Timber by EMSIEN-3 LTD
சினிமா

0 43
ஒரே நாளில் ரூ.125 கோடி வசூல்

உலகம் முழுவதும் நேற்று வெளியான ‘பாகுபலி-2’, ஒரே நாளில் 125 கோடி ரூபாய்க்கு மேல் வசூல் செய்து சாதனை புரிந்துள்ளது.

எஸ்.எஸ். ராஜமெளலி இயக்கத்தில், பிரபாஸ், ராணா டகுபதி, அனுஷ்கா, தமன்னா, ரம்யா கிருஷ்ணன், சத்யராஜ், நாசர் நடித்துள்ள படம் ‘பாகுபலி-2. 2015ஆம் ஆண்டு வெளியான ‘பாகுபலி’யின் முந்தைய கதையாக இந்தப் படம் உருவாகியுள்ளது. பல்வேறு இந்திய மொழிகளில், 6000 திரையரங்குகளில் நேற்று வெளியானது.

இந்தப் படம், முதல் நாளில் மட்டுமே 125 கோடி ரூபாய் வசூல் செய்துள்ளதாக கூறப்படுகிறது. இந்தியாவில் இதுவரை எந்தப் படமும் இந்த அளவுக்கு வசூல் செய்ததில்லை என்கிறார்கள். அத்துடன், இத்தனை தியேட்டர்களிலும் ரிலீஸ் ஆனதில்லை என்றும் கூறுகின்றனர். முதன்முறையாக இந்த அளவுக்கு வசூல் செய்து சாதனை படைத்துள்ளது ‘பாகுபலி-2’. உலக அளவிலான வசூலையும் சேர்த்தால் 150 கோடி ரூபாயைத் தாண்டுமாம்.

 

Post expires at 9:04am on Monday May 29th, 2017

0 142
பாகுபலி 2 கதை விமர்சனம்
பாகுபலி 2 கதை விமர்சனம்
போரில் காலகேயனை கொன்றுவிட்டு, பிரபாஸை மகிழ்மதி அரசாங்கத்தின் அரசனாகவும், ராணாவை படைத் தளபதியாகவும் ராஜமாதாவான ரம்யாகிருஷ்ணன் பிரகடனம் செய்கிறார். அதன்பிறகு, பிரபாஸுக்கு அரசனாக முடிசூட்ட பட்டாபிஷேகம் செய்ய நாட்கள் குறிக்கிறார்கள். இதற்கிடையே, அரசனாக இல்லாமல் மக்களோடு மக்களாக கலந்து அவர்களின் பிரச்சினைகளை அறிந்துகொள்வதற்காக பிரபாஸை பல்வேறு தேசங்களுக்கு ரம்யா கிருஷ்ணன் அனுப்பி வைக்கிறார். கூடவே கட்டப்பா சத்யராஜும் செல்கிறார்.

Post expires at 3:15am on Monday May 29th, 2017

0 297
வேண்டாம் ப்ளீஸ்... இதை பற்றி பேச வேண்டாமே... கோபப்பட்ட டி.டி

வேண்டாம் ப்ளீஸ்… இதை பற்றி பேச வேண்டாமே என்று எப்போதும் சிரிப்புடன் பதில் அளிக்கும் டி.டி. கோபத்துடன் தெரிவித்துள்ளார். எதற்காக தெரியுங்களா?

டிடி சின்னத்திரையிலிருந்து தற்போது வெள்ளித்திரை வந்து கலக்க ஆரம்பித்துவிட்டார். இந்நிலையில் பவர் பாண்டி படத்தில் இவர் பெயருக்கு முன்னால் செல்வி என்று குறிப்பிட்டு இருந்தனர்.

இதுகுறித்து ஒரு முன்னணி ஆங்கில நாளிதழ் டி.டியிடம் கேட்க… அதற்கு டென்ஷன் ஆகியுள்ளார். கொஞ்சம் கோபமாக ‘வேண்டாம் ப்ளீஸ்… இதைப் பற்றி பேச வேண்டாமே’ என்று பதில் அளித்துள்ளார்.
வெளியே கூட சொல்ல முடியாத அளவிற்கு டி.டி. வாழ்விலும் சோகமா?

Post expires at 8:09am on Tuesday May 23rd, 2017

0 59
ஜனாதிபதியாகும் ரஜினிகாந்த்..? ரசிகர்கள் உற்சாகம்...!

ஆஹா! இப்படி ஒரு விஷயம் நடந்தால் சூப்பருங்கோ… சூப்பரு என்று கோலிவுட் கோகிலாக்கா சந்தோஷத்தில் ஒரு செய்தியை சொல்லியிருக்காங்க… என்ன தெரியுங்களா?

சினிமான்னாலும் சரி… அரசியல்ன்னாலும் சரி அங்கு சூப்பர் ஸ்டார் ரஜினிகாந்த் சுற்றி சுழற்றி எடுக்கும் செய்திகள் இருந்துக்கிட்டே இருக்கும். அதுபோல்தான் தற்போதும் ஒரு செய்தி செம உலா வருதுங்க…

மத்திய அரசு ரஜினியை தங்கள் கட்சிக்கு இழுக்கும் செயலை தொடர்ந்து செய்துக்கிட்டே இருக்கு. ஆனாலும் விடாப்பிடியாக அரசியலில் குதிக்காம டிமிக்கி கொடுத்துக்கிட்டே இருக்கார் ரஜினி.

இந்நிலையில் தற்போது மத்தியில் ஆளும் கட்சி சார்பில் ரஜினியை ஜனாதிபதி பதவிக்கு நிறுத்தவுள்ளதாக வரும் செய்திதான் தற்போதைய பரபரப்புக்கு காரணமாக உள்ளது. இது எந்த அளவிற்கு உண்மை என்று தெரியவில்லை, ஆனால் சமூக வலைதளங்கள், ஊடகங்கள் என்று அனைத்திலும் இந்த செய்தி செமத்தியாக வைரலாகிக்கிட்டு இருக்கு.

Post expires at 8:06am on Tuesday May 23rd, 2017

0 98
மன்னிப்பு கேட்பாரா ஏ.ஆர். முருகதாஸ்?

இயக்குநர் பிரியதர்ஷனிடம் உதவியாளராக இருந்தவர் பிரவீன்காந்த். அவர் ‘ரட்சகன்’ படத்தை எடுத்தபோது, அவரிடம் உதவியாளராகப் பணியாற்றியவர் ஏ.ஆர்.முருகதாஸ்.
சமீபத்தில், தேசிய விருது கமிட்டி குறித்து விமர்சனம் செய்திருந்தார் ஏ.ஆர்.முருகதாஸ். இந்நிலையில், முருகதாஸைத் திட்டி ஆடியோ பதிவொன்றை வெளியிட்டுள்ளார் பிரவீன்காந்த்.

“என் உதவியாளரான எஸ்.ஜே.சூர்யா மூலம் அஜீத்திடம் கதை சொன்னீர்கள். நான் இயக்குவதாக இருந்த படத்தை, சில சூழ்ச்சிகளால் கைப்பற்றினீர்கள். என் உதவியாளர்தானே இயக்குகிறார் என்ற பெருந்தன்மையோடு விட்டுக் கொடுத்தேன். அந்த பெருந்தன்மை, என் குரு ப்ரியதர்ஷன் எனக்கு கற்றுக் கொடுத்தது.

‘தீனா’ படத்தில் அஜீத்துக்கு ‘தல’ என்று பட்டம் கொடுத்தீர்களே. அது என்னுடைய உதவியாளரான மோகன் சொன்ன விஷயம். ஆனால், அதற்கான பெயரை நீங்கள்தான் அனுபவிக்கிறீர்கள். நீங்கள் எடுத்த ‘ரமணா’, ‘கஜினி’, ‘கத்தி’ படங்கள் முதற்கொண்டு யாருடைய கதை என ஊருக்கே தெரியும். அப்படிப்பட்ட நீங்கள், ப்ரியதர்ஷனை விமர்சிப்பது எந்த வகையில் நியாயம்? உடனடியாக அவரிடம் மன்னிப்பு கேளுங்கள்” என்று அந்த ஆடியோவில் கூறப்பட்டுள்ளது. கேட்பாரா ஏ.ஆர்.முருகதாஸ்?

 

Post expires at 8:03am on Tuesday May 23rd, 2017

0 146
சிக்கலில் மாட்டி தவிக்கும் சமந்தா: கைகொடுப்பாரா காதலர்?

சமந்தா சிவகார்த்திகேயன் படம் ஜனவரி மாதிலேயே துவங்கி இருக்க வேண்டும். ஆனால் வேலைக்காரன் பட தாமதத்தால் இதுவும் தள்ளிப்போனது.

தற்போது அந்த படத்தை மே மாதம் துவங்கலாம் என்று திட்டமிடுகிறார்கள். ஆனால் மே மாதம் சமந்தா கால்ஷீட் கிடைப்பது கஷ்டம்.

ஏனெனில் சாவித்திரியின் வாழ்க்கை வரலாற்று படம், விஷாலின் இரும்புத்திரை படங்களிலும் நடித்து வருகிறார் சமந்தா. இதில் இரும்புத்திரை படத்துக்கும் மே மாதத்தில் தான் கால்ஷீட் கொடுத்திருக்கிறார்.

இது தவிர இரண்டு தெலுங்கு படங்கள் வேறு இருக்கின்றன. ஒரே நேரத்தில் எல்லோரும் கால்ஷீட் கேட்பதால் கால்ஷீட் சிக்கலில் மாட்டிக்கொண்டு தவிக்கிறார் சமந்தா.

இதி ஒரு பக்கம் இருக்க சமந்தாவின் திருமணம் தள்ளி வைக்கப்பட்டுள்ளது. படங்களில் கமிட் ஆனதால் திருமணத்தை தள்ளி வைத்திருக்கிறாராம் சமந்தா. நாக சைதன்யாவும் இதற்கு சம்மதம் தெரிவித்துள்ளார் என தெரிகிறது.

இருப்பினும் அகில் திருமணம் நின்றுபோனதால், நாக சைதன்யாவின் திருமணத்திலும் ஏதேனும் சிக்கல் வந்துவிட கூடாது என்ற அச்சத்தில் இருவீட்டாரும் உள்ளதாக செய்திகள் வந்துள்ளன.

Post expires at 2:38am on Tuesday May 23rd, 2017

0 140
காலில் விழும் ரசிகன்!.. சிலையாக நிற்கும் சூப்பர்ஸ்டார்...

சினிமா பிரபலங்களுக்கு என்று தனி ரசிகர் பட்டாளமே இருக்கிறது. அதற்காக ரசிகர்கள் எவ்வாறு இருக்க வேண்டும் என்ற ஒரு வரைமுறை இருக்கிறது. தனது சுயமரியாதையும் கொடுக்க வேண்டும் என்றில்லையே….

சூப்பர் ரஜினிகாந்த் என்றாலே தம்மாத்துண்டு குட்டீஸ் கூட மயங்கி விடுகிறார்கள். அந்த அளவிற்கு ரசிகர் பட்டாளத்தை வைத்திருப்பவர் சூப்பர்ஸ்டார்.

அதற்காக அவரது புகைப்படம் எடுக்க வேண்டும் என்பதற்காக வரிசையிலும், அவரது காலில் விழுந்து அடிமையாக மாறிதான் எடுக்க வேண்டுமா தமிழ் மக்களே!… கொந்தளிக்க வைக்கும் காட்சி இதோ!…

Post expires at 2:17pm on Monday May 22nd, 2017

0 485
டிடி-க்கு விவாகரத்து ஆகிவிட்டதா?: குடும்ப வாழ்கையில் பிரச்சனை; சீறும் திவ்யதர்ஷினி!
விஜய் டிவி புகழ், தொலைக்காட்சி நடிகை டிடி என்னும் திவ்யதர்ஷினிக்கும் அவரது கணவருக்கும் இடையே கருத்து வேறுபாடு நிலவி வருவதாகவும், இருவரும் விவாகரத்து செய்துவிட்டனர் எனவும் சின்னத்திரை வட்டாரத்தில் பரபரப்பாக பேசப்பட்டு வருகிறது.
கடந்த 2014-ஆம் அண்டு ஜூன் 29-ஆம் தேதி நடிகை டிடி தனது நண்பர் ஸ்ரீகாந்த் ரவிச்சந்திரன் என்பவரை திருமணம் செய்துகொண்டார். இதனையடுத்து இருவருக்கும் இடையே கருத்து வேறுபாடுகள் ஏற்பட்டு பிரிந்து விட்டதாக தகவல்கள் வந்தது.
இந்நிலையில் தனுஷ் இயக்கத்தில் ப.பாண்டி படித்தில் நடித்த டிடியை டைட்டில் கார்டில் செல்வி டிடி என குறிப்பிட்டுள்ளனர். இது சந்தேகத்தை மேலும் வலுவாக்கியது. தற்போது இந்த கேள்வியை ஒரு முன்னணி ஆங்கில நாளிதழ் கேட்டுள்ளது. இதற்கு பதில் அளித்த டிடி சற்று கோபமாக வேண்டாம் பிளீஸ், இதை பற்றி பேச வேண்டாமே என கூறியுள்ளார்.
இதனால் டிடி தனது கணவரை விவாகரத்து செய்துவிட்டாரா என்ற சந்தேகம் வலுபெற்றாலும், இருவரது குடும்ப வாழ்வில் பிரச்சனை இருக்கிறது என்பது உறுதியாகியுள்ளதாக சின்னத்திரை வட்டாரத்தில் பரபரப்பாக பேசப்படுகிறது.

Post expires at 1:38pm on Monday May 22nd, 2017

0 113
கடம்பன் - கதை விமர்சனம்
காட்டில் வசிக்கும் பழங்குடியின மக்கள் எப்படி அந்த வனத்தின் பாதுகாவலர்களாக இருக்கிறார்கள் என்பதை சொல்ல வருகிறது கடம்பன்.
மேற்குத் தொடர்ச்சி மலையில் உள்ள கடம்பவனம் பகுதியில் நாயகன் கடம்பன் (ஆர்யா) தன் கூட்டத்துடன் வசித்து வருகிறான். அந்த மலைப் பகுதியில் உள்ள சுண்ணாம்புக் கற்களுக்காக இவர்களைக் காலி செய்ய விரும்புகிறது ஒரு சிமெண்ட் நிறுவனம். அதைத் தடுக்கும் முயற்சியில் பல உயிர்களை இழந்தாலும், கடைசியில் காட்டைக் காப்பாற்றுகிறார்கள் நாயகனும் அவரது கூட்டத்தினரும்.
இந்தப் படத்திற்காக பல மாதப் பயிற்சியின் மூலம் உடலை மெருகேற்றியிருக்கும் ஆர்யாவுக்கு காதல் காட்சிகளில் ரொமான்ஸ் வரவில்லை என்றாலும் மலை உச்சியிலிருந்து குதிப்பது, வேரைப் பிடித்துத் தொங்குவது, ஓடுவது என படம் முழுக்க வரும் சர்க்கஸ் காட்சிகளில் ரசிக்க வைக்கிறார். கேத்தரின் தெரசா, சிறப்பாகவே நடிக்க முயற்சி செய்திருந்தாலும் மலை கிராமத்தில் வசிக்கும் பெண் பாத்திரத்திற்கு சுத்தமாகப் பொருந்தவில்லை. ஆடுகளம் முருகதாஸின் காமெடி, பல சமயங்களில் சிரிப்புக்கு பதிலாக எரிச்சலையே மூட்டுகிறது. ரேஞ்சராக நடித்திருப்பவர் படத்தில் மலைவாழ் மக்களைக் கொடுமைப்படுத்துவதோடு, வசனங்களில் தமிழையும் கடித்துத் துப்புகிறார்.

இந்தப் படத்தின் முக்கியமான பலம் ஒளிப்பதிவு. தாய்லாந்தின் காடுகள், சண்டைக் காட்சிகள் ஆகியவற்றைக் காட்சிப்படுத்தியிருக்கும் விதம், அட்டகாசம். ஆனால், பல காட்சிகளில் கிராஃபிக்ஸ் கைவிட்டிருப்பதால் சற்று செயற்கையாகத் தென்படுகிறது. யுவன் ஷங்கர் ராஜாவின் பின்னணி இசையும் ஒரே ஒரு பாடலும் ரசிக்கும்படியாக இருக்கின்றன.
இம்மாதிரி இயற்கை வளங்கள் சூறையாடப்படுவதைப் பற்றிய படங்களில் வரும் முக்கியமான பிரச்சனை, மக்கள் எதிர்கொண்டிருக்கும் பல்வேறு பிரச்சனைகளையும் பிரதான கதையோடு முடிச்சுப்போட்டு சொல்ல முயல்வது. கடம்பனில் அந்தத் தொல்லை இல்லை. நேர்கோட்டில் செல்கிறது கதை. படத்தின் முதல் பாதியில், கடம்பவன மக்களுக்கும் காட்டிற்கும் உள்ள பிணைப்பு, அவர்கள் அவ்வப்போது எதிர்கொள்ளும் சிக்கல், நாயகன் – நாயகி காதல் என்று போகிறது படம். ஆனால் இடைவேளைக்குப் பிறகு, சூப்பர் ஹீரோ படமாகிவிடுகிறது.
இருபது பேர் சேர்ந்து நவீன எந்திரத் துப்பாக்கியால் சுட்டுக்கொண்டேயிருக்க ஹீரோ மீது ஒரு குண்டுகூட படாமல் இருப்பது, திருவோட்டுக் காயை கால்பந்தைப் போல உதைத்து லாரிகள், ஜேசிபி எந்திரங்களை உடைப்பது, டயர்களை உருட்டிவிட்டு எதிரிகளை துவம்சம் செய்வது என தொடர்ந்து நம்ப முடியாத காட்சிகள் அணிவகுக்கின்றன.
சுரங்கத் தொழிலுக்காக காடுகள் அழிக்கப்படுவது என்பது தீவிரமான, தற்போதும் தொடர்ந்து கொண்டேயிருக்கும் பிரச்சனை. அரசு, காவல்துறை, கார்ப்பரேட் நிறுவனங்கள் ஒரு புறமும் எளிய வனவாசிகள் மறுபுறமும் இருக்கும் நிலையில், உண்மையிலேயே இந்தப் பிரச்சைனையை எப்படி தீர்க்க முடியும் என விவாதித்திருக்க வேண்டும். எப்படி இந்த விவகாரத்திற்கு எளிய மக்களின் சார்பாக ஒரு தீர்வு இருக்க முடியும் என்று சொல்லியிருக்கலாம். ஆனால், கொடூரமான வில்லன் VS சக்திவாய்ந்த நாயகன் என குறுக்கிவிட்டார் இயக்குனர் என்பதுதான் ஏமாற்றம்.

 

Post expires at 1:33pm on Monday May 22nd, 2017

0 45
திருட்டு விசிடி பற்றி தகவல் தருபவருக்கு ரூபாய் 1 லட்சம் பரிசு: விஷால் அறிவிப்பு!

விளையாட்டு ஆரம்பம் என்ற படத்தை விஜய் ஆர். ஆனந்த், ஏ.ஆர்.சூரியன் இணைந்து இயக்கி வருகின்றனர். அதில் யுவன், ஸ்ராவியா உள்ளிட்டோர் நடித்து வருகின்றனர். இப்படத்தின் இசை வெளியீட்டு விழா சென்னை நடைபெற்றது. விழாவில் ‘விளையாட்டு ஆரம்பம்’ படத்தின் இசை வெளியிடப்பட்டது.

இந்த விழாவில் செய்தியாளர்களிடம் பேசிய நடிகர் விஷால் தமிழ் திரைப்பட தயாரிப்பாளர்கள் சங்கத்தில் முக்கிய முடிவு எடுக்கப்பட்டிருப்பதாக குறிப்பிட்டார். தியேட்டரில் மறைவாக கேமராவை வைத்து, படத்தை படம்பிடிக்க முயன்றால், உடனடியாக துப்பு கொடுக்குமாறு கேட்டுக் கொண்டார். அவ்வாறு தகவல் தெரிவித்து, காவல்துறையிடம் எஃப்ஐஆர் பதிவு செய்ய உதவுபவர்களுக்கு ரூபாய் 1 லட்சம் பரிசாக வழங்கப்படும் என்று தெரிவித்தார். இதனால் மூலம் திருட்டு விசிடி தயாரிப்பு படிப்படியாக கட்டுப்படுத்தப்படும் என்று கூறினார்.

 

Post expires at 9:05am on Monday May 22nd, 2017

SOCIAL

LATEST REVIEWS

0 198
சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும். குளிக்கும் போது, ஆரம்பத்தில் ஒவ்வொருவரும்...