Timber by EMSIEN-3 LTD
பொது

0 198
குளிக்கும் போது முதல்ல எங்க தண்ணிய ஊத்துவீங்கன்னு சொல்லுங்க... உங்கள பத்தி நாங்க சொல்றோம்...

சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும்.

குளிக்கும் போது, ஆரம்பத்தில் ஒவ்வொருவரும் ஒவ்வொரு பகுதியில் நீரை ஊற்றி குளிக்க ஆரம்பிப்போம். இந்த செயலும் ஒருவரது குணாதிசயங்களைக் கூறும். இக்கட்டுரையில் அதுக்குறித்து கொடுக்கப்பட்டுள்ளது. அதைப் படித்து உங்களைப் பற்றி தெரிந்து கொள்ளுங்கள்.

இப்பகுதியில் நீரை ஊற்றி குளிக்க ஆரம்பிப்பவர்கள் பெரும்பாலும் நேர்மையானவர்களாக இருப்பர். ஒரு வேலையில் மும்மரமாக இருக்கும் போது வேறு எந்த விஷயத்திலும் நாட்டம் போகாது. நீங்கள் போகும் வழி சரியென்று சொல்பவரை தான் நீங்கள் விரும்புவீர்கள்.

முகத்தில் நீரை ஊற்றி குளிக்க ஆரம்பிப்பவர்களுக்கு எப்பொழுதும் பணம் தான் முக்கியமாக இருக்கும். அந்தப் பணத்தை சம்பாதிப்பதில் அவர்களுக்கு ஆர்வம் அதிகம். நேர்மை, கண்ணியம் போன்றவற்றில் இவர்களுக்கு எந்த ஒரு நம்பிக்கையும் இல்லை. சுயநலமானவர்களாவும், பிறர் புரிந்துக் கொள்ள கடினமானவர்களாகவும் இவர்கள் இருப்பார்கள்.

இந்தப் பகுதியில் நீரை ஊற்றி குளிக்க ஆரம்பித்தால், அவர்கள் நம்பிக்கைக்குரியவர்களாகவும், கடின உழைப்பாளியாகவும் இருப்பர். இவர்கள் மிகவும் பிரபலமானராகத் தான் இருப்பர். உதவும் மனப்பான்மை இவர்களுக்கு அதிகமாகவே இருக்கும். ஆனால், இவர்கள் அவ்வளவு எளிதில் யாரையும் நம்பமாட்டார்கள்.

இவர்களுக்கு எப்பொழுதும் இவர்களது இலக்கு தான் முக்கியமானதாக இருக்கும். ஒரு இலக்கை அடையும் வரை ஓயமாட்டார்கள். பணம் இவர்களுக்கு இரண்டாம் பட்சம் தான். பகல் கனவு காண்பவர்கள் இவர்கள்.

இந்த பகுதியில் நீரை ஊற்றி குளிக்க ஆரம்பிப்பவர்கள் கூச்ச சுபாவம் கொண்டவர்களாக இருப்பர். இவர்களுக்கு தன்னம்பிக்கை மிகக்குறைவு தான். நண்பர்கள் அதிகமாக இருக்கமாட்டார்கள். விடாமுயற்சி தான் இவர்களது பலவீனம்.

தோல்விக்கு என்றே பிறந்தவர்கள் இவர்கள். எதை எடுத்தாலும் தோல்வி தான் இவர்களுக்கு. யாருக்கும் இவர்களை அவ்வளவாக பிடிக்காது. பெரும்பாலும் இவர்கள் தனிமையில் தான் இருப்பர். சூதாட்டம் மற்றும் குடிகாரர்களாக இருப்பர். பணம் தான் இவர்களுக்கு முக்கியம்.

உடலின் மற்ற பகுதிகளில் நீரை ஊற்றி குளிக்க ஆரம்பிப்பவர்கள் சராசரி மனிதாராக இருப்பர். இவர்களுக்கு மனவலிமை அதிகம், ஆனால் மற்றவர்களுக்கு அது தெரியாது. இவர்களுக்கு பல்வேறு நுட்பங்களை பற்றிய கற்பனை இருக்கும். ஆனால் அவற்றை முயற்சி செய்வதற்கு போதுமான தைரியம் இவர்களுக்கு இருக்காது.

Post expires at 9:31am on Monday May 29th, 2017

0 990
12 வயது மகளை பலாத்காரம் செய்ய கணவருக்கு ஆலோசனை வழங்கிய மனைவி!
இங்கிலாந்து நாட்டில் தனது சொந்த மகளை பலாத்காரம் செய்து கர்ப்பமாக்க தனது இரண்டாவது கணவருக்கு ஆலோசனை வழங்கியுள்ளார் பெண் ஒருவர். இந்த வழக்கில் நீதிமன்றம் அதிரடி தீப்பு ஒன்றை வழங்கியுள்ளது.

இங்கிலாந்தின் வார்விஷைர் நகரில் 12 வயது சிறுமி தனது தாயுடன் வசித்து வந்தார். தாய் தனது முதல் கணவரை பிரிந்து இரண்டாவது கணவரை திருமணம் செய்துகொண்டு மூன்று பேரும் ஒரே வீட்டில் வசித்து வந்தனர்.
அவர் ஏற்கனவே கருத்தடை செய்து கொண்டதால், இரண்டாவது கணவர் மூலம் குழந்தை பெற்றுக்கொள்ள முடியவில்லை. ஆனால் அவரது கணவர் தனக்கு வாரிசு வேண்டும் என பிடிவாதமாக இருந்து வந்துள்ளார். இதனால் அந்த பெண் தனது மகளை கர்ப்பமாக்கி குழந்தை பெற்றுக்கொள்ளுமாறு தனது கணவருக்கு ஆலோசனை வழங்கியுள்ளார்.
இதற்கு சம்மதம் தெரிவித்து அந்த நபரும் தனது மகளாக பார்க்க வேண்டிய 12 வயது சிறுமியை பலாத்காரம் செய்துள்ளார். தொடர்ந்து பலமுறை தனது மனைவியின் துணையுடன் அந்த சிறுமியை பலாத்காரம் செய்து வந்துள்ளார் அவர். இதனால் அந்த சிறுமி கர்ப்பமடைந்தார்.
இந்த விவகாரம் வெளியே யாருக்கும் தெரியாமல் பார்த்துக்கொண்டனர் அவர்கள். ஆனால் சில மாதங்களுக்கு முன்னர் அந்த சிறுமிக்கு குழந்தை பிறந்ததன் மூலம் பெற்றோரின் இந்த கொடூர செயல் வெளியே தெரியவந்தது. இதனையடுத்து காவல்துறைக்கு தகவல் கிடைத்து, உடனே வந்து பெற்றோரை கைது செய்தனர்.
இந்த வழக்கின் விசாரணை நீதிமன்றத்தில் நடந்து வந்தது. நேற்று இதன் தீர்ப்பு வழங்கப்பட்டது. அதில் சிறுமியை பலாத்காரம் செய்த நபருக்கு 18 ஆண்டுகள் சிறை தண்டனையும், சிறுமியின் தாய்க்கு 6 ஆண்டுகள் சிறை தண்டனையும் விதிக்கப்பட்டது.

Post expires at 1:58pm on Tuesday May 23rd, 2017

0 127
சிறுநீர் குடிப்போம்; மலம் உண்ணுவோம்: எச்சரிக்கும் விவசாயிகள்!
டெல்லியில் தொடர் போராட்டத்தில் ஈடுபட்டு வரும் தமிழக விவசாயிகள் மத்திய இணை அமைச்சர் பொன்.ராதாகிருஷ்ணன் அளித்த வாக்குறுதியை அடுத்து இரண்டு நாட்கள் தங்கள் போராட்டத்தை ஒத்திவைத்தனர்.

இதனையடுத்து மத்திய இணை அமைச்சர் பொன்.ராதாகிருஷ்ணன் வாக்குறுதிகளை எழுத்துப்பூர்வமாக அளிக்கவில்லை என்றால் நாளை சிறுநீர் குடிக்கும் போராட்டம் நடத்துவோம் எனவும் விவசாயிகள் எச்சரிக்கை விடுத்துள்ளனர். நாளையும் வாக்குறுதிகளை எழுத்துப்பூர்வமாக தராவிட்டால் மலம் உண்ணும் போராட்டத்தில் ஈடுபடுவோம் என கூறியுள்ளனர்.
தமிழக விவசாயிகள் கடந்த மார்ச் 14-ஆம் தேதி முதல் டெல்லி ஜந்தர்மந்தரில் போராட்டத்தில் ஈடுபட்டு வருகின்றனர். காவிரி மேலாண்மை வாரியம் அமைக்க வேண்டும், வறட்சி நிவாரண நிதி கூடுதலாக ஒதுக்க வேண்டும், தேசிய வங்கிகளில் வாங்கியிருக்கும் பயிர் கடன்களை தள்ளுபடி செய்ய வேண்டும் போன்ற கோரிக்கைகளை முன்னிருத்தி அவர்கள் போராடி வருகின்றனர்.
தினமும் கவனத்தை ஈர்க்கும் வகையில் நூதன முறையில் போராட்டத்தில் ஈடுபட்டு வரும் விவசாயிகளை கடந்த 19-ஆம் தேதி சந்தித்து பேசுவார்த்தை நடத்திய மத்திய இணை அமைச்சர் பொன்.ராதாகிருஷ்ணன் விவசாயிகளை போராட்டத்தை கைவிட வலியுறுத்தினார்.
இதனையடுத்து இரண்டு நாட்கள் தற்காலிகமாக போராட்டத்தை ஒத்திவைத்தனர் விவசாயிகள். இந்நிலையில் டெல்லி காவல்துறை விவசாயிகள் தங்கியிருந்த இடத்தில் போடப்பட்டிருந்த கூடாரங்களை அகற்ற முயற்சித்தனர். இதனை போராட்டத்தை ஒருங்கிணைத்து நடத்தும் போராட்டக்குழு தலைவர் அய்யக்கண்ணு கடுமையாக கண்டித்துள்ளார்.
இதுகுறித்து பேசிய அய்யக்கண்ணு, மத்திய இணை அமைச்சர் பொன்.ராதாகிருஷ்ணன் வாக்குறுதிகளை எழுத்துப்பூர்வமாக அளிக்கவில்லை என்றால் நாளை சிறுநீர் குடிக்கும் போராட்டம் நடத்த உள்ளோம் என்றார். அதற்காக இன்றே சிறுநீரை பாட்டிலில் பிடித்து போராட்டக்களத்தில் பார்வைக்கு வைத்துளனர். மேலும் நாளையும் அளித்த வாக்குறுதிகளை எழுத்துப்பூர்வமாக தராவிட்டால், மலம் உண்ணும் போராட்டத்தில் ஈடுபடுவோம் என எச்சரித்துள்ளார்.

Post expires at 1:48pm on Tuesday May 23rd, 2017

0 237
மே 15 மூன்றாம் உலகப் போர்: மேலும் பல அதிர்ச்சி தகவல்கள்!!
மூன்றாம் உலகப்போர் வரும் மே 13 தேதி தொடங்கும் என வெளியாகியுள்ள தகவல் அதிர்ச்சியை ஏற்படுத்தியுள்ளது.

Advertisement

Clairvoyant Horacio Villegas என்பவர் எதிர்காலத்தில் நடக்கப்போவதை  கணித்து கூறுபவர். 2016 ஆம் ஆண்டில் டொனால்ட் டிரம்ப் அமெரிக்க ஜனாதிபதியாக பதவியேற்பார் என இவர் 2015 ஆம் ஆண்டிலேயே சரியாக கணித்து கூறியுள்ளார்.
இவர் தற்போது 2017 ஆம் ஆண்டு மே மாதம் 13 மூன்றாம் உலகப்போர் தொடங்கும் என்ற தகவலை வெளியிட்டுள்ளார்.
அமெரிக்கா, ரஷ்யா, வட கொரியா, சிரியா மற்றும் சீனா ஆகிய 5 நாடுகளும் இந்த மூன்றாம் உலகப்போரில் பங்கேற்கும் எனவும் இந்த மூன்றாம் உலகப்போர் ஆரம்பமாவதற்கு டொனால்ட் டிரம்ப் தான் காரணமாக இருப்பார் எனவும் குறிப்பிட்டுள்ளார்.
இந்த போரில் சிரியா ஜனாதிபதி வெடிகுண்டு தாக்குதல் மூலம் கொல்லப்படுவார் என்ற அதிர்ச்சி தகவலையும் தெரிவித்துள்ளார்.

Post expires at 1:45pm on Tuesday May 23rd, 2017

0 52
தாஜ்மஹாலுக்குள் உலக அழகிகள் செல்ல எதிர்ப்பு
தாஜ்மஹாலுக்குள் உலக அழகி போட்டியில் பங்கேற்கும் மாடல் அழிகள் முக்காடு போட்டுச் செல்ல எதிர்ப்பு தெரிவித்து இந்து அமைப்புகள் போராட்டம் நடத்தினர்.
2017ஆம் ஆண்டுக்கான சூப்பர் மாடல் உலக அழகிப்போட்டி டெல்லியில் நடந்து வருகிறது. இதில் 34 நாடுகளைச் சேர்ந்த அழகிகள் கலந்து கொண்டனர். இதில் பங்கேற்ற வெளிநாட்டு அழகிகள் ஆக்ராவில் இருக்கும் சர்வதேச புகழ்பெற்ற தாஜ்மஹாலை பார்வையிடச் சென்றனர்.
ஆக்ரவில் வெயில் காரணமாக அவர்கள் முகத்தை துணியால் மூடியவாறு தாஜ்மஹாலுக்குள் சென்றனர். அங்கு பாதுகாப்பு பணியில் ஈடுபட்டு இருந்த மத்திய பாதுகாப்பு படையினர் அவர்களை முக்காடை எடுத்துவிட்டு உள்ளே செல்லுமாறு கூறியுள்ளனர்.
இதுகுறித்து பாதுகாப்பு படையினர் கூறியதாவது;-
புராதன சின்னங்கள், தொல்லியல் துறை சம்பந்தப்பட்ட இடங்களில் மதம் சம்பந்தமான நடவடிக்கைகள் தடை செய்யப்பட்டுள்ளது. எனவே முக்காடு அணிந்து செல்ல மறுக்கப்பட்டது, என்றனர்.
இந்த் செய்தி மத்திய கலாச்சார துறை மந்திரி மகேஷ் சர்மா கவனத்திற்கு கொண்டு செல்லப்பட்டது. இதுகுறித்து அமைச்சர் கூறியதாவது:-
தாஜ்மஹாலுக்குள் செல்ல எந்த ஆடை கட்டுப்பாடும் கிடையாது. எந்த கலர் உடை வேண்டுமானாலும் அணிந்து செல்லலாம். இது தொடர்பாக எந்த வழி காட்டுதலும் இல்லை. எனவே முக்காடு அணிந்து சென்றவர்களை தடுத்து நிறுத்தியது குறித்து விசாரணை நடத்தப்படும், என்றார்.

 

Post expires at 1:40pm on Tuesday May 23rd, 2017

0 147
இனி ஷாப்பிங் மால்களில் வெளிநாடு ஊழியர்களுக்கு வேலை கிடையாது

வியாழக்கிழமை சவுதி அரேபிய தொழிலாளர் துறை அமைச்சர் வெளியிட்ட உத்தரவில் ஷாப்பிங் மாலில் இனி சவுதி நாட்டவர்களுக்கு மட்டுமே வேலை அளிக்க வேண்டும் என்று கட்டுப்பாடு விதிக்கப்பட்டுள்ளது.

சவுதி அரேபிய ஷாப்பிங் மால்களில் இப்போது 5 ஊழியர்களில் ஒருவர் மட்டுமே சவுதியை சேர்ந்தவர்கள் இருப்பதாகவும் இதனால் ரிடெயில் துறையில் அதிக வேலை வாய்ப்புகளைச் சவுதி நாட்டவர்கள் இழந்துள்ளதாகவும் அதனால் இந்தக் கட்டுப்பாடு விதிக்கப்பட்டுள்ளதாகவும் கூறப்படுகின்றது.

வேளிநாட்டவர்களுக்கு வேலை வாய்ப்பைக் குறைக்கும் சவுதி

சவுதி அரசு நிதானமாக வேளிநாட்டவர்களுக்கு வேலை வாய்ப்பு வழங்குவதைக் கவனமாகக் குறைத்து வருகின்றது. மக்கள் தொகையில் மூன்றாம் இடத்தில் உள்ள சவுதி இப்போது தங்கள் நாட்டவர்கள் வேலை வாய்ப்பை அதிக அளவில் இழந்து வருவதாகவும், அவர்களுக்கு அதிக வேலை வாய்ப்பை உருவாக்க வேண்டும் என்ற முனைப்புடனும் செயல்பட்டு வருகின்றது.

டிவிட்டரில் உத்தரவு

சவுதி தொழிலாளர் அமைச்சகத்தின் டிவிட்டர் பக்கத்தில் ஷாப்பிங் மால் போன்ற வியாபார வணிகங்களில் வெளிநாட்டவர்களுக்கு வேலை வாய்ப்பு அளிக்கக் கூடாது என்று தெரிவித்துள்ளது. ஆனால் இதனால் எத்தனை வேலை வாய்ப்புகள் பாதிப்புக்குள்ளானது என்ற எந்த விவரங்களும் தெரிவிக்கப்படவில்லை.

ரிடெய்ல் வேலை வாய்ப்பில் சவுதி அரேபியர்கள்

சென்ற ஆண்டு வெளியிடப்பட்ட விஷன் 2030 பொருளாதாரச் சீர்திருத்த திட்டத்தின் அறிக்கைப் படி சவுதி ரிடெய்ல் துறையில் 1.5 மில்லியன் தொழிலாளர்கள் பணிபுரிவதாகவும் அதில் 3,00,000 லட்சம் நபர்கள் மட்டுமே சவுதி நாட்டவர்கள் ஆகும்.

2020 வரை கெடு

எனவே ரிடெய்ல் துறையில் அதிக வேலை வாய்ப்புகளைத் தாய் நாட்டவர்களுக்கு உருவாக்கி 2020-ம் ஆண்டு இந்தத் துறையில் அதிகமானோர் சவுதியை சேர்ந்தவர்களாக இருக்க வேண்டும் என்று சவுதி அரசு முடிவு செய்துள்ளது.

வேலையை இழக்கப் போகும் ஊழியர்கள்

சவுதியின் இந்த முடிவால் குறைந்தது 1.2 மில்லியன் வெளிநாட்டு ஊழியர்கள் வேலை வாய்ப்பை இழக்கும் நிலை ஏற்பட்டுள்ளது, இதில் இந்தியாவில் இருந்து எவ்வளவு நபர்கள் பணிபுரிந்து வருகிறார்கள் என்ற விவரங்கள் தெரியவில்லை.

Post expires at 8:32am on Tuesday May 23rd, 2017

0 50
டியர் மேடம், நான் உத்தமன்..., கவிபாடி... ஃபேஸ்புக்கில் பெண்ணை செக்ஸிற்கு அழைத்த ஆண்கள்!

ஒரு பெண்ணை நேரடியாக உடல் ரீதியாக துன்புறுத்துவது மட்டும் பாலியல் வன்முறை அல்ல, நேரடியாகவோ, மறைமுகமாகவோ, குறுஞ்செய்திகள் அல்லது சமூக தளங்கள் வாயிலாக பெண்களை இழிவாக பேசி, இச்சை உணர்வுகளை வெளிப்படுத்தி அவர்களை மன ரீதியாக வேதனைப்படுத்துவதும் பாலியல் வன்முறை தான்.

ஃப்ளர்டிங் செய்கிறன் என்ற பெயரில் ஒரு கும்பலும், போலி கணக்குகள் வைத்து மற்றொரு கும்பலும், நேரடியாகவே எதற்கும் தயங்காமல் தனது இச்சை எண்ணத்தை பெண்கள் மீது எய்து துன்புறுத்தும் காம கொடூரர்கள் என பெண்களை மன ரீதியாக பாலியல் வன்முறைக்கு உண்டாகும் மனித்தன்மை அற்ற மிருங்கங்கள் ஏராளம் நமது சமூகத்தில் உலாவிக் கொண்டு தான் இருக்கின்றன…

இதோ அதற்கான சில எடுத்துக்காட்டுகள்…

உத்தமன் என்ற பெயரில் அழைத்தவன்…

இவரு மிஸ்டர். போயட்டு (Poet-u)

நடப்புக்கு கூப்பிடறவன் ஹனி-னா சொல்லுவான்…???

தம்பி நேரடியா கேட்கிறார்… போயட்டு மாதிரியோ, நட்புன்னு சொல்லியோ சுத்தி வளைகல…

இது உச்சக்கட்டம்…

தட் அயம் நாட்டி யூ நோ பட்டியலை சேர்ந்தவர்கள்…

இப்படி, பெண்களின் அங்கங்கள் குறித்து பேசி, அழகை பறைசாற்றி, இச்சை எண்ணத்தை பலவகையில் வெளிப்படுத்தும் ஆன்லைன் ரோமியோக்களின் சில்மிஷங்களுக்கு யார் முற்றுப்புள்ளி வைப்பார்கள்..?

Post expires at 8:28am on Tuesday May 23rd, 2017

0 84
மனநோயால் பாதிக்கப்பட்டுள்ள டிரம்ப் - மருத்துவர் வெளியிட்ட அதிர்ச்சி செய்தி
அமெரிக்க ஜனாதிபதி டிரப்ம் மன நோயால் பாதிக்கப்பட்டுள்ளார் என உளவியல் மருத்துவர்கள் தெரிவித்துள்ள கருத்து அதிர்ச்சியை ஏற்படுத்தியுள்ளது.
அமெரிக்காவில் உள்ள பிரபல உளவியல் மருத்துவர்கள் குழு நேற்று யேல் பல்கலைக்கழகத்தில் நடந்த ஒரு நிகழ்ச்சியில் பங்கேற்று பேசினர். அதில் பேசிய மருத்துவர் ஜான் கார்னர் கூறிய செய்தி அங்கிருந்த மக்களை அதிர்ச்சி அடைய செய்தது.
அவர் பேசும் போது “ஜனாதிபதியாக பதவியேற்ற நாள் முதல், டிரம்பின் நடவடிக்கைகள் மிகவும் அதிர்ச்சி அளிக்கிறது. அவர் ஆபத்தான மன நோயால் பாதிக்கப்பட்டுள்ளார் எனத் தெரிகிறது. இந்த நிலையில் அவர் அமெரிக்காவை தலைமையேற்று நடத்துவது ஆபத்தான ஒன்றாகும். அவரின் நடவடிக்கை அமெரிக்காவை மட்டுமல்ல.. உலக நாடுகளையும் பெருமளவில் பாதிக்கும். அவரின் செயல்பாடுகள் பற்றி அமெரிக்க மக்களுக்கு தெரியப்படுத்துவது எங்களின் கடமை” என அவர் பேசியுள்ளார்.
ஒரு உளவியல் மருத்துவர், டிரம்பை மனநோயாளி எனக் கூறியிருப்பது அங்கு பரபரப்பை ஏற்படுத்தியுள்ளது

Post expires at 1:50am on Tuesday May 23rd, 2017

0 80
தத்தளித்த முதியவரை காப்பாற்றாமல் செல்போனில் படமெடுத்த கொடூரம்

பரபரப்பான காட்சிகளை செல்போன்களில் படமெடுத்து ஃபேஸ்புக், டுவிட்டரில் போட்டு லைக்குகள் வாங்கும் கலாச்சாரம் சில சமயம் மனித நேயத்தையும் மறந்துவிடுகிறது. ரோட்டில் விபத்து ஏற்பட்டு உயிருக்கு போராடும் நபர்களை காப்பாற்றாமல் அதை புகைப்படம் எடுக்கும் குரூர புத்தியுள்ளவர்கள் குறித்த செய்தியை அவ்வப்போது பார்த்து வருகிறோம்.

அந்த வகையில் குளத்தில் ஆழமான பகுதிக்குச் சென்ற முதியவரை காப்பாற்றும் எண்ணம் சிறிதுகூட இல்லாமல் அவர் மூழ்கி உயிரிழப்பதை செல்போனில் வீடியோ எடுத்த சம்பவம் அனைவரையும் அதிர்ச்சியடைய செய்துள்ளது.

கர்நாடக மாநிலத்தை சேர்ந்த நஞ்சப்பா என்ற 70 வயது முதியவர் நேற்று ஒரு குளத்தில் குளித்துக் கொண்டிருக்கும்போது எதிர்பாராதவிதமாக திடீரென ஆழமான பகுதிக்கு சென்றுவிட்டார். நீச்சல் தெரியாததால் தண்ணீரில் தத்தளித்த இந்த அதிர்ச்சி சம்பவத்தை மனசாட்சியே இல்லாமல் வேடிக்கை பார்த்தனர். அதுமட்டுமின்றி கொடூரத்தின் உச்சகட்டமாக தண்ணீரில் மூழ்கி அவர் உயிரிழப்பதையும் அங்கிருந்தவர்கள் செல்போனில் படம் பிடித்தனர். இந்த சம்பவத்திற்கு சமூக ஆர்வலர்கள் கடும் கண்டனம் தெரிவித்துள்ளனர்.

Post expires at 3:26am on Monday May 22nd, 2017

0 180
புதிய ரேஷன் கார்டு வேணுமா ? அரசு இ-சேவை மையங்களுக்குப் போங்க..

அரசு இ-சேவை மையங்கள் மூலம் புதிய ரேஷன் கார்டு பெறவும், ஏற்கனவே உள்ள ரேஷன் கார்டுகளில் மாற்றங்கள் செய்யவும் விண்ணப்பிக்கலாம் என தமிழக அரசு அறிவித்துள்ளது.

இது தொடர்பாக தமிழக அரசு வெளியிட்டுள்ள செய்திக்குறிப்பில்,

தமிழ்நாடு மின் ஆளுமை முகமையின் மேற்பார்வையின் கீழ், தமிழ்நாடு அரசு கேபிள் டி.வி. நிறுவனம், தொடக்க வேளாண்மைக் கூட்டுறவு கடன் சங்கங்கள் மற்றும் கிராம வறுமை ஒழிப்பு குழுக்கள் ஆகியவற்றின் வாயிலாக தற்பொழுது 10 ஆயிரத்துக்கும் மேற்பட்ட எண்ணிக்கையிலான அரசு இ–சேவை மையங்கள் தமிழகம் முழுவதும் செயல்பட்டு வருவதாக தெரிவிக்கப்பட்டுள்ளது.

இச்சேவை மையங்கள்  மூலம், கூடுதலான சேவைகளை பொதுமக்களுக்கு வழங்க வேண்டி அரசால் பல்வேறு முயற்சிகள் மேற்கொள்ளப்பட்டு வருவதாக குறிப்பிடப்பட்டுள்ளது.

இதன் ஒரு பகுதியாக நானை மறுநாள் முதல் அரசு இ–சேவை மையங்கள் வாயிலாக புதியதாக ரே‌ஷன் கார்டு பெற விண்ணப்பித்தல், முகவரி மாற்றம் செய்தல், பெயர் நீக்கம், செல்போன் எண் மாற்றம் செய்தல் போன்ற ரே‌ஷன் கார்டு தொடர்பான சேவைகள், வழங்கவும் வழிவகை செய்யப்பட்டுள்ளது.

ரே‌ஷன் கார்டு தொடர்பான  சேவைகள் பெற்றிட பொதுமக்கள் தங்களது இல்லங்களுக்கு அருகாமையில் உள்ள இ–சேவை மையங்களை அணுகி பயன்பெறுமாறும் தமிழக அரசு கேட்டுக் கொண்டுள்ளது.

 

Post expires at 3:21am on Monday May 22nd, 2017

SOCIAL

LATEST REVIEWS

0 198
சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும். குளிக்கும் போது, ஆரம்பத்தில் ஒவ்வொருவரும்...