளவர்களுக்கு செயல்திறன் போதிய அளவுக்கு இருக்காது.

35 வயதுக்கு மேற்பட்டவர்கள், ஆண்டிற்கு ஒருமுறையேனும் பிசியோதெரபிஸ்ட்டை சந்தித்து ஆலோசனை பெற வேண்டும். அவர்கள், உங்கள் நெஞ்சுப்பகுதியை சுற்றியுள்ள சதைப் பகுதிகளின் செயல்பாட்டை சோதித்து, அதில் உள்ள பிரச்னைகளை கண்டறிந்து, மேற்கொள்ள வேண்டிய உடற்பயிற்சிகள், மூச்சுப் பயிற்சிகளை பரிந்துரைப்பார்கள். 50 வயதுக்கும் மேற்பட்டவர்கள் வருடத்திற்கு இரண்டு முறை இயன்முறை மருத்துவரை சந்திப்பது நல்லது.

0 210
கண்பார்வை கோளாரை கண்ணாடிகள் சரிசெய்யாது
கண்பார்வை கோளாரை கண்ணாடிகள் சரிசெய்யாது

கண்ணாடி அணிபவர்கள் கண்டிப்பாக தெரிந்துகொள்ள வேண்டியவை

கண்ணில் வரும் கிட்டப்பார்வை, தூரப்பார்வை, என்பது கண் சம்பந்தப்பட்ட நோயே கிடையாது, நம் கண்ணாடி அணிகிறோம் இந்தக் கன்னாடியினுடைய பவர் நாள் செல்ல நாள் செல்ல அதிகரிக்கிறதா? அல்லது குறைகிறதா? கண்டிப்பாக அதிகரிக்கிறது, இதிலிருந்து என்ன புரிகிறது, கண்ணாடியின் பவர் அதிகமாகிறது என்றால் யங்கள் கண்ணினுடைய பவர் குறைகிறது என்று அர்த்தம்.

பாதி கெட்டுப்போன கண்ணை முழுவதுமாகக் கொடுப்பதற்குக் கண்ணாடி அணிய வேண்டுமா? இது என்ன மருத்துவம்? கண்ணில் நோய் வந்தால் குணப்படுத்துவதற்கு வைத்தியர் தேவையா? நோயை அதிகப்படுத்துவதற்கு வைத்தியர் தேவையா? கிட்டப்பார்வை, தூரப்பார்வை சரி செய்ய நமது உடலுக்கே தெரியும் அதற்குத் தேவையான சில பொருள்கள் இரத்தத்தில் கெட்டுப் போய் உள்ளன, இது முதல் காரணம். இரண்டாவது கண் சம்பந்தப்பட்ட நோய்களைக் குணப்படுத்தத் தேவையான சில பொருள்கள் இரத்தத்தில் இல்லை. மூன்று இரத்தத்தின் அளவு குறைவாக உள்ளது. நான்கு கண் கெட்டுப்போய் விட்டது என்று, நம் மனது கெட்டுப்போய் விட்டது. ஐந்து நம் உடலிலுள்ள கண்ணைக் குணப்படுத்தும் அறிவு கெட்டுப் போய்விட்டது.

கண்ணில் வரும் கிட்டப்பார்வை, தூரப்பார்வை, குளுகோமோ, புரை மற்றும் பல நோய்களுக்கான அறிகறிகள் கண்ணில் கிடையாது. இரத்தத்தில் தான் உள்ளது. எந்த மருந்தும், மாத்திரையும், ஆப்ரேஷனும் செய்யாமல் கண்ணாடி அணியாமல் கண்ணில் வரும் நோய்களைக் குணப்படுத்த முடியும். எனவே நாம் புரிந்து கொள்ள வேண்டியது என்னவென்றால், கண்ணில் வரும் அனைத்து நோய்களுக்கும் கண் காரணம் கிடையாது. இரத்தத்தில் தான் நோய், அதிலும் மேலே சொல்லப்பட்ட ஐந்தும் தான் காரணம். இந்த ஐந்தையும் சரிப்படுத்துவதன் மூலமாக நமது நோய்களை நாமே குணப்படுத்திக் கொள்ளலாம்.

0 248
கால்சியம் மாத்திரைகள் சாப்பிட்டால் உண்டாகும் பின்விளைவு!!

இப்போது அடிக்கடி விளம்பரங்களில் காண்பீர்கள் 30 வயதிற்கு பின் கால்சியம் கட்டாயம் எடுத்துக் கொள்ள வேண்டுமென்று.

எந்த மருத்துவரும் தேவையேயில்லாமல் கால்சியம் போன்ற சத்து மாத்திரைகளை பரிந்துரைக்க மாட்டார்கள். காரணம் கால்சியம் சத்து நாம் சாப்பிடும் அன்றாட உணவுகளில் இருந்தாலே போதுமானது. அதை தவிர்த்து கால்சியம் மருந்துகள் சாப்பிடுவது நல்லதல்ல.

கால்சியம் பாஸ்பரஸ் போன்ற நுண் சத்துக்கள் பல உறுப்புகலின் செயல்பாடுகளில் முக்கியபங்கு வகிக்கின்றன. குறிப்பாக நரம்புகளில், செல்களில் தகவல் பரிமாற்றத்திற்கு முக்கிய தேவை.

60 வயதிற்கு பிறகு வரும் ஆஸ்டியோஃபியரோஸிஸ் போன்ற எலும்பு தெய்மானம் நோய்களுக்கு காரணம் கால்சியம் அளவு குறைவதால்தான்.

ஆனால் அவற்றிற்காக மாத்திரைகளை எடுத்துக் கொண்டால் டெமென்ஷியா என்னும் மன அழுத்தத்திற்கு காரணமாகிவிடும் என ஆராய்ச்சியாளர்கள் கூறுகிறார்கள்.

ஸ்வீடனிலுள்ள கோதன்பர்க் பல்கலைக் கழக ஆராய்ச்சியாளர்கள் பெண்கள் சாப்பிடும் கால்சியம் மாத்திரைக்கும் மன அழுத்தத்திற்கு என்ன தொடர்பு என ஆராய்ச்சி செய்தனர்.

இந்த ஆராய்ச்சிக்காக 700 வயதான பெண்களை ஈடுபடுத்தினர். அவர்களின் மூளையையும் ஸ்கேன் செய்து ஆய்வு படுத்தினார்கள். பொதுவாக ஸ்ட்ரோக் வந்தவர்களுக்கு மன பிறழ்வு வரும் வாய்ப்பு அதிகம் என்று சொல்வார்கள். இந்த ஆராய்ச்சியின் ஏற்கனவே ஸ்ட்ரோக் வந்த பெண்கள், கால்சியம் மாத்திரைகளை எடுத்துக் கொண்டால் ஏழு மடங்கு டெமென்ஷியா எனப்படும் மனப் பிறழ்விற்கு தள்ளப்படுவார்கள்.

ஆனால் ஸ்ட்ரோக் வராமல் இருந்தவர்களுக்கு டிமென்ஷியா வரும் வாய்ப்பு குறைவு என ஆறுதல் அளித்தனர். ஆனால் அவையும் பக்க விளைவுகளை தருபவையே. ஆகவே பெண்கள் கால்சியம் மாத்திரைகளை சாப்பிடும் முன் அதன் தேவையை உறுதி படுத்தியபின்தான் சாப்பிட வேண்டும் என தலைமை ஆராய்ச்சியாளர் கேர்ன் கூறுகிறார்.

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி.

0 1093
முருங்கைக்காய் சாப்பிடுவதால் இவ்வளவு நன்மைகளா?

முருங்கை மரத்தில் உள்ள காய், இலை, மற்றும் பூ போன்ற அனைத்து பாகங்களிலும் மருத்துவ பயன்கள் அதிகமாக உள்ளன.

இதனுடைய காய், இலை, பூ ஆகியவற்றை நம் அன்றாட உணவில் தினமும் சமைத்து சாப்பிடுவதால் பின்வரும் மருத்துவ பலன்களை நாம் பெற முடியும்.

முருங்கைக்காய்

முருங்கைக்காயில் கொழுப்புச்சத்து, இரும்புச்சத்து மற்றும் விட்டமின்கள் A, C போன்ற சத்துகள் உள்ளது.எனவே இதை தினமும் சமைத்து சாப்பிடும் போது ஏராளமான நோய்கள் குணமடைகின்றன.

  • மலச்சிக்கலை போக்குகிறது.
  • வயிற்றுப் புண்ணை குணப்படுத்துகிறது.
  • மூலநோய்க்கு சிறந்த மருந்தாக முறுங்கைக் காய் உள்ளது.
  • தொண்டை கரகரப்பு, சளி மற்றும் தொண்டை புண் ஆகியவற்றை சரிசெய்வதில் முக்கிய பங்கை வகுக்கிறது.
  • ஆஸ்துமா, கல்லீரல் மற்றும் கணையங்களின் வீக்கம், ஆகியவற்றை போக்க வல்லது.
  • வயிற்றுப் புழுக்கள் மற்றும் காய்ச்சல்களுக்கு எதிராக இந்த முருங்கைக் காய் செயல்படுகிறது.
முருங்கைக் கீரை

முருங்கை கீரையில் புரதம், கொழுப்பு, தாதுக்கள், விட்டமின்கள் போன்றவை அதிகமாக நிறைந்துள்ளது. எனவே இந்த முருங்கைக் கீரையை சமைத்து சாப்பிட்டால் நிறைய மருத்துவ பலனை நாம் பெறலாம்.

  • இக்கீரையில் வைட்டமின் சி மிகுந்திருப்பதால் சொறி சிரங்கு முதலிய நோய்கள் நீங்கும்.
  • பித்த மயக்கம் கண் நோய் சொரிய மாந்தம் முதலியவை நீங்கும்.
  • இக்கீரையில் வைட்டமின் ஏ மிகுந்திருப்பதால் கண்னுக்கு ஒளிஊட்டகூடியது.
  • தொண்டை தொடர்பான நோய்களை நீக்குவதிலும் முக்கிய பங்கு வகிக்கிறது .
  • மலசிக்கலை தடுக்கிறது .
  • இக்கீரையில் சுண்ணாம்பு சத்துக்களும் , இரும்புசத்துகளும் அதிகம் இருப்பதால் இரத்த சோகை வராமல் தடுக்கிறது .
  • முருங்கை கீரை சிறுநீரைப் பெருக்கை ஏற்படுத்துகிறது.
  • ஆண்களுக்கு ஆண்மை அதிகரித்து இல்லற வாழ்க்கையை இன்பமாக்குகிறது.
  • பால் கொடுக்கும் தாய்மார்களுக்கு, பால் அதிகமாக சுரக்கும் தன்மையை தருகிறது.
முருங்கைப் பூ

முருங்கைக் கீரையில் முருங்கைப் பூவிலும் அதன் கீரையில் உள்ள சத்துகள் அனைத்தும் உள்ளதால் இவை பலவகையான மருத்துவ குணங்களில் சிறந்து காணப்படுகிறது.

  • உடலின் உள்ள அதிகபடியான சூட்டைத் தணிக்கிறது.
  • விந்து விருத்தி அடைந்து ஆண்மையை அதிகப்படுத்துகிறது.
  • உடம்பில் உண்டாகும் வீக்கங்கள் மற்றும் காயங்களுக்கு உகந்ததாக உள்ளது.
  • கண்வலி மற்றும் வயிற்று வலியை குணப்படுத்துகிறது.
  • ஞாபக சக்தியைத் தூண்டுவதில் முக்கிய பங்காற்றுகிறது.
  • பித்தத்தை குறைத்து,நரம்பு தளர்ச்சியை நீங்கச் செய்கிறது.
  • நீரிழிவு நோயை முற்றிலும் குணப்படுத்துகிறது.இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.நன்றி.

0 395

சோடா :

சோடாவில் கார்போனேட்டட் ஆசிட் அதிகம் இருப்பதால், இவற்றை வெறும் வயிற்றில் குடித்தால், அவை வயிற்றில் உள்ள ஆசிட்டுகளுடன் கலந்து, அதனால் குமட்டல் மற்றும் அசௌகரியத்தை ஏற்படுத்தும்.

தக்காளி :

தக்காளியை எப்போதுமே வெறும் வயிற்றில் சாப்பிடக்கூடாது. இதற்கு அதில் உள்ள ஆசிட் தான் முக்கிய காரணம். இந்த ஆசிட்டானது இரைப்பையில் சுரக்கும் ஆசிட்டுடன் இணைந்து, அதனால் கரைய முடியாத ஜெல்லை உருவாக்கி, அதனால் வயிற்றில் கற்களைக் கூட உருவாக்கும்.

மாத்திரைகள் :

எப்போதுமே மாத்திரைகளை வெறும் வயிற்றில் எடுக்கக்கூடாது. ஏனெனில் வெறும் வயிற்றில் எடுத்தால், அவை வயிற்றில் உள்ள படலத்தை அரிப்பதோடு, வயிற்று அமிலத்துடன் கலந்து, உடலில் ஏற்றத்தாழ்வுகளை உருவாக்கிவிடும்.

ஆல்கஹால் :

பொதுவாக ஆல்கஹால் ஆரோக்கியமற்றது. அதிலும் அதனை காலையில் வெறும் வயிற்றில் குடித்தால், அதில் உள்ள சேர்மங்கள், வயிற்றுப் படலத்தில் எரிச்சலை ஏற்படுத்தும். இப்படியே நீடித்தால், வயிற்றுப்படலம் அரிக்கப்பட்டு, மிகுந்த அபாயத்திற்கு உள்ளாகக்கூடும்.

காரமான உணவுகள் :

காரமான உணவுகளை எப்போதுமே வெறும் வயிற்றில் உட்கொள்ளக்கூடாது. அப்படியே உட்கொண்டால், வயிற்றில் உள்ள அமிலத்துடன் காரம் சேர்ந்து, வயிற்றில் கடுமையான எரிச்சலை ஏற்படுத்துவதோடு, பிடிப்புக்களையும் ஏற்படுத்தும்.

காபி, டீ :

காபி மிகவும் ஆபத்தான ஓர் பானம். இதனை காலையில் வெறும் வயிற்றில் குடித்தால், அதில் உள்ள காப்ஃபைன் தீவிரமான பிரச்சனைக்கு உள்ளாக்கிவிடும். எனவே ஒரு டம்ளர் தண்ணீர் குடித்த பின் காபி குடிக்கும் பழக்கத்தைக் கொள்ளுங்கள்.

காபியைப் போலவே டீயிலும், காப்ஃபைன் உள்ளதால், இதனை வெறும் வயிற்றில் குடிக்காதீர்கள். சொல்லப்போனால் டீயில் அமிலம் அதிகமாக உள்ளதால், இதனைக் குடித்த பின் இது வயிற்று படலத்தைப் பாதிக்கும்.

தயிர்  :

தயிரில் என்ன தான் நல்ல பாக்டீரியா இருந்தாலும், இதனை காலையில் வெறும் வயிற்றில் எடுப்பது சிறந்தது அல்ல. இதற்கு அதில் உள்ள நல்ல பாக்டீரியாவானது வயிற்றுப் படலத்துடன் சேர்த்து வினை புரிந்து, வயிற்று உப்புசத்தை ஏற்படுத்திவிடும்.

வாழைப்பழம்  :

வாழைப்பழத்தில் மக்னீசியம் அதிகம் இருப்பதால், இதனை காலையில் வெறும் வயிற்றில் உட்கொண்டால், மக்னீசியம் உடலில் அதிகரித்து, கால்சியம் மற்றும் மக்னீசியத்தில் ஏற்றத்தாழ்வுகள் ஏற்படக்கூடும். எனவே எக்காரணம் கொண்டும் வாழைப்பழத்தை வெறும் வயிற்றில் சாப்பிடாதீர்கள்.

0 212

ஒருவரை அடையாளம் காட்டுவதற்கு முற்காலத்தில் ‘அந்த கண்ணாடிபோட்ட ஆள்’ என்று குறிப்பிடுவார்கள். அப்போது கண்ணாடி அணிந்தவர்கள் அந்த அளவுக்கு குறைவாக இருந்தார்கள். இப்போது அப்படி அடையாளம் காட்ட முடியாது. ஏன்என்றால், வீட்டிற்கு ஒருவரோ அல்லது வீட்டில் அனைவருமோ கண்ணாடி அணிந்தவர்களாக காட்சியளிக்கிறார்கள்.

இந்தியாவில் பத்து கோடிக்கு மேற்பட்ட இளம் வயதினருக்கு கிட்டப்பார்வை குறைபாடு இருப்பதாக தெரியவந்திருக்கிறது. நகர்ப்புறங்களில் இருப்பவர்களைவிட கிராமப்புறங்களில் இருப்பவர்களுக்கு இந்த பாதிப்பு அதிகம். இதனால் அவர்களுடைய படிப்பு, வேலை பாதிக்கப்படுகிறது. அவர்களது வாழ்க்கையும் குறிப்பிட்ட எல்லைக்குள் சுருக்கப்பட்டுவிடுகிறது.

சுமார் 2½ கோடி மக்கள் கண்புரை நோயினாலும் (Cataract), கண்பார்வையை குறைக்கும் விழித்திரை நோயினாலும் (Macular Degeneration) கஷ்டப்படுகிறார்கள்.

கண்பார்வை குறைபாடு ஏன் உருவாகிறது?

வாகனங்களிலிருந்து வெளிவரும் புகை, தூசு, தொழிற்சாலைகளிலிருந்து வெளிவரும் குளோரின் புகை, லேப்டாப், கம்ப்யூட்டர் ஸ்கிரீன் முன்னால் அதிக நேரம் உட்கார்ந்து கண்களுக்கு வேலை கொடுப்பது, டி.வி. நிகழ்ச்சிகளை பார்த்துக்கொண்டே இருப்பது, வயது, பரம்பரை, கண்களில் ஏற்படும் குறைபாடுகள், கண்களில் ஏற்படும் பாதிப்புகள் போன்றவை எல்லாம் கண்பார்வை குறைபாட்டிற்கான காரணங்களாக இருக்கின்றன. புறஊதாக் கதிர் ஒளி கூட (Ultra violet light) கண்களில் பட்டு லென்ஸ், விழித்திரையை தாக்கி பார்வை குறைபாட்டை உருவாக்குகிறது.

மனிதர்களைப் போலவே கழுகு, புலி, நரி, போலார் கரடி, சிங்கம், குரங்கு போன்றவைகளுக்கும் ‘துணைவிழிப்பார்வை’ (Binocular vision ) உண்டு. துணைவிழிப் பார்வை என்றால் இரண்டு கண்களையும் ஒரே நேரத்தில், ஒரே பொருளைப் பார்க்கப் பயன்படுத்துவதாகும். நமது கண்கள் பக்கவாட்டில் தனித்தனியாக இருப்பதால், ஒவ்வொரு கண்ணும் சற்று மாறுபட்ட காட்சியை கண்ணில் படம் பிடிக்கும். இந்த இரண்டு கண்களின் காட்சிகளும் மூளைக்குச் சென்று, மூளை இந்த இரண்டு காட்சிகளையும் ஒரே காட்சியாக ஆக்கி, அதை 3D வடிவத்தில் நமக்குக் கொடுக்கிறது. இதைத்தான் ‘பைனாக்குலர் விஷன்’ என்று சொல்கிறோம்.

நாம் இப்போதெல்லாம் கண்களுக்கு அதிகமாக வேலைகொடுக்கிறோம். வேலைக்குதக்கபடி கண்களை சரியாக பராமரிப்பதில்லை. பார்வை சக்திக்கு ஏற்ற சத்துணவுகளை உண்பதில்லை. பார்வையை மேம்படுத்தும் பயிற்சிகளையும் செய்வதில்லை. தொடர்ந்து ஒரே இடத்தில் உட்கார்ந்து வேலை பார்க்கும்போது, தலையை மேலும் கீழும் மெதுவாக ஆட்டிக்கொள்ளவேண்டும். அப்படி செய்தால் கழுத்துப் பகுதிக்கும், கண்ணுக்கும் ரத்த ஓட்டம் அதிகமாகக் கிடைக்கும். பார்வை மேம்படும். குறிப்பிட்ட யோகாசனங்கள், உடற்பயிற்சிகள் மூலமும் பார்வை திறனை மேம்படுத்தலாம்.

கண்பார்வையை மேம்படுத்த அதற்குரிய உணவுகளை சாப்பிடவேண்டும். கேரட், காட் லிவர் மீன் எண்ணெய், சர்க்கரைவள்ளிக்கிழங்கு, வெண்ணெய், பப்பாளிப்பழம், திராட்சைப்பழம், அத்திப்பழம் முதலியவைகளை அவ்வப்போது சாப்பிட்டு வருவது நல்லது.

தொடர்ந்து கண்ணுக்கு வேலை கொடுக்காமல், அவ்வப்போது கண்களுக்கு ஓய்வும் கொடுக்கவேண்டும். ஒரு மணி நேரத்திற்கு ஐந்து நிமிடம் என்ற அளவிலாவது அந்த ஓய்வு அமையவேண்டும். குளிர்ந்த நீரில் அவ்வப்போது முகத்தை கழுவுவதும் நல்லது.

ஆழ்கடலில் வாழும் மீன்களிலும், குறிப்பிட்ட பருப்பு வகைகளிலும் ஒமேகா 3 கொழுப்பு அமிலம் இருக்கிறது. அவைகளை உணவில் சேர்த்துக்கொண்டால் விழித் திரையின் ஆரோக்கியத்தை காக்கலாம். வயதான பின்பு வரும் கண் பிரச்சினைகளையும் தவிர்க்கலாம்.

பார்வைத் திறன் நன்றாக இருக்கவேண்டும் என்று விரும்புகிறவர்கள் இனிப்பு வகை உணவுகளை முடிந்த அளவு தவிர்க்கவேண்டும். சிகரெட் புகைப்பதை நிறுத்த வேண்டும். சிகரெட் பிடிப்பவர்களுக்கு கண்புரையும், கண் நரம்பு பாதிப்பும் விரைவாகவே ஏற்படக்கூடும்.

ஒரே இடத்தில் உட்கார்ந்து, ஒரே பொருளைப் பார்த்து வேலை செய்பவர்கள் அரைமணி நேரத்திற்கு ஒருமுறை, உட்கார்ந்திருக்கும் இடத்திலிருந்து சுமார் 20 அடி தூரத்தில் இருக்கும் ஏதாவது ஒரு பொருளை 20 வினாடிகள் உற்றுப்பார்க்கவேண்டும். பின்பு கண்களை அதிலிருந்து விலக்கிவிட்டு வேலையை தொடரவேண்டும். கம்ப்யூட்டர்- லேப்டாப்- செல்போன் ஸ்கிரீன்களில் அதிக வெளிச்சம் வைக்கக்கூடாது.

கண்ணாடி அணிபவர்கள் தூங்கும் நேரம் தவிர மற்ற நேரங்களில் எல்லாம் கண்ணாடி அணிந்தபடியே இருக்கவேண்டியதில்லை. அவ்வப்போது கண்ணாடியை கழற்றிவிட்டு வெறுங்கண்களோடு சிறிது நேரம் பாருங்கள்.

கண்களை குளிர்ந்த நீரில் கழுவிவிட்டு, கண்களை மூடிக்கொண்டு அதன் மீது வெள்ளரிக்காய் துண்டுகளை சிறிது நேரம் வைத்திருங்கள்.

இரண்டு உள்ளங்கைகளையும் ஒன்றோடொன்று ஒட்டி வைத்து சிறிது நேரம் நன்றாகத் தேயுங்கள். அவ்வாறு செய்யும்போது உள்ளங்கை இரண்டும் நன்கு சூடாகும். அந்த சூட்டை, மூடிய கண்கள் மீது வையுங்கள். இது கண்களுக்கு புத்துணர்ச்சியை கொடுக்கும்.

கண்களின் ஆரோக்கியத்தை பாதுகாக்க 30 வயதைத் தாண்டியவர்கள் 2 ஆண்டுகளுக்கு ஒருமுறையும், 40 வயதைத் தாண்டியவர்கள் ஆண்டுக்கு ஒருமுறையும், 50 வயதைத் தாண்டியவர்கள் 6 மாதத்துக்கு ஒரு முறையும் டாக்டரிடம் கண் பரிசோதனை செய்துகொள்வது நல்லது. கண் பார்வை குறைதல், படிப்பதில் சிரமம், பார்ப்பதில் சிரமம், கண்களில் வலி, புண், எரிச்சல், சிவந்து போகுதல் போன்ற தொந்தரவுகள் ஏற்பட்டால் உடனே முறையான சிகிச்சையை மேற்கொண்டுவிடவேண்டும். சர்க்கரை வியாதி உள்ளவர்கள் கண் நலனை பேணுவதில் அதிக அக்கறை காட்டவேண்டும்.

0 282

இன்று உலக மக்களை ஆட்டிப்படைக்கும் கொடிய நோய்களுள் சர்க்கரை நோயும் ஒன்று. எய்ட்ஸ், கேன்சர் போன்றவற்றை விட மக்களை தினமும் பாடுபடுத்தும் நோயாகவே சர்க்கரை நோய் உள்ளது.

பொதுவாக சர்க்கரைவியாதி எல்லோருக்கும் ஒரே வகையில் பாதிப்புகளை ஏற்படுத்துவதில்லை.

முதல்வகை – சிறு வயதிலிருந்தே கணையம் கணையநீரை சரிவர சுரக்காததால் இரத்தத்தில் சர்க்கரையின் அளவு அதிகரிப்பதால் உண்டாகிறது.

இரண்டாம் வகை – அதிக வேலைப்பளு, மன அழுத்தம், தீரா சிந்தனை உணவு மாறுபாடு, மதுப்பழக்கம், உடல் எடை போன்றவற்றாலும், பரம்பரையாகவும் சிலருக்கு உண்டாகும்.

நவீன உணவு மாறுபாடு, இரவு உணவில் அதிக காரம் கொண்ட உணவினை சாப்பிடுவது. நேரம் தவறிய உணவு, நீண்ட பட்டினி, வயிறு புடைக்க சாப்பிடுதல் இவற்றாலும் நீரிழிவு நோய் உண்டாகிறது.

தற்போது தவிடு நீக்கிய வெண்மை நிற அரிசி உணவால் ஏற்படும் சர்க்கரை நோய் தான் தென்னிந்திய மக்களை அதிகம் பாதிக்க வைத்துள்ளது. அரிசியின் மேல் இருக்கும் தவிடு ரத்தத்தை சுத்தப்படுத்தி, இரும்புச் சத்தை அதிகப்படுத்தி, ரத்தத்தில் உள்ள சர்க்கரையின் அளவைக் குறைக்கும்.

இயற்கையான கீரைகள், காய்கறிகள் தற்போது இல்லை. இவை அனைத்தும் வேதிப் பொருட்கள் தெளித்து வளர்க்கப்பட்டவை. இதனால் அவற்றின் சக்தியிழந்து உடலுக்கு மாற்றத்தை உண்டு பண்ணுகிறது.

இதில் உடலைக் கெடுக்கும் மதுப்பழக்கம் கொண்டவர்களுக்கு சர்க்கரை நோயின் பாதிப்பு வேகமாக இருக்கும். பித்த உடற்கூறு கொண்டவர்கள் பகலில் பித்த அதிகரிப்பின் போது மது அருந்தினால் மயக்கம், வாந்தி, பிதற்றல் நிலை ஏற்படுவதுடன் மதுவில் உள்ள ஆல்கஹால் இரத்தத்தில் கலந்து பரவுவதால் இரத்தத்தில் சர்க்கரை அதிகரிக்கும்.

இரத்தத்தில் சர்க்கரையின் அளவு அதிகரிக்க அதிகரிக்க சிறுநீரகம் பாதிப்படையும். அதோடு கை, கால் மூட்டுகளில் வீக்கம் உண்டாகும். சிறுநீரகம் வடிகட்ட வேண்டிய வேதிப் பொருட்கள் வடிகட்டப்படாமல் இரத்தத்தில் கலந்து விடுகின்றன. இதனால் இதயத்தின் துடிப்பு அதிகரித்து அதன் செயல்பாடு வலுவிழக்க ஆரம்பிக்கிறது. தேவையற்ற படபடப்பு உறக்கமின்மை, போன்றவை உண்டாக ஆரம்பிக்கிறது.

மனிதனின் உடற்கூறுகளை மாற்ற முடியாது. ஆனால் சர்க்கரை நோயின் பிடியில் தவிப்பவர்கள் உடற்கூறுக்குத் தகுந்த வாறு மருந்து, மாத்திரை, சிகிச்சை எடுத்துக் கொண்டால் இந்த நோயின் பாதிப்பிலிருந்து விடுபடலாம்.

நேரம் தவறாமல் சாப்பிடவேண்டும். எளிதில் சீரணமாகும் உணவுகளை உண்ண வேண்டும். நீர்ச்சத்து மிகுந்த உணவுகள் நல்லது. சர்க்கரையினை அதிகரிக்கும் உணவு வகைகளைத் தவிர்ப்பது நல்லது. இரவு உணவில் காரத்தை குறைக்க வேண்டும்.

அதுபோல் உடலுக்கு உடற்பயிற்சி அவசியத் தேவையாகும். அதோடு உடல் நன்கு வியர்க்க நடக்க வேண்டும். உணவு சாப்பிட்டபின் குறுநடை கொள்வது நல்லது.

மன உளைச்சல், மன எரிச்சல், கோபம், பதற்றம் இவற்றைத் தணிக்க தியானமே சிறந்த வழியாகும். தியானம், யோகா இரண்டும் சித்தர்கள் அருளியதுதான்.

தியான நிலையில் சரசுவாசத்தை மேற்கொண்டால் உடலில் சர்க்கரை, கொழுப்பு, இரத்த அழுத்தம் போன்றவை ஏற்படாமல் தடுக்கலாம்.

0 201

நன்றாகத்தான் இருப்பீர்கள். திடீரென தலை சுற்றுவது போலிருக்கும். கை நடுங்கும். கண்கள் இருட்டிக் கொண்டுவரும். இது நிறைய பேர் அனுபவித்திருப்பார்கள். இதற்கு பல காரணங்களை சொல்லலாம்.

குறைந்த ரத்த அழுத்தத்திலிருந்து ஹார்மோன் மாற்றங்கள் வரை எதுவாகவும் இருக்கலாம். சிலருக்கு கண்கள் இருட்டிக் கொண்டு காது அடைப்பது போல ஏற்படும். சில நிமிடங்களில் சரியாகிவிடும் இதற்கு வெர்டிகோ என்று பெயர். இது மெனோபாஸ் சமயங்கலில் பெண்களுக்கு அடிக்கடி ஏற்படுவதுண்டு.

இன்னும் சிலருக்கு தலை சுற்றும். காது அடைக்கும். இதயம் படபடவென அடைத்துக் கொள்ளும். பேச்சு திடீரென குளறும். இதற்கு ஒவ்வாமை காரணமாக இருக்கலாம்.

அல்லது காதுகளில் உண்டாகும் சம நிலையற்ற நிலையில் இவ்வாறு உண்டாகலாம். இன்னும் தீவிரமான நிலை என்னவென்றால் தலை சுற்றி சுய நினைவு இழப்பது. திடீரென ரத்த அழுத்தம் குறைவதால் உண்டாகும் நிலை இது. சிறிது உப்பு கலந்த நீர் குடித்தால் எழுந்து கொள்வார்கள்.

மிகவும் பாரமானதை தூக்கும்போது, அல்லது கீழே உட்கார்ந்திருந்து மேலே எழும்போது தலை சுற்றல் உண்டாகும். இதற்கு ரத்த சோகையும் ஒரு காரணமாக இருக்கலாம். சாப்பிடும் ஆன்டிபயாடிக் மாத்திரைகளால் பக்கவிளைவுகள் உண்டாகும். இதனால் கூட தலை சுற்றல் உண்டாகும். உடலில் நீரிழப்பு ஏற்படும்போது தலை சுற்றல் ஏற்படும்.

உடலுக்கு தேவையான எலக்ட்ரோலைட் குறைவதால், மூளையில் சரியான தகவல் பரிமாற்றம் நடக்காமலிருக்கும்போது தலைசுற்றல் உண்டாகும். தேவையான அளவு நீர் குடிக்கிறீர்களா என தெரிந்து கொள்ளுங்கள். சீரற்ற இதய துடிப்பு இருந்தால், ரத்தம் மூளைக்கு செல்வதில் பாதிப்பு உண்டாகும். உடனே தலை சுற்றல் உண்டாகும். வாய்வினாலும் தலை சுற்றல் உண்டாகும், வாய்வினால் வயிறில் அழுத்தம் தரப்படும்போது, நரம்புகளை பாதித்து தலை சுற்றுவது போலிருக்கும்.

இப்படி தலை சுற்றலுக்கு பல காரணங்கள் உண்டு. எப்போதாவது வந்தால் பயப்படத் தேவையில்லை. ஆனால் அடிக்கடி வந்தால் தவறாமல் மருத்துவரை நாடி பரிசோதித்துக் கொள்ளுதல் மிகவும் அவசியம்.

0 573
உடல் எடையை குறைக்க வேண்டுமா? உங்கள் ரத்தப் பிரிவிற்கு ஏற்றவாறு சாப்பிடுங்கள்!!

ரத்தபிரிவிற்கு தகுந்தாற் போல் உணவை உண்டால் உடலை கணிசமாக குறைக்கலாம் என்று இந்த மாதிரியான உணவுக் கட்டுப்பாட்டை அறிமுகப்படுத்தியது இயற்கை மருத்துவர் பீட்டர் ஜெ. அடமோ என்பவர் ஆவார்.

இரண்டு உடல் பருமனானவர்களுக்கு ஒரே மாதிரியான உடற்பயிற்சி, ஒரே மாதிரியான உணவு, கொடுத்துப் பாருங்கள். இருவருக்கும் வேறு வேறு பலன்தான் கொடுக்கும். இதற்கு என்ன காரணமென்றால் மரபணு.

ஒவ்வொருவரின் மரபணுவும் ஒவ்வொரு மாதிரியான என்.ஏ அமைப்பை பெற்றிருக்கும்.அதற்கேற்றவாறுதான் ரத்த அணுக்களும் செயல்படும்.

சிலருக்கு சில உணவுகள் ஒவ்வாமையை உண்டாக்கும், பால் பொருட்கள், மாவிலுள்ள குளுடன் போன்றவை ஒவ்வாமையை ஏற்படுத்தும். இதற்கு காரணங்கள் நிறைய உண்டு. இதற்கு தீர்வு காண ரத்தப் பிரிவிற்கேற்றவாறு சாப்பிடுவதால் பயன்கள் ஏற்படும் என மருத்துவம் சொல்கிறது.

பொதுவாக ஒரே வகையான ரத்தப் பிரிவில் ஓரளவு மரபியல்கள் ஒத்துப் போகும். இதனால் வளர்சிதை மாற்றமும் ஒரு பிரிவிற்கு மற்றொரு பிரிவிற்கும் வேறுபடும். அவ்வகையில் ஒவ்வொரு ரத்தப் பிரிவிற்கு, எந்த சத்து எந்த வகையான உணவு ஏற்றது என தெரிந்த பின் உணவுக் கட்டுப்பாடை மேற்கொண்டால் உடல் எடையை வேகமாக குறைக்கலாம்.

ஓ ரத்தப் பிரிவு :

அதிக புரத சத்து கொண்ட உணவுகளான இறைச்சி, மீன் வகைகள், காய்கறிகளை எடுத்துக் கொள்ள வேண்டும். அஜீரணத்தை தவிர்க்க குறைவான அளவு தானியங்கள், பால் பொருட்களை எடுத்துக் கொள்வது நல்லது.

ஏ ரத்தப் பிரிவு ;

பழங்கள், காய்கறிகள், லெக்யூம், பீன்ஸ், முழுதானியங்கள் ஆகியவற்றை அதிக அளவு எடுத்துக் கொள்ள வேண்டும். குறைவான அளவு அல்லது இறைச்சி இல்லாத அசைவம் சாப்பிடலாம்.

பி ரத்தப் பிரிவு:

பச்சை காய்கறிகள், முட்டை, கொழுப்பு குறைவான இறைச்சி, குறைந்த கொழுப்புள்ள பால் வகை உணவுகள், ஆகியவற்றை எடுத்துக் கொள்ளலாம். சோளத்தை தவிர்ப்பது நல்லது.

குறைந்த அளவே தக்காளி, கோதுமை, நிலக்கடலை ஆகியவை எடுத்துக் கொள்ள வேண்டும்.

ஏ-பி- ரத்தப் பிரிவு :

கடல் வகை உணவுகள், பச்சை காய்கறிகள், பால் ஆகியவற்றை அதிகம் எடுத்துக் கொள்ள வேண்டும். காஃபி, மது , சிகரெட் ஆகியவை தவிர்ப்பது நல்லது.

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி.

0 209

ஆண்டுக்கு ஒருமுறை முழு உடல் பரிசோதனை செய்துகொள்ளவும். இதனால் இதயப் பிரச்னைகளை வருவதற்கு முன்பே ஆரம்ப நிலையிலேயே கண்டறிந்து தடுத்துவிடலாம். 30 வயதுக்கு மேற்பட்ட வர்கள் ஆண்டுக்கு இரண்டு முறை ரத்த அழுத்தப் பரிசோதனை செய்துகொள்வது மிகவும் நல்லது.

*  புகையிலையில் உள்ள ரசாயனங்கள் இதயம் மற்றும் ரத்தக்குழாய்களில் பாதிப்பை ஏற்படுத்துகின்றன. இதனால் ரத்தக்குழாய்கள் குறுகலாகி, மாரடைப்புக்கான வாய்ப்பு அதிகரிக்கிறது. எனவே, புகைப்பிடிப்பது, புகையிலைப் பொருட்களைப் பயன்படுத்துவதைத் கண்டிப்பாகத் தவிர்க்கவும்.

*  சர்க்கரை நோய், உயர் ரத்தஅழுத்தம், உடற்பருமன் ஆகியவை இதய நோய்க்கான வாய்ப்பை அதிகரிக்கின்றன. அதனால் மருத்துவ ஆலோசனையோடு  இவற்றைக் கட்டுப்படுத்துவதும், தொடர் சிகிச்சை பெறுவதும் முக்கியம்.

*  ஒருவர் தன் உயரத்துக்கு ஏற்ற எடையுடன் இருக் கிறாரா என்பதைக் கண்டறியும் பிஎம்ஐ (BMI – Body Mass Index) அளவானது 25-க்கு அதிகமாக இருந்து, மேலும் ரத்தத்தில் கொழுப்பின் அளவு அதிகரித்து, உயர் ரத்த அழுத்தம் இருந்தால், அவர்களுக்கு இதய நோய்கள் வருவதற்கான வாய்ப்பு மிக மிக அதிகம். எனவே, `பிஎம்ஐ’ சரியான அளவில் வைத்திருக்கப்பட வேண்டியது அவசியம்.

*  தினமும் 30 – 45 நிமிடங்கள் உடற்பயிற்சி தேவை. ஜிம் சென்று வொர்க் அவுட் செய்ய வேண்டும் என்பது இல்லை. குழந்தைகளுடன் விளையாடுவது தொடங்கி வீட்டு வேலைகள், தோட்ட வேலைகள் என உடலுக்கு இயக்கங்கள் கொடுக்கலாம். நடைப்பயிற்சி, நீச்சல் போன்றவை இதயத்தை பலப்படுத்தும் என்பது குறிப்பிடத்தக்கது.

*  ஒரு நாளைக்கு எட்டு மணி நேரத் தூக்கம் அவசியம். இல்லாவிட்டால் உயர் ரத்த அழுத்தம், உடல்பருமன், சர்க்கரை நோய், மாரடைப்பு, மனஅழுத்தம் போன்ற பிரச்னைகளுக்கு அதுவே வாசலாக அமையும்.

*  நார்ச்சத்து அதிகம் உள்ள உணவுகளை எடுத்துக்கொள்ளும்போது அது ரத்தத்தில் சர்க்கரை கலக்கும் வேகத்தைத் தாமதப்படுத்து வதோடு கொலஸ்ட்ரால் அளவையும் கட்டுப்படுத்தும். ஒரு நாளைக்கு 25 – 35 கிராம் நார்ச்சத்து ஒருவருக்குத் தேவைப்படும்.

*  உணவில் உப்பு, கொழுப்பு, சர்க்கரை அளவைக் குறைக்கவும். பழங்கள், காய்கறிகள், முழு தானியங்கள், சில மீன் வகைகள் இதயத்தைப் பாதுகாக்கும். பால் பொருட்கள், தேங்காய் எண்ணெய், பாம் ஆயில், பதப்படுத்தப்பட்ட உணவுகள், பாக்கெட்டில் அடைத்து விற்கப்படும் உணவுப் பொருட்கள் போன்றவற்றை பயன்படுத்துவதைக் குறைத்துக்கொள்வது நல்லது.

*  வயிற்றைச் சுற்றி அதிகரிக்கும் கொழுப்பு, இதயத்துக்கு ஆபத்து ஏற்படுத்தக்கூடியது. இது ரத்தத்தில் சர்க்கரை அளவு, ரத்த அழுத்தம், கொழுப்பு அளவை அதிகரிக்கச் செய்யும். இதனால், இதய ரத்தக்குழாய்கள் பாதிக்கப்படும். எனவே, தொப்பையைக் கரைக்கும் பயிற்சி களைச் செய்து, வயிற்றுப்பகுதியை ஃபிட்டாக வைத்துக்கொள்வது மிகவும் அவசியம்.

“மொத்தத்தில், ஆரோக்கியமான வாழ்க்கை முறை, தொடர் உடற்பரிசோதனைகள், இடைவிடாத சிகிச்சை போன்றவை இதயம் காக்கும் கவசங்கள்’’

SOCIAL

LATEST REVIEWS

0 503
மேஷம் புதிய பாதையில் பயணிக்கத் தொடங்குவீர்கள். பெற்றோரின் ஒத்துழைப்பு அதிகரிக்கும். பிரியமானவர்களுக்காக சிலவற்றை விட்டுக் கொடுப்பீர்கள். கல்யாண முயற்சிகள் பலிதமாகும். வியாபாரத்தில் வி.ஐ.பிகள் வாடிக்கையாளர்களாவார்கள். உத்யோகத்தில் உங்கள் கை ஓங்கும். அதிஷ்ட எண்: 9...