Timber by EMSIEN-3 LTD
பொது

0 714
வாலிபராக மாயமானவர் திருநங்கையாக திரும்பி வந்தார்..!! என்ன நடந்தது 2 ஆண்டில்..?

இது நிச்சயம் எந்த பெற்றோராலும் ஜீரணிக்க முடியாத, ஒரு வேதனையான சூழ்நிலை தான். திருப்பூர் கே.செட்டிபாளையம் வ.உ.சி.நகரை சேர்ந்தவர் தாமரை செல்வன். இவருக்கு 3 மகன்கள் உள்ளனர்.

இவருடைய இளைய மகன் முத்துக்குமார் (வயது 20). பிளஸ்-2 படித்துள்ள இவர், திருப்பூரில் உள்ள பனியன் நிறுவனத்துக்கு வேலைக்கு சென்று வந்தார்.

கடந்த 2015-ம் ஆண்டு மார்ச் மாதம் வேலைக்கு சென்ற முத்துக்குமார் திடீரென மாயமானார்.

இந்த நிலையில் திருப்பூரில் மாயமான முத்துக்குமார் சென்னை வியாசர்பாடியில் தங்கி இருப்பதாக போலீசாருக்கு தகவல் கிடைத்தது.

அங்கு முத்துக்குமார் தங்கி இருந்த இடத்துக்கு சென்ற போலீசார் முத்துக்குமாரை பார்த்ததும் அதிர்ச்சி அடைந்தனர்.

அங்கு முத்துக்குமார் பெண் போல் சேலை அணிந்து முற்றிலும் திருநங்கையாக மாறி இருந்தார்.

அத்துடன் அவருடைய பெயரையும் கீர்த்தனா என்று மாற்றி இருந்தார்.

அவரிடம் நடத்திய விசாரணையில், தான் பெண்ணாக மாற ஆசை பட்டதால், வீட்டை விட்டு வெளியேறினேன். சென்னை வந்த தனக்கு வியாசர்பாடியில் ஒருவருடைய அறிமுகம் கிடைத்தது.

அவருடைய துணையுடன், மதுரைக்கு சென்று நான் அறுவை சிகிச்சை செய்து பெண்ணாக மாறிவிட்டேன். இப்படி இருக்கவே எனக்கு பிடித்து இருக்கிறது என்று கூறினார்.

மகன் கிடைத்த மகிழ்ச்சியில் அவருடைய தாயாரும், தம்பி கிடைத்த மகிழ்ச்சியில் அண்ணனும் திருப்பூர் ஊரக போலீஸ் நிலையத்துக்கு விரைந்து வந்தனர்.

அப்போது, முத்துக்குமார் திருநங்கையாக மாறி கீர்த்தனாவாக வந்திருப்பதை கண்டு அவர்கள் கடும்அதிர்ச்சி அடைந்தனர்.

இதைத்தொடர்ந்து முத்துக்குமாரின், மச்ச அடையாளங்களை ஒப்பிட்டு, கீர்த்தனாவை தனது மகன் முத்துக்குமார் தான் என்று அவருடைய தாயார் அடையாளம் காட்டினார்.

Post expires at 9:37am on Monday April 24th, 2017

0 146
தவறான புரிதல்கள் வேண்டாமே!

இன்று நம் வாழ்க்கையில் பழமொழிகளும், வாக்கியங்களும் எந்த நோக்கத்திற்காக சொல்லப் பட்டதோ, அதனை தவறாக புரிந்து பயன்படுத்தி கொண்டிருக்கிறோம். அதற்கான பொருளை அறிய வேண்டும் என்பது பற்றி நாம் சிந்திக்காதது, அதைவிட வேதனையான விஷயம். இதைத்தான் திருவள்ளுவர்,

”எப்பொருள் எத்தன்மைத் தாயினும் அப்பொருள்மெய்ப்பொருள் காண்பது அறிவு”(குறள் 355)
எனக்கூறியுள்ளார். அதாவது ஒரு பொருள் எத்தன்மை உடையதாயினும் அப்பொருளின் உண்மை நிலைகாண்பதே அறிவு என்பது இதற்கு பொருளா கும். இன்று நாம் தவறாக புரிந்து கொண்டு பயன்படுத்துகின்ற அந்த சரியான வாக்கியங்களை பார்ப்போம்.

கோயில் இல்லாத ஊரில் குடியிருக்க வேண்டாம்
அக்காலத்தில் இடி, மின்னல் போன்ற இடர்பாடுகளில் இருந்து பாதுகாத்து கொள்ள வழிகள் மக்களுக்கு தெரியாது. பொதுவாக கோயில்களில் 12 ஆண்டுகளுக்கு ஒருமுறை கும்பாபிஷேகம் நடக்கும். அப்படி நடக்கும்போது, கோபுர கலசங்களில் கம்பு, சோளம், கோதுமை, கேப்பை, வரகு போன்ற தானியங்களை வைத்து மருந்து பூசி கலசம் ஒட்டப்படும்.இந்த தானியங்களுக்கு இடி, மின்னல் போன்றவற்றை தாங்கும் சக்தி உண்டு. ஆனால் 12 ஆண்டுகளில் அதன் சக்தியை இழந்துவிடும் என்பதால், ஏற்கனவே கலசத்தில் உள்ள தானியங்களை மாற்றுவதற்காகதான் ஜீரணாதாரணம் போன்ற சம்பிரதாயங்களும், சடங்குகளும் நடக்கின்றன. இதைத்தான் நமது முன்னோர்கள் கோயில் இல்லாத ஊரில் குடியிருக்க வேண்டாம் எனக்கூறியுள்ளார்.

ஊரார் பிள்ளையை ஊட்டி வளர்த்தால் தன் பிள்ளை தானே வளரும்
இதன் பொருள், கணவனை பொருத்த வரை அவனது மனைவி ஊரார் பெற்ற பிள்ளைதான். மனைவி கருவுற்றிருக்கும் காலத்தில் கணவன், அவளுக்கு சத்தான உணவுகளை கொடுப்பதன்மூலம், அவள் வயிற்றில் வளர்ந்து வரும் அவனது குழந்தைக்கு அந்த சத்துக்கள் தானாகவே சென்றுவிடும் என்பதைதான் மூத்தோர் அப்படி சொன்னார்கள்.

ஆறிலும் சாவு நுாறிலும் சாவு
கர்ணனுக்கு, தான் குந்திதேவியின் மூத்த மகன் என தெரியவருகிறது. ஏற்கனவே குந்தி தேவிக்கு பாண்டவர்கள் 5 மகன்கள் உள்ளனர். அவர் களுடன் கர்ணனும் சேர்ந்தால், பாண்டவர்கள் எண்ணிக்கை 6 ஆக மாறிவிடும். ஆனால், பாண்டவர்களின் எதிரிகளான கவுரவர்கள் மொத்தம் 100 பேர் ஆவர். இந்த இரண்டு பிரிவினருக்கு இடையே போர் நடந்தால், கர்ணன் பாண்டவர்களுடன் அல்லது கவுரவர்களுடன் சேர்ந்து போர் புரிய வேண்டும். யாராவது ஒரு பிரிவினருடன் சேர்ந்து போர் புரிந்தாலும், போரில் மரணம் ஏற்பட நிச்சயம் வாய்ப்புண்டு என்பதை குறிப்பதற்காகதான் ஆறிலும் சாவு, நுாறிலும் சாவு என்பது சொல்லப்பட்டது. இதில் குறிப்பிட வேண்டிய விஷயம், நன்றிக்கடன் தீர்ப்பதற்காக கர்ணன் துரியோதனுடன் இணைந்தார்.

சிவபூஜையில் கரடி புகுந்த மாதிரி
கரடி என்பது சிவன் கோயில்களில் வட்டவடிவமாக இருக்கும் வாத்தியத்தை குறிக்கிறது. அதாவது சிவன் கோயிலில் பூஜைகள், தீபாராதனை போன்ற முக்கிய நிகழ்வுகள் நடக்கும்போது, இந்த வாத்தியம் இசைக்கப்படுகிறது. அதன் நோக்கம் அந்த நிகழ்வின் முக்கியத்துவத்தை உணர்த்துவதற்காக தான். இதைதான் சிவபூஜையில் கரடி புகுந்த மாதிரி என்கின்றனர்.

நல்லதுக்கு காலமில்லை
இதற்கு அர்த்தம் நல்ல செயல்கள் செய்வதற்கு காலம், நேரம் எதுவுமே கிடையாது. உழைப்பையும், திறமையையும் மட்டுமே நம்பி எந்த ஒரு செயலும் தொடங்க வேண்டும். மூடநம்பிக்கை, தவறான சம்பிரதாயங்களால் நல்ல செயல்களை தள்ளிப்போடக்கூடாது. திருமணம் போன்ற எல்லா நல்ல செயல்களுமே நாள், நட்சத்திரம் பார்க்காமல் உடனே செய்ய வேண்டும் என்பதையே ‘நல்லதுக்கு காலமில்லை’ என்று கூறியுள்ளனர்.

பொன் கிடைத்தாலும் புதன் கிடைக்காது
இதற்கான அர்த்தம் ஜோதிடத்தில் புதன்(மெர்க்குரி) கோள் அறிவாற்றலையும், திறமையையும் குறிக்கும். எனவே கல்வி என்பது ஒருவனுக்கு கிடைக்க வேண்டிய செல்வங்களுள் முக்கியமான செல்வமாகும். ஒருவன் பணம் கிடைத்ததும் பெரிய செல்வந்தனாககூட ஆகிவிடலாம். ஆனால் கல்வி கிடைப்பது என்பது மிகவும் அரிதான விஷயம். இதை குறிப்பதற்காகதான் ‘பொன் கிடைத்தாலும் புதன் கிடைக்காது’ என்கின்றனர்.

கல்லை கண்டால் நாயை காணோம்நாயை கண்டால் கல்லை காணோம் ஒரு சிற்பியின் சிலை வடிக்கும் திறமையை குறிப்பிடுவதற்காகவே, இவ்வாறு சொல்லப்படுகிறது. அதாவது ஒரு சிற்பி, நாய் சிலை வடித்தால் அதை நாயாகவே நினைத்து பார்க்கும்போது அதில் இருக்கும் கல், நம் கண்களுக்கு தெரியாது. ஆனால் நாம் ரசனையில்லாமல் அதை வெறும் கல்லாக மட்டும் பார்த்தால், அந்த சிற்பி வடித்த நாய் சிலை தெரியாது. இதைதான் நாம் ‘கல்லை கண்டால் நாயை காணோம், நாயை கண்டால் கல்லை காணோம்’ என்கிறோம்.

அடி உதவுவது போல அண்ணன் தம்பி உதவ மாட்டார்கள்
ராமாயணத்தில் ராமன் 14 ஆண்டுகள் வனவாசம் செல்ல நேர்ந்தது. அப்போது, அவனது இளைய தம்பியான பரதனிடம் ஆட்சி பொறுப்புகள் ஒப்படைக்கப்பட்டன. ஆனால், பரதன் அதை விரும்பவில்லை. தன் அண்ணன் ராமனிடம் ஆட்சியை கொடுக்க விரும்பினான்.ஆனால், ராமன் தனது பாதுகைகளை விட்டுவிட்டு வனவாசம் சென்றான். தன் அண்ணன் மீது கொண்ட மரியாதை காரணமாக, பரதன் அந்த அடிகளையே(செருப்பு) வைத்து வணங்கி ஆட்சி நடத்தினான். எனவே, மக்கள் குறைகளை பாதுகைகளிடம் சொன்னாலே நிறைவேறிவிடும் என்பதை குறிக்கவே, ‘அடி உதவுவது போல அண்ணன், தம்பி உதவ மாட்டார்கள்’ என்றனர்.

பந்திக்கு முந்து படைக்கு பிந்து!
இதன் பொருள், பொதுவாக நாம் சாப்பிடுவதற்கு கைகளை உட்கார்ந்திருக்கும் பகுதிக்கு முன்புறமாக பயன்படுத்துகிறோம். ஆனால், படை பரிவாரங்களோடு வில் மற்றும் அம்புகளை வைத்து போரிடும்போது, வில்லினை இழுப்பதற்கு நமது கைகளை உடலுக்கு பின்புறமாக பயன்படுத்துக்கிறோம். இதை குறிப்பிடுவதற்காகதான் ‘பந்திக்கு முந்து, படைக்கு பிந்து’ என்று சொன்னார்கள்.

கழுதைக்கு தெரியுமா கற்பூர வாசனை?
கழு என்பது ஒருவகை கோரைப்புல். அதை வைத்து பாய் தைக்கலாம். அந்த பாயில் படுத்து உறங்கும் போது, அதில் இருந்து கற்பூர வாசனை வரும். பாயின் அருகில் தேள், பூரான் போன்ற விஷ ஜந்துக்கள் நெருங்காது. பாயில் படுத்து உறங்கினால் உடல் ஆரோக்கியமாக இருக்கும். நிம்மதியான துாக்கமும் வரும். இதைதான் ‘கழுதைக்கு தெரியுமா கற்பூர வாசனை’ என்று கூறினர். நாம் தவறாக புரிந்துகொண்டு பயன்படுத்துக்கிற வாக்கியங்களை, அதன் பொருள் தெரிந்து சரியான முறையில் பயன்படுத்தினால், நமது வாழ்க்கை அழகாகவும், அர்த்தமுள்ளதாகவும் மாறிவிடும் என்பதில் சந்தேகமில்லை!

0 522

சமீபத்தில் அறிமுகம் செய்யப்பட்ட ரிலையன்ஸ் நிறுவனத்தின் ஜியோ சிம்-ஐ வாங்க சென்னை உள்பட இந்தியாவின் பெரும்பாலான நகரங்களில் மக்கள் ஆர்வம் காட்டினர். டிசம்பர் 31வரை அழைப்புகள் மற்றும் 4ஜி இண்டர்நெட் இலவசம் என்பதால் மணிக்கணக்கில் காத்திருந்து ஜியோ சிம்-ஐ பலர் வாங்கினர்.

இந்நிலையில் ரிலையன்ஸ் ஜியோ நிறுவனம் கொல்கத்தாவை சேர்ந்த ஜியோ சிம் வாடிக்கையாளர் ஒருவருக்கு ரூ.27718க்கு பில் அனுப்பியுள்ளதாக வாட்ஸ் அப் உள்ளிட்ட சமூக வலைத்தளங்களில் ஒரு செய்தி பரவி வருகிறது. இதனால் ஜியோ உபயோகிப்பாளர்கள் அதிர்ச்சி அடைந்துள்ளனர். தங்களுக்கும் பில் வருமோ என்ற அச்சத்தில் உள்ளனர்.

இந்நிலையில் ரிலையன்ஸ் நிறுவனம் இந்த செய்தியை மறுத்துள்ளது. முழுக்க முழுக்க இது வதந்தி என்றும் தாங்கள் பேப்பர் பில்கள் அனுப்புவதில்லை என்றும் முழுக்க முழுக்க டிஜிட்டல் பில்களை மட்டுமே அனுப்பி வருவதாகவும் கூறியுள்ளது. அந்த போலி பில்லில் குறிப்பிட்டபடி ‘ரிலையன்ஸ் வெல்கம் பிளான்’ என்பதே கிடையாது என்றும் விளக்கம் அளித்துள்ளது.

Post expires at 2:23pm on Friday December 23rd, 2016

0 1389
மாதா மாதம் ..பேக்கேஜ் டூர்..! வாடிக்கையாளர்களை கவர… ரெடி மேட் மனைவி..!

இப்பொது சென்னை பெங்களூர், போன்ற நகரங்களில் மாதம் ஒரு முறை பேக்கேஜ் டூர் என்று ஒரு விஷயம் நடக்கிறது. பத்து நாள் டூர். புனித தலங்கள். உல்லாச பயணங்கள், ஆக்ரா போன்ற வரலாற்று இடங்கள் என்று அழைத்துப் போவார்கள்.

இதில் குடும்ப சகிதமாக டூர் போகிறவர்கள் உண்டு. ஆண்கள் மட்டுமே போகும் டூர்களும் உண்டு. இந்த ஆண் வாடிக்கையாளர்களைக் கவர்ந்திழுக்கும் வகையில் கம்பெனிக்கு பெண்களை அழைத்துப் போகும் வசதிகளை பெங்களூர் நகரத்தில் சில ஏஜென்சிகள் வசதி பண்ணிக்  கொடுக்கின்றன.

அனைவரும் இந்த வசதிகளைப் பெற முடியாது. தெரிந்தவர்கள், நன்கு பழக்கமானவர்கள் மூலம் தான் லிங்க் கிடைக்குமாம்.

அதற்கும் கோட் வேர்ட் உண்டு ஒருவாரம் கம்பெனி கொடுக்க தனி ரேட் அதற்கும் ரெகுலர் கஸ்டமர்களுக்கு சலுகை விலை உண்டாம்.

ஜாலியாக பொழுது ஒருவாரம் பொழுதைப் போக்கி விட்டு நல்ல பிள்ளையாக ஊர் திரும்பி விடுவார்கள்.

அடக் கொடுமையே..!!

0 366
தங்க சிலையாக மாறிய மம்மி… சீனாவில் ஒரு அதிசயம்..!!

சீனாவில் புத்த துறவியின் சடலத்தை பதப்படுத்தி பின்னர் அதை தங்க முலாம் பூசி சிலையாக மாற்றி அங்கு உள்ள கோவிலில் வைத்துள்ளனர்.

சீனாவின் குஹான்சூ நகரில் Chongfu Temple என்ற ஆலயம் அமைந்துள்ளது. அங்கு Fu Hou என்ற புத்த மத துறவி தன்னுடைய இறுதிகாலமான 94 வயது வரை சேவை மனப்பான்மையுடன் பணியாற்றி, கடந்த 2012 ஆம் ஆண்டில் காலமானார்.

அவர் புத்த மதத்துக்கு ஆற்றிய சேவையை கெளரவிக்கும் விதமாக ஒரு மிகப்பெரிய விஷயத்தை செய்ய கோவில் நிர்வாகம் முடிவெடுத்தது. அதன்படி அவர் இறந்து நான்கு ஆண்டுகள் கழிந்த நிலையில் தற்போது அவரின் சடலத்தை எடுத்து ஸ்பெஷலிஸ்ட்கள் மூலம் சடலத்தை பதப்படுத்தினர்.

பின்னர் அதை பெரிய ஜாடியில் உட்காரும் நிலையில் வைத்து மூடிவைத்தனர். பிறகு அதை தங்க முலாம் பூசி , ஒரு தங்க சிலையாக சீன வாசிகள் வடிவமைத்துள்ளனர். அதை தற்போது Chongfu Temple என்ற ஆலயத்தில் வைத்துள்ளனர்.

0 109
மாரத்தான் பந்தயத்தில் புதிய சாதனைப் படைத்த 85 வயது கனடா தாத்தா

கனடா நாட்டின் ஸ்காட்டியாபேங்க் டொரான்டோ வாட்டர்பிரண்ட் மாரத்தான் போட்டி நடைபெற்றது. இதில் 85 முதல் 90 வயதிற்கு இடைப்பட்டோருக்கான பிரிவில் ஒன்டாரியோ மாகாணம் மில்டனைச் சேர்ந்த 85 வயதான எட் ஒயிட்லாக் கலந்து கொண்டார்.


அவர் 25 கிலோ மீட்டர் தூரத்தை 3 மணி நேரம் 56 நிமிடம் 33 வினாடிகளில் கடந்து உலகச் சாதனைப் படைத்தார். இதற்கு முன் இதே பிரிவில் 4 மணி நேரம் 34 நிமிடம் 55 வினாடிகளில் கடந்ததே உலகச் சாதனையாக இருந்தது.

இவர் ஏற்கனவே கடந்த 2003-ம் ஆண்டு தனது 72 வயதில் 2 மணி 59 நிமிடம் 10 வினாடிகளில் பந்தய தூரத்தைக் கடந்து உலக சாதனைப் படைத்துள்ளார். அத்துடன் 36 உலகச் சாதனைகளுக்கு சொந்தக்காரராக உள்ளார்.

30 வருடமாக வைத்திருக்கும் பனியனுடனும், 15 வருட பழமையான ஷூவுடனும் ஓடிய எட் வைட்லாக் ‘‘அவற்றுக்கு நல்ல வயதாகிவிட்டது’’ என்று நகைச்சுவையாக கூறினார்.

முழங்காலில் ஏற்பட்ட காயம் காரணமாக எட் வைட்லாக் கடந்த வருடம் நடைபெற்ற மாரத்தானில் கலந்து கொள்வில்லை.

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி.

 

0 302
14 வருடமாக குழந்தையாகவே வாழ்ந்து வரும் 30 வயது இளைஞர்! நாப்கின் பயன்படுத்துகிறார்!

ABDL எனப்படும் Adult Baby Diaper Lovers என்ற சிந்தனை கொண்டவர்கள் மேற்கத்திய நாடுகளில் இருந்து வருகின்றனர்.

இவர்கள் வயது வந்தாலும், குழந்தை பருவத்தில் இருப்பதையே விரும்புபவர்கள். குழந்தைகளை போன்று உணவு உண்பது, பால் குடிப்பது, நாப்பீஸ் எனப்படும் நாப்கின்கள் பயன்படுத்துவது ஆகிய செயல்களில் ஈடுபடுவர்.

இது ஒரு மனநோயோ அல்லது பிற்போக்குத் தனமோ அல்ல என அவர்கள் கூறுகின்றனர். இப்படி வாழ்பவர்களில் ஒருவர் ஜான் மைக்கேல் வில்லியம்.

இவருக்கு வயது இப்போது 30. ஆனால் கடந்த 14 வருடங்களாக நேப்பிஸ் எனப்படும் குழந்தைகள் அணியும் பஞ்சு ஜட்டி மட்டுமே அணிந்து வருகிறார்.

குழந்தைகள் விளையாட்டு பொருட்களை வைத்து விளையாடி வருகிறார். இந்த சிந்தனை கொண்டவர்களுக்காக ஒரு விற்பனைக் கூடத்தை திறந்து அங்கு குழந்தைகளின் விளையாட்டு பொருட்களை விற்பனை செய்து வருகிறார் ஜான்.  இந்த விற்பனை கூடம் அமெரிக்காவின் சிகாகோவில் இருக்கிறது.

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி

0 114
இந்தியர்களை குறிவைக்கும்’ - அமெரிக்க அதிபர் வேட்பாளர்!
அமெரிக்காவில் நவம்பர் 8 ஆம் தேதி அதிபர் தேர்தல் நடக்க இருக்கிறது.
 
இதில், ஜனநாயக கட்சியின் சார்பில் ஹிலாரி கிளிண்டனும், குடியரசு கட்சியின் சார்பில் டொனால்டு டிரம்பும் அதிபர் வேட்பாளராக களத்தில் பிரச்சாரம் செய்து வருகிறார்கள். 
 
இந்நிலையில்,  நியூஜெர்சியில் குடியரசு கட்சியை சேர்ந்த இந்து அமைப்பினர் ஏற்பாடு செய்திருந்த நிகழ்ச்சி ஒன்றில் டிரம்ப் பேசியதாவது, “அமெரிக்காவிற்கு இந்தியா முக்கிய நட்பு நாடாக உள்ளது,  நான் அமெரிக்க அதிபராக தேர்வு செய்யப்பட்டால், இந்தியாவுடனான அமெரிக்காவின் உறவு மேலும் சிறப்பானதாக இருக்கும். இந்திய பிரதமர் மோடியுடன் இணைந்து செயல்பட நான் ஆர்வமாக இருக்கிறேன். 
 
நான் இந்துக்கள் மற்றும் இந்தியாவின் மிகச்சிறந்த ரசிகன். நான் அதிபராக தேர்வு செய்யப்பட்டால் வெள்ளை மாளிகையானது, இந்துக்கள் மற்றும் இந்தியாவுடன் நெருங்கிய உறவை மேலும் வலுப்படுத்தும்.” என்றார்

0 223
அழுக்கு வாரியார் சொன்ன காரணம்

அழுக்கு வாரியார் சொன்ன காரணம்

ஒருமுறை வாரியார் அவர்கள் பிரசங்கம் செய்து கொண்டிருந்தார். முன்னால் உட்கார்ந்து கேட்டுக் கொண்டிருந்த ஒருவர் அடிக்கடி வளைந்து நெளிந்து தன் முதுகை சொறிந்து கொண்டிருந்தார். அதை கவனித்து விட்ட வாரியார் அந்த மனிதரை நோக்கி , “வீட்டில் சண்டையா ? மனைவியோடு தகராறா ?” என்று கேட்டார். அந்த மனிதருக்கு தர்ம சங்கடமாக இருந்தாலும் உண்மையை மறைக்காமல் ” ஆமாம் ” என்று ஒத்துக் கொண்டார். ஆனாலும் அவருக்கு ஆச்சரியம்… வாரியார் சுவாமிகள் எப்படி அதை கண்டு பிடித்தார் ? என்று.

வாரியாரே அந்த சந்தேகத்தை தீர்த்தும் வைத்தார். ” ஒரு குடும்பத்தில் கணவன் மனைவி ஒற்றுமையா இருந்தா கணவன் ஆரோக்கியமா இருப்பான். காலையில் கணவன் குளிக்கும் போது மனைவி முதுகு தேய்த்து விடுவாள். அதனால் முதுகு அரிக்காது. பொது இடங்களில் இப்படி முதுகை சொறிய வேண்டிய அவசியமும் வராது” என்றார். அரங்கத்தில் சிரிப்பொலி எழுந்தது. இப்படி சின்ன சின்ன விசயங்களையும் நுணுக்கமாக கவனித்து தன் நகைச்சுவை பேச்சால் மக்களைக் கவர்ந்தவர் கிருபானந்த வாரியார்

0 273
சில உளவியல் உண்மைகள்
 சில உளவியல் உண்மைகள்

நீங்கள் என்ன தான் பெரும் விலையில் செம்மையான வண்டியை வாங்கி வைத்திருந்தாலும், மலைமேல் ஓட்டும் போதும், மிக குளிர்ந்த நிலை ஏற்படும் போதோ வண்டி கொஞ்சம் மக்கர் செய்யும். அப்படி தான் நமது உடலும், நாம் அவ்வளவு ஆரோக்கியமாக இருந்தாலும், சிறந்த உணவுகள் உண்டு, உடற்பயிற்சியில் ஈடுபட்டு வந்தாலும், திடீரென சில தாக்கங்கள் உண்டாக தான் செய்யும். இவ்வுலகில் எது அதிசயம் என்று கேட்டால் நமது உடல் தான். எப்படி உருவாகி, காலப்போக்கில் பலவாறு மருவி இப்போது ஒரு மாதிரியான தோற்றத்தில் உலாவி வருகிறோம். காலப்போக்கில் நமது உருவம், குணாதிசயங்கள் எப்படி மாறும் என்பதையும் கணிக்க முடியாது. இனி, நம் உடலில் நடக்கும் அதிசயங்கள் பற்றி இதுவரை நாம் அறியாத சில உண்மைகள்…

அதிகாலை!

3 மணியிலிருந்து 4 மணிவரையில் தான் நமது உடல் மிகவும் வீக்காக இருக்கிறது. இந்த நேரத்தில் தான் நிறைய பேர் இறக்கின்றனர்.

இரவு!

இரவு நேரத்தில் தான் மக்கள் பெரிதும் சோகமான விஷயங்களை விவரித்து உரையாடுகிறார்கள். அது பேசுவதாக இருப்பினும் சரி, குறுஞ்செய்தியாக இருந்தாலும் சரி.

 

உறக்கத்தில் விழுவது!

சில நேரம் உறங்கிக் கொண்டிருப்போம், உறக்கத்தில் இருந்து திடீரென எங்கோ மாடியில் இருந்து விழுவது போன்ற உணர்வு உண்டாகும். இதை ஹைப்நிக் ஜர்க் என்கின்றனர்.

இசை!

வார்த்தை அல்லது சொற்கள், குரல் இல்லாத வெறும் இசையை மட்டும் கேட்டுக் கொண்டு நீங்கள் ஏதனும் செயலில் ஈடுபட்டால், அதிக கவனத்துடன், வேலை செய்ய முடியும்.

காதல்!

ஆண்களுக்கு ஒரு பெண் மீது காதல் கொள்ள மூன்று நாட்கள் போதும், ஆனால் பெண்களுக்கு 14 நாட்கள் வரை எடுத்துக் கொள்ளும்.

சமூகத்தள பதிவுகள்!

சில போதை பொருட்கள் தன்மை அளவிற்கு ஈடாக, ஃபேஸ்புக், ட்விட்டர் போன்ற தளங்களில் உங்களை பற்றி நீங்கள் பதிவு இடுவது, உங்கள் மூளையை ஆக்டிவேட் செய்கிறது.

மொக்கையான கையெழுத்து!

புத்தி கூர்மை அதிகம் இருப்பவர்கள் வேகமாக சிந்திப்பார்கள், இந்த காரணத்தால் தான் அவர்களது கையெழுத்து மோசமாக இருக்கிறது. எவ்வளவு வேகமாக அவர்கள் சிந்திக்கின்றனரோ, அவ்வளவு மோசமாக அவர்களது கையெழுத்து இருக்கும்.

சிறந்த நபர்!

இந்த வாக்கியத்தை நீங்கள் படித்து முடிக்கும் போது யார் உங்கள்  நினைவுக்கு வருகிறாரோ, அவர் தான் உங்கள் வாழ்க்கையின் முக்கியமான நபர்.

மரணம்!

நீங்கள் இறக்கும் அதே நாளில் 1,59,635 பேர் இறப்பார்கள் என்பது உங்களுக்கு தெரியுமா?

7 வருடம்!

ஒரு நபருடனான நட்பு 7 வருடத்தை தாண்டிவிட்டால், அது வாழ்நாள் முழுக்க நீடித்து இருக்கும்.

காதல் கண்கள்! உங்கள் காதல் துணையுடன் நீங்கள் நேரடியாக கண்ணோடு கண் தொடர்பு கொண்டிருக்கும் போது, இருவரின் இதயத்துடிப்பும் ஒரே மாதிரி இருக்கும்.

ஐ. லவ் யூ!

அதிக நாட்களாக காதலித்து வரும் ஜோடிகள்,, அதிகம் ஐ லவ் யூ சொல்லிக்கொள்ள மாட்டார்கள்.

SOCIAL

LATEST REVIEWS

0 503
மேஷம் புதிய பாதையில் பயணிக்கத் தொடங்குவீர்கள். பெற்றோரின் ஒத்துழைப்பு அதிகரிக்கும். பிரியமானவர்களுக்காக சிலவற்றை விட்டுக் கொடுப்பீர்கள். கல்யாண முயற்சிகள் பலிதமாகும். வியாபாரத்தில் வி.ஐ.பிகள் வாடிக்கையாளர்களாவார்கள். உத்யோகத்தில் உங்கள் கை ஓங்கும். அதிஷ்ட எண்: 9...