Timber by EMSIEN-3 LTD
அரசியல்

0 373
ஜெ.வின் பிரத்தியோக ஆம்புலன்ஸ் எங்கே போனது?
செப்.22ம் தேதி மறைந்த முதல்வர் ஜெயலலிதா உடல் நலக்குறைவால் அவதிப்பட்ட போது, அவருக்காகவே செயல்பட்ட ஆம்புலன்ஸ் எங்கே போனது என மருத்துவர் அழகு தமிழ் செல்வி என்பவர் கேள்வி எழுப்பியுள்ளார்.
தமிழ் செல்வியின் தாயார் மரணம் அடைந்ததையடுத்து,  ஜெயலலிதாதான் அவரை மருத்துவத்திற்கு படிக்க வைத்தார். இவர் ஜெ. அனுமதிக்கப்பட்ட அப்பல்லோ மருத்துவமனையிலும் பயிற்சி மருத்துவராக பணியாற்றியுள்ளார். ஜெ.வின் மரணத்தில் மர்மம் இருப்பதாக கூறும் இவர், சசிகலாவை எதிராக களம் இறங்கியிருக்கும் ஓ.பன்னீர் செல்வத்திற்கு ஆதரவாக குரல் கொடுத்து வருகிறார்.
இவர் சமீபத்தில் செய்தியாளர்களிடம் பேசிய போது ஜெ.வின் மர்ம மரணம் குறித்து பல வேள்விகளை எழுப்பினர்.
செப்.22ம் தேதி போயஸ் கார்டனில் என்ன நடந்தது? அவரின் உதவியாளர்கள் எங்கே சென்றனர்?  அவருக்கு அளிக்கப்பட்டிருந்த கருப்பு பூனை படை எங்கே போனது? ஜெ. உடல் நலம் பாதிக்கப்பட்ட அழைத்துச் செல்லப்பட்ட போது, போயஸ்கார்டனில் பதிவான சிசிடிவி கேமரா பதிவுகள் எங்கே?. ஜெயலலிதா உடல்நிலை காரணம் கொண்டு, ஒரு ஆம்புலன்ஸ் எப்போதும் போயஸ் கார்டனில் நிறுத்தப்பட்டிருக்கும். அந்த ஆம்புலன்ஸ் எங்கே போனது?.
நோயாளிகளை எவ்வளவு விரைவாக மருத்துவமனைக்கு கொண்டு செல்கிறோமோ, அதுதான் அவர்களின் உயிரை காப்பாற்ற மருத்துவர்களுக்கு உதவும். சாதாரண குடிமகனுக்கு இப்படியெனில், நாட்டின் முதலமச்சராக இருந்த அவரை, ஏன் அப்பல்லோவிலிருந்து ஆம்புலன்ஸை வரவழைத்து, அதன்பின் மருத்துவமனையில் அனுமதித்தனர்?. இதனால் ஏற்பட்ட கால தாமத்தினால்தான் அவருக்கு மூச்சுத்திணறல் ஏற்பட்டு, சுயநினைவை இழக்கும் சூழ்நிலை ஏற்பட்டுள்ளது.
அப்பல்லோ மருத்துவமனையில் அவர் 75 நாட்கள் இருந்துள்ளார். அங்கு தரைதளம் மற்றும் முதல் தளத்தில் இருந்த  சிசிடிவி கேமரா பதிவுகள் என்னவானது? ஜெ. மரணம் அடைந்த பின், அவரை அவசர அவசரமாக அடக்கம் செய்யப்பட்டது ஏன்?.

இது எதற்கும் சசிகலா தரப்பிடமிருந்து எந்த பதிலும் இல்லை. எனவே, சி.பி.ஐ விசாரனை நடத்தினால் மட்டுமே உண்மை வெளியே வரும். ஜெ.விற்கு சிகிச்சை அளித்த சில மருத்துவர்கள் மற்றும் மருத்துவ உதவியாளர்கள் (நர்ஸ்)களை நீக்கிவிட்டனர். இது சந்தேகத்தை ஏற்படுத்தியுள்ளது.
ஜெயலலிதான் என்னை படிக்க வைத்தார். விரைவில் கட்சியில் ஒரு பொறுப்பை உனக்கு அளிக்கிறேன் என என்னிடம் கூறியிருந்தார். அது இல்லையென்றாலும், அவரால் எனக்கு கிடைத்த எம்.பி.பி.எஸ் பட்டமே எனக்கு போதும்.
என்னை ஓ.பி.எஸ் அணியில் ஈடுபடுத்திக் கொண்டுள்ளேன். ஜெ.வின் மரணம் குறித்த மர்மங்களை வெளியே கொண்டு வரும்வரை ஓயமாட்டோம்” என அவர் பேசினார்.

Post expires at 9:45am on Wednesday April 12th, 2017

0 956
ஜெ., உடல் மாறுச்சு.! முகம் கருப்பேறிச்சு..! எங்கக்கிட்ட போட்டோ வீடியோ இருக்கு..! சீனிவாசன்

தமிழகம் முழுவதும் ஜெயலலிதா மருத்துவமனையில் சிகிச்சைப் பெற்றபோது ஏன் படம் எடுக்கவில்லை. ஏன் வீடியோ எடுக்கவில்லை என்று பலர் கேள்விகள் எழுப்பிவந்தனா்.

இது குறித்து நீதிமன்றத்தில் வழக்கும் உள்ளது. அப்போது அங்கு மருத்துவமனை தரப்பில் வீடியோ எடுக்கவில்லை. போட்டோ எடுக்கவில்லை. ஜெயலலிதா எடுக்கவேண்டாம் என்று கூறினார் என்றும் கூறப்பட்டுள்ளது.

இந்த நிலையில் நேற்று திண்டுக்கல்லில் நடந்த ஜெயலலிதா பிறந்த நாள்விழா பொதுக்கூட்டத்தில் வனத்துறை அமைச்சரும் அதிமுகவின் பொருளாளருமான திண்டுக்கல் சீனிவாசன் பேசினார். அப்போது அவா் கூறியதாவது:

நானே 15 நாட்கள் மருத்துவமனையில் இருந்தால் சேவ் செய்யாமல், முடிவளா்ந்து, முடிக்கு மை அடிக்காமல் இருந்தால் யாருப்பா இங்க சீனினு மக்கள் கேட்பாங்க?

மருத்துவமனையில் ஜெயலலிதா உடல் மாறுச்சு. ஊசி, மருந்தால் முகங்கள் கருப்பேறிச்சு. அவங்க இயற்கையிலேயே அழகுதான்.

ஆனா, அவங்க உடல்நிலை பாதிக்கப்பட்ட நிலையில, பெட்லேயே படுத்திருக்கும் போது, எப்படியெல்லாம் முகங்கள் இருக்கும்ங்கிறது நம்ம எல்லாத்துக்கும் தெரியும்.

அப்பவும் கூட போட்டோ எடுத்துப்போடலாம்னு அப்போலா ஆஸ்பத்திரி சேர்மன் மற்றும் எங்களைப் போன்றவர்கள் எல்லாம், ‘‘ அம்மா, நீங்க நலமா இருக்கீங்கங்கிறதை போட்டோ எடுத்து பேப்பர்ல போடலாமா?”னு கேட்டோம்.

அதுக்கு அவங்க, ‘‘ சீனிவாசன், நீங்கள்லாம் இதுக்கு முன்னாடி என்னை எப்படி பார்த்திருக்கீங்க.

இப்ப நான் இருக்கற நிலை என்னா? நான் உடல்நிலை தேறி, குளிச்சி முழுகி, நல்லா டிரஸ் பண்ணிகிட்டு, நானே வந்து வெளிய நிண்ணு எல்லாத்துக்கும் வாழ்த்து சொல்வேன்.

அதுவரைக்கும் பொறுமையாக இருங்க. பெண்கள், அம்மா இப்படி ஆகிட்டாங்களேனு நினைப்பாங்க. அதுனால உடல்தேறி வரட்டும் பார்த்துக்கலாம். அதுவரைக்கும் புகைப்படம் எடுக்காதீங்க‘‘னு சொல்லிட்டாங்க.

அவங்களுக்கு சிகிச்சை செய்யும்போது போட்டோ, வீடியோ எல்லாம் எடுத்து வைச்சிருக்கு. ரொம்ப தேவைப்பட்டா அதைப் போட்டு காட்டுவாங்க. இவ்வாறு அவர் பேசினார்.

முதல் முறையாக ஜெயலலிதா குறித்து புகைப்படம், வீடியோ இருப்பது அமைச்சா் திண்டுக்கல் சீனிவாசன் மூலமாக வெளி உலகிற்கு தெரியவந்துள்ளது. அது தேவைப்படும்போது வெளியில் காட்டப்படும் என்றும் அவரால் கூறப்பட்டது. இது அதிமுகவினரிடையே அதிச்சியை ஏற்படுத்தியுள்ளது.

மாநிலங்களவை அத்துடன் சென்னை உயர்நீதிமன்றத்தில் அப்போலோ மருத்துவமனை சார்பில் ஜெயலலிதா போட்டோ எடுக்க வேண்டாம் என்று கூறியதால் எடுக்கவில்லை என்று கடந்த சில தினங்களுக்கு முன்னர்தான் விளக்கம் அளிக்கப்பட்டிருந்தது.

இந்நிலையில் திண்டுக்கல் சீனிவாசனின் இந்த பேச்சு அப்போலோவுக்கும் அதிர்ச்சியை ஏற்படுத்தியுள்ளது.

Post expires at 2:48pm on Saturday March 25th, 2017

0 291
முதல்வர் ஜெயலலிதாவுக்கு வந்திருக்கும் நோய் இதுதானா?

இன்றோடு ஒரு மாதமாகிறது தமிழக முதல்வர் ஜெயலலிதா அப்போலோ மருத்துவமனையில் அனுமதிக்கப்பட்டு,

1984ல் தமிழக முதல்வர் எம்.ஜி.ஆர் அப்போலோவில் ஒரு மாதம் வரை சிகிச்சைக்காகத் தங்கி இருந்தார். அவருக்கு அடுத்து நீண்ட நாட்கள் மருத்துவமனையில் தங்கி சிகிச்சை பெரும் தமிழக முதல்வர் ஜெயலலிதா தான்.

கடந்த செப் 22ல் அப்போலோவின் விஐபி-க்களுக்கான அறை எண் 2008ல் அவர் அனுமதிக்கப்பட்டார்.

அது தொடங்கி, அவருக்கு காய்ச்சல், நீர்ச்சத்து குறைபாடு, நாட்பட்ட சர்க்கரை வியாதி, நாட்பட்ட மூச்சுக்குழாய் அழற்சி, சுவாசப் பிரச்னை, இதயம் சார்ந்த நோய் என்று பல்வேறு செய்திகளைத் தன் அறிக்கை வழியாகப் பகிர்ந்து வருகின்றது அப்போலோ.

அது தொடர்பான சிகிச்சைகளுக்காக லண்டன், சிங்கப்பூர் மற்றும் டெல்லியிலிருந்து நிபுணத்துவம் பெற்ற பல டாக்டர்கள் வரவழைக்கப்பட்டனர்.

இந்நிலையில், கடந்த அக்டோபர் 10ல் ஜெயலலிதா, நீண்ட நாட்கள் மருத்துவமனையில் சிகிச்சைக்காகத் தங்கியிருக்க வேண்டும் என்ற செய்தியுடன் தனது அறிக்கைப் படலத்தைத் தற்காலிகமாக முடித்துக்கொண்டது அப்போலோ.

நீண்ட நாட்கள் என்பது எத்தனை நாள் என இறுதி செய்யப்படாத நிலையில் முதல்வரது அப்போலோ வாசம் தொடர்ந்துகொண்டிருக்கிறது.

முதல்வருக்கு உடலில் இதுதான் சிக்கல் என்று இன்றளவும் எதுவும் தெளிவுபடுத்தப்படவில்லை.

முதல்வருக்கு நுரையீரல் வீக்கமா?

இந்நிலையில் ஜெயலலிதாவின் உடல்நிலையில் நல்ல முன்னேற்றம் ஏற்பட்டுள்ளது, உட்கார்ந்திருக்கிறார். மயக்க நிலையில் வைத்திருக்க மருந்துகள் எதுவும் தரப்படவில்லை, இது அவரது உடல்நிலையில் ஏற்பட்டுள்ள பெரிய முன்னேற்றம் என்கிற தகவல்களை மருத்துவமனை வட்டாரங்கள் பகிர்ந்துள்ளன.

மேலும் அவர் நுரையீரல் நீர் வீக்கத்திற்காகத்தான் மருத்துவமனையில் தங்கி நீண்ட நாட்கள் சிகிச்சை எடுத்து வருகிறார். தற்போது சிகிச்சை அளிக்கும் மருத்துவர் குழு, மருந்தின் அளவுகளில் மாற்றம் கொண்டு வந்துள்ளதால் தான் இந்த முன்னேற்றம் ஏற்பட்டுள்ளது எனக் கூறியுள்ளனர்.

அதிகாரபூர்வமாக இந்த தகவல் தெரிவிக்கப்படவில்லை என்றாலும் மருத்துவர்கள் வட்டாரமே இந்த தகவலை வெளிப்படுத்தியுள்ளது.

 

பல்மனரி எடீமா (Pulmonary Oedema) எனப்படும் இந்நோய் நுரையீரலின் சுவாசப்பைகளில் அதிகமான நீர்க்கோர்ப்பு ஏற்படுவதால் உண்டாகிறது.

இதயத்திலிருந்து இரத்தம் எடுத்துச் செல்லும் குழாய்களில் பழுது ஏற்பட்டு இதயத்தின் செயல்பாடு பாதிக்கும்.

அதன் காரணமாக சுவாசப்பைகளில் திரவங்களின் சேர்மாணம் ஏற்படும். அது சுவாசத்தைக் கட்டுப்படுத்தும். நுரையீரலை வீக்கப்படுத்தும்.

இரத்தக் குழாயினுடைய செயல்பாடுகளை சரிசெய்வது மட்டுமே இதற்கான சிகிச்சை முறை. திடீரென அதிகமாக வியர்ப்பது, மூச்சுப் பிரச்னை, சில நேரங்களில் இருமல் ஏற்படும்போது இரத்தம் கசிவது, சருமம் வெளுத்துப்போவது இவை தவிர கால்கள் வீங்கி கொள்வது, கல்லீரல் வீக்கம், மூச்சு விடும்போது ஒரு விதம் சத்தம் ஏற்படுவது, உயர் இரத்த அழுத்தம் உள்ளிட்ட சிக்கல்கள் ஏற்படும்.

இந்நிலையில், நேற்று வெளியிட்ட அறிக்கையில் அதிதீவிர சிகிச்சைப்பிரிவு மருத்துவ நிபுணர்கள், நுரையீரல் நோய் நிபுணர்கள், இதய நோய் நிபுணர்கள், மூச்சு பிரச்னைக்கான சிகிச்சை நிபுணர்கள், தொற்றுநோய் நிபுணர்கள், நீரிழிவு நோய் நிபுணர்கள் மற்றும் ஹார்மோன் செயல்பாடுகள் குறித்த ஆலோசனை குழுவினர் உள்ளடங்கிய மருத்துவர்கள் குழு, முதல்வருக்கு தொடர்ந்து சிகிச்சை அளித்து வருவதாகத் தெளிவுபடுத்தியுள்ளது.

இருப்பினும் முதல்வர் உடல்நிலையில் முன்னேற்றம் இருக்கிறதா? எப்போது மருத்துவமனையிலிருந்து வெளியேறுவார் என்பது போன்ற தகவல்கள் எதுவும் அதில் இல்லை.

நீண்ட நாட்கள் முதல்வருக்கு ஓய்வு தேவை என்று சொல்லி இருந்தார்கள். அது இன்னும் நீண்டபடி..!

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்  Facebook-ல் share செய்யுங்கள்.

நன்றி.

0 2347
சோறு இல்லை…தூக்கம் இல்லை.. உறவினர் மரணம்..தெரியாது…! முதல்வரை எழுப்பிக் காட்டிய தனி ஒருவள்..!!

 

கோடி கோடியா சொத்து இருக்கு..ஊழல் பண்ணாங்க..மன்னார்குடி கும்பல் அட்டகாசம்..முதல்வரை கொலை செய்ய சதி செய்கிறார்…இப்படி எத்தனை எத்தனை பழி  பாவங்கள்..!

இடையில் அரசியலில் குழப்பம் பண்ணவும்.குழி  தோண்டவும்  எத்தனை எதிரிகள்..! சசிகலா என்கிற தனி மனுஷி எதைபற்றியும் கவலை கொள்ளவே இல்லை..!

போற்றுவார் போற்றட்டும் புழுதி வாரி தூற்றுவோர் தூற்றட்டும் என்பதுபோல முதல்வரை குணப்படுத்தி அவரை வீட்டிற்கு அழைத்து போவதிலேயே குறியாக இருந்தார்.

அப்போலோ மருத்துவர்கள் கூறுவது போல, சசிகலா சாப்பிடுவதே இல்லை…! தூங்குவது இல்லை..சதா முதல்வர் பற்றிய கவலை தான்..இன்னும் சொல்லப் போனால் முதல்வர் இல்லம் திரும்பும் போது சசிகலா மேடம் நோய்வாய்பட்டுவிடுவாரோ என்று அஞ்சுகிறோம்.. என்கிறார்.

மேலும் சசிகலாவிற்கு ஒருமுறை ட்ரிப்ஸ் ஏற்றுங்கள் என்றோம் அதைக்கூட மறுத்துவிட்டார்  என்கிறார்கள் மருத்துவமனை டாக்டர்கள்..!

உண்மைதான்…தனி ஒரு மனுஷியாக சசிகலாநடராஜன்  சாதித்துக் காட்டினார் தான்..!

அது தான் நட்பு..அது தான் உறவு..!!

0 158
அப்பல்லோ
அ.தி.மு.க. பொதுச் செயலாளரும், முதல்-அமைச்சருமான ஜெயலலிதா உடல்நல குறைவின் காரணமாக, கடந்த மாதம் (செப்டம்பர்) 22-ந் தேதி முதல் சென்னை அப்பல்லோ ஆஸ்பத்திரியில் சிகிச்சை பெற்று வருகிறார்.
அப்பல்லோ ஆஸ்பத்திரி அறிக்கை
அவரது உடல்நிலை குறித்து ஏற்கனவே 9 அறிக்கைகள் வெளியிடப்பட்டு இருந்தது. கடைசியாக கடந்த 10-ந் தேதி அப்பல்லோ ஆஸ்பத்திரி நிர்வாகம் அறிக்கை வெளியிட்டது. அதன் பிறகு, 10 நாட்கள் இடைவெளிக்கு பிறகு அப்பல்லோ ஆஸ்பத்திரி சார்பில் நேற்று இரவு அறிக்கை வெளியிடப்பட்டது.
அந்த ஆஸ்பத்திரியின் மருத்துவ சேவைகள் இயக்குனர் டாக்டர் என்.சத்தியபாமா வெளியிட்டுள்ள செய்திக் குறிப்பில் கூறப்பட்டு இருப்பதாவது:-
கண்காணிப்பு
முதல்-அமைச்சர் தொடர்ந்து சிகிச்சையில் இருக்கிறார். அவரது உடல் உறுப்புகளின் செயல்பாடுகள், சுவாச உதவி, பிசியோதெரபி ஆகியவை டாக்டர்களின் கண்காணிப்பில் இருக்கிறது.
அப்பல்லோ ஆஸ்பத்திரியை சேர்ந்த தீவிர சிகிச்சை நிபுணர்கள், இதயநோய் சிகிச்சை மூத்த நிபுணர்கள், சுவாச சிகிச்சை மூத்த மருத்துவர்கள், தொற்றுநோய் சிகிச்சை துறை மூத்த மருத்துவ ஆலோசகர்கள், நாளமில்லா சுரப்பி சிகிச்சை மூத்த நிபுணர்கள், நீரழிவு நோய் சிகிச்சை நிபுணர்கள் கொண்ட குழு முதல்-அமைச்சருக்கு சிகிச்சையும், மருத்துவ உதவியும் அளித்து வருகிறது.
நன்றாக பேசுகிறார்
ஊட்டச்சத்து மற்றும் அத்தியாவசிய சத்துக்களை கொண்ட உணவு வழங்கப் படுவதை உணவியல் நிபுணர் கள் குழுவைச் சேர்ந்த மூத்த நிபுணர்கள் கவனித்து வருகிறார்கள். முதல்-அமைச்சர் நன்றாக பேசுகிறார். அவரது உடல்நிலையில் சீரான முன்னேற்றம் ஏற்பட்டு உள்ளது.
இவ்வாறு அதில் கூறப்பட்டு உள்ளது.
லண்டன் டாக்டர்
முதல்-அமைச்சர் ஜெயலலிதாவுக்கு சிறப்பு சிகிச்சை அளிப்பதற்காக கடந்த மாதம் 30-ந் தேதி பிரபல லண்டன் டாக்டர் ரிச்சர்டு ஜான் பீலே சென்னை வந்தார். தொடர்ந்து, இம்மாதம் 5-ந் தேதி டெல்லி எய்ம்ஸ் ஆஸ்பத்திரி டாக்டர்கள் கில்நானி, அஞ்சன் டிரிக்கா, நிதிஷ்நாயக் ஆகியோரும் சென்னை வந்தனர்.
இவர்கள் அனைவரும் ஒன்றிணைந்து, முதல்-அமைச்சர் ஜெயலலிதாவுக்கு தீவிர சிகிச்சை அளித்து வந்தனர். அவரது உடல்நலனில் நல்ல முன்னேற்றம் ஏற்பட்டதை தொடர்ந்து, லண்டன் டாக்டர் ரிச்சர்டு ஜான் பீலே நாடு திரும்பினார். இடையில் மீண்டும் ஒரு முறை அவர் சென்னை வந்து ஜெயலலிதாவின் உடல்நிலையை கண்காணித்தார்.
அதேபோல், எய்ம்ஸ் டாக்டர்கள் 3 பேரும் டெல்லி புறப்பட்டு சென்றனர். தற்போது, தொலைபேசி, இ-மெயில் மூலமாக அவர்களும் முதல்-அமைச்சர் ஜெயலலிதாவின் உடல்நிலை குறித்து கேட்டறிந்து, தொடர் சிகிச்சைக்கு ஆலோசனை வழங்கி வருகின்றனர்.
மீண்டும் வருகிறார்
இதற்கிடையே, கடந்த 5 நாட்களுக்கு முன்பு, சிங்கப்பூரில் இருந்து பிசியோதெரபி பெண் நிபுணர்கள் சீமா, மேரி ஆகியோர் சென்னை வந்து, முதல்-அமைச்சர் ஜெயலலிதாவுக்கு பிசியோதெரபி சிகிச்சை அளித்தனர். இந்த சிகிச்சை அவருக்கு நல்ல முறையில் கைகொடுத்ததால், உடல்நிலையிலும் நல்ல முன்னேற்றம் ஏற்பட தொடங்கியது.
நேற்று முன்தினம் முதல் சில நேரங்களில் அவரது கட்டில், நாற்காலி போல் உயர்த்தப்பட்டு, அதில் அவர் சாய்ந்து உட்கார்ந்து இருந்தார்.
இவ்வாறு, முதல்-அமைச்சர் ஜெயலலிதாவின் உடல்நலனில் நல்ல முன்னேற்றம் ஏற்பட்டுள்ள நிலையில், லண்டன் டாக்டர் ரிச்சர்டு ஜான் பீலே ஓரிரு நாட்களில் மீண்டும் சென்னை வர இருக்கிறார்.
அவர் எப்போது வருவார் என்பது இன்று (சனிக்கிழமை) உறுதியாக தெரிந்துவிடும். அவர் வந்தவுடன், ஜெயலலிதாவின் உடல்நிலையை கண்காணிக்க உள்ளார். அதன்பிறகே, முதல்-அமைச்சர் ஜெயலலிதா வீடு திரும்புவது குறித்து அதிகாரபூர்வமாக அறிவிக்கப்படும்.

0 507
ஜெயலலிதாவுக்கு படுக்கை புண்?: கவலையில் மருத்துவர்கள்!

தமிழக முதல்வர் ஜெயலலிதா உடல் நலக்குறைவால் சென்னை அப்பல்லோ மருத்துவமனையில் கடந்த 4 வாரமாக சிகிச்சை பெற்று வருகிறார். தொடர்ந்து படுக்கையில் இருப்பதால் அவருக்கு படுக்கை புண் வந்துள்ளதாக தகவல்கள் வருகின்றன.

 

இது குறித்து செய்தி வெளியிட்டுள்ள பிரபல தமிழ் வார இதழின் இணையதளத்தில், நீண்ட நாட்களாக படுக்கையில் இருக்கும் முதல்வர் ஜெயலலிதாவுக்கு புத்துணர்ச்சி ஊட்ட பிசியோ தெரபி சிகிச்சை அளித்தாலும், அவருக்கு ஏற்பட்டுள்ள படுக்கை புண் மருத்துவர்களை கவலையடைய செய்துள்ளது.

 

இந்த படுக்கை புண்ணை குணப்படுத்த மருத்துவர்கள் தீவிர முயற்சி மேற்கொண்டு வருகின்றனர். படுக்கைப் புண் ஏற்படாமல் இருக்க தண்ணீர் பெட், பவுடர் மசாஜ், உடம்பை கூலாக வைத்திருக்கும் ஊசிகள், அடிக்கடி மாற்றி படுக்க வைத்தல் போன்ற முறைகளை கையாள்வதாக மருத்துவமனை வட்டாரங்கள் தெரிவிக்கிறது.

 

முதல்வர் ஜெயலலிதாவுக்கு ஏற்கனவே சர்க்கரை நோய் இருப்பதால் இப்போது ஏற்பட்டுள்ள இந்த படுக்கைப் புண்களை போக்க அதிநவீன ஸ்ப்ரே செய்யும் மருந்துகள் மூலம் மருத்துவர்கள் கடுமையாக முயற்சி செய்து வருவதாக கூறப்பட்டுள்ளது.

0 253
முதலமைச்சர் ஜெயலலிதா சிங்கபூர் அழைத்து செல்லபடுகிறாரா?
முதலமைச்சர் ஜெயலலிதா சிங்கபூர் அழைத்து செல்லபடுகிறாரா?

சிங்கப்பூரில் இருந்து வந்து மருத்துவர்கள் சிகிச்சை அளித்தாலும் ஜெயலலிதா சிங்கப்பூர் சென்றால் மட்டுமே பூரண நலமடைய முடியும் என்று மருத்துவமனை வட்டாரங்கள் தெரிவித்துள்ளதாக தகவல் வெளியாகியுள்ளது. முதல்வர் ஜெயலலிதாவின் உடலில் குறிப்பிடத்தக்க அளவு முன்னேற்றம் இருந்தாலும், ஆம்புலன்ஸ் விமானம் மூலம் அவர் விரைவில் சிங்கப்பூருக்கு பயணமாகலாம் என்றும் தகவல் வெளியாகியுள்ளது. பிரதமர் மோடி அப்பல்லோவிற்கு வந்து முதல்வர் ஜெயலலிதாவை சந்தித்து பேசும் புகைப்படங்களை வெளியிட்ட பின்னர், அடுத்த கட்ட நடவடிக்கையாக அவர் சிங்கப்பூர் அழைத்துச் செல்லப்படுவார் எனவும் மருத்துவமனை வட்டாரங்கள் தெரிவிக்கின்றன.

சிகிச்சையில் ஜெயலலிதா

முதல்வர் ஜெயலலிதா கடந்த செப்டம்பர் 22ம் தேதி முதல் அப்பல்லோ மருத்துவமனையில் அனுமதிக்கப்பட்டார். கடந்த 26 நாட்களாக தொடர்ந்து சிகிச்சை அளிக்கப்பட்டு வருகிறது. முதல்வரின் உடல்நிலையில் ஏற்படும் முன்னேற்றம் குறித்து பல்வேறு சிகிச்சைகளுக்கான மருத்துவ நிபுணர் குழு கண்காணித்து வருகிறது. லண்டன் மருத்துவ நிபுணர் ரிச்சர்டு பீலே, எய்ம்ஸ் மருத்துவ நிபுணர்கள் கில்நானி, அஞ்சன் திரிகா, நிதிஷ் நாயக் ஆகியோர் முதல்வருக்கு சிகிச்சை அளித்து வருகின்றனர். ஊட்டச்சத்து, பிசியோதெரபி சிகிச்சைகளும் தொடர்ந்து அளிக்கப்படு கின்றன.

சிங்கப்பூர் நிபுணர்கள்

லண்டன் மருத்துவர், எய்ம்ஸ் மருத்துவர்களின் ஆலோசனைப்படி சிங்கப்பூர் மவுன்ட் எலிசபெத் மருத்துவமனையைச் சேர்ந்த 2 பெண் மருத்துவ நிபுணர்கள் நேற்று முன்தினம் அப்போலோவுக்கு வந்து முதல்வருக்கு பிசியோ தெரபி சிகிச்சை அளித்தனர். அவர்கள் நேற்று 2வது நாளாக பிசியோதெரபி சிகிச்சை அளித்தனர். முதல்வரின் உடல்நிலையில் நல்ல முன்னேற்றம் ஏற்பட்டிருப்பதாக அப்போலோ மருத்துவமனை வட்டாரங்கள் தெரிவிக்கின்றன. கடந்த 26 நாட்களாக முதல்வரின் எந்த போட்டோவும் வெளியாகவில்லை.

ஜெயலலிதா போட்டோ

பிரதமர் மோடி சென்னை வந்து முதல்வர் ஜெயலலிதாவை சந்திக்க உள்ளதாக தகவல்கள் வெளியாகி வருகின்றன. இந்த சந்திப்பின் போது புகைப்படங்களை எடுத்து வெளியிடலாம் என்று போயஸ் தோட்டத்தில் ஆலோசனை நடைபெற்று வருவதாக தகவல் வெளியாகியுள்ளது. அதனால்தான் கடந்த ஒரு வாரமாக அப்பல்லோ மருத்துவமனை நிர்வாகம் அவரது மருத்துவ அறிக்கையை வெளியிடவில்லை என அதிமுக வட்டார தகவல்கள் தெரிவிக்கின்றன.

சிங்கப்பூர்

இது ஒருபுறம் இருக்க சிங்கப்பூரில் இருக்கும் மவுண்ட் எலிசபெத் மருத்துவமனைக்கு ஜெயலலிதாவை கொண்டு சென்றால் விரைவில் குணமடைய வாய்ப்பு உள்ளது என்று அப்பல்லோ நிர்வாகத்தினர் பிரதமர் அலுவலகத்திற்கு தகவல் கூறியதாக தகவல் வெளியானது. இதனைத் தொடர்ந்து சிங்கப்பூர் மருத்துவமனைக்கு முதல்வரை மாற்றினால் அதற்குத் தேவையான எல்லா உதவிகளையும் மத்திய அரசு செய்யத் தயாராக இருப்பதாகவும் பிரதமர் அலுவலக வட்டாரங்கள் தமிழக அரசு தரப்பினரிடம் கூறியுள்ளனர்.

ஆம்புலன்ஸ் விமானத்தில் ஜெ.,

இதற்கு தமிழக அரசுத் தரப்பிலிருந்து இதுவரை எந்தப் பதிலும் சொல்லவில்லையாம். அப்படி பதில் அளிக்கும் பட்சத்தில் முதல்வரை உடனடியாக சிங்கப்பூர் மருத்துவமனைக்கு சிறப்பு ஆம்புலன்ஸ் விமானம் மூலமாக மாற்றுவதற்கான ஏற்பாடுகளை மத்திய அரசு செய்யும் என்றும் கூறப்படுகிறது.

தீபாவளிக்கு அம்மா

பிரதமர் மோடி சென்னை வந்து அப்பல்லோவில் நடப்பவற்றை நேரடியாக அறிந்தால் மட்டுமே அடுத்த கட்ட நடவடிக்கை எடுக்க முடியும் அம்மா முகத்தை தீபாவளிக்காவது பார்க்க முடியுமா என்று எதிர்பார்ப்போடு காத்திருக்கின்றனர் அதிமுக தொண்டர்கள். அப்பல்லோ வாசலில் பிரார்த்தனைகளும், கோவில்களில் குடம் குடமாய் பாலபிஷேகமும் தொடர்ந்து கொண்டுதான் இருக்கிறது.

நன்றி:ஒன்இந்தியா

இந்த செய்தி உங்களுக்கு பிடித்திருந்தால் கீழே உள்ள share பட்டன் மூலம்whatsapp மற்றும் Facebook-ல் share செய்யுங்கள்.

நன்றி

0 496
முதல்வரை சந்திக்க கவர்னர் வந்தபோது என்னதான் நடந்தது?

அக்டோபர் 1-ம் தேதி இரவு சரியாக 7 மணிக்கு அப்போலோ வந்த கவர்னர், அப்போலோ சேர்மன் டாக்டர் பிரதாப் ரெட்டி அறையில் 6 நிமிடங்கள் பேசிக்கொண்டு இருந்தார். அதன்பிறகு, பிரதாப் ரெட்டியும் கவர்னரும் லிஃப்ட் மூலம் இரண்டாவது தளத்துக்குச் சென்றனர். அங்கே இருந்த அரசு உயர் அதிகாரிகள், காவல் துறை அதிகாரிகள் மற்றும் முதலமைச்சருக்கு சிகிச்சை அளிக்கும் மருத்துவர்களிடம் முதலமைச்சரின் உடல்நிலை பற்றிய விவரங்களைக் கேட்டுக்கொண்டார்.

அதன்பிறகு, ‘முதலமைச்சரைப் பார்க்க முடியுமா?’ என்று கவர்னர் கேட்​டதற்கு, ‘நோய்த் தொற்று தீவிரமாக உள்ளது. அதனால், இப்போது பார்ப்பது, முதலமைச்​சருக்கும் நல்லதல்ல; உங்கள் ஆரோக்கியத்​துக்கும் நல்லதல்ல’ என்று சொல்லப்பட்டுள்ளது. மேலும், அந்த வார்டுக்குள் போகவேண்டு​மானால், கவர்னர் தன்னுடைய ஷூக்களை கழற்றிவிட்டு, முகத்திலும் தலையிலும் பாதுகாப்பு உறை அணியவேண்டும் என்பது உள்ளிட்ட நடைமுறைகளை டாக்டர்கள் விளக்கி உள்ளனர். ‘அப்படியானால், முதலமைச்சரை தொந்தரவு செய்யவேண்டாம்’ என்று சொன்ன கவர்னர், அத்துடன் திரும்பிவிட்டார்.

டாக்டர்களுடன் நடைபெற்ற இந்தச் சந்திப்பு, மொத்தமே 4 நிமிடங்கள்தான். மருத்துவமனையை விட்டு வெளியில் வந்தபோது, கவர்னரின் உதவியாளர் கையில், புதிதாக ஒரு ஃபைல் இருந்தது என்பது மிக மிக முக்கியமான விஷயம். அதன்பிறகு, சரியாக 7.17 மணிக்கு, அப்போலோ மருத்துவமனையில் இருந்து கவர்னரின் கார் கிளம்பிவிட்டது.

அடுத்த சில நிமிடங்களில், கவர்னர் மாளிகையில் இருந்து வந்த அறிக்கையில், ‘முதல்வர் வேகமாக குணமடைந்து வருகிறார்’

இதுதான் கவர்னர் வந்தபோது நடந்ததாம்

0 1461
முதல்வர் ஜெயலலிதாவின் உடல் நிலை தற்போது

முதல்வர் ஜெயலலிதாவின் உடல் நிலை தற்போது முன்னேற்றம் அடைந்து வருவதாக தற்போது செய்திகள் வந்தவண்ணம் உள்ளது.

எனினும் தற்போது முதல்வர் மூளைச்சாவு ஏற்பட்டு உயிரிழக்க உள்ளதாக சமூக வலைத்தளங்களில் வேகமாக பரவி வருகின்றது.

குறித்த செய்தியில் தெரிவிக்கப்பட்டுள்ளதாவது,

முதல்வர் ஜெயலலிதாவிற்க்கு மூளை சாவு ஏற்பட்டது அவர் கோமாநிலையில் இருப்பதும் உண்மையே வெளிநாட்டு மருத்துவர்களின் சிகிச்சையும் பலனளிக்காததை பொருட்டு இன்று அல்லது நாளை உயிரிழப்பு நிகழும் என் எதிர்பார்க்கப்படுகிறது..ஆகையால் அதிமுக MP & MLA கூட்டம் அவசரம் அவசரமாக கூட்டப்படுகிறது

அத்துடன் IAS, IPS அதிகாரிகளுடன் சிறிது நேரத்திற்க்கு முன்பு பேச்சுவார்த்தை தொடங்கியதாகவும் அதில் அடுத்துவரும் விஜயதசமி ஆயுதபூஜைகளில் பல தொழில் மற்றும் மக்களில் பலரின் இயல்பு வாழ்க்கை பாதிக்கபடும் எனவும் அடுத்துவரும் உள்ளாட்சி தேர்தல் பாதிக்கப்பட்டு ஆட்சி கலையும் எனவும் விவாதிக்கபட்டுள்ளது.

சட்ட ஒழுங்கை சரியாக பாதுகாக்கப்பட்ட பிறகு முறையான அறிவிப்பு வெளியிட முடிவு செய்துள்ளனர் இதில் 5 நாட்களுக்கு முன்பே டாக்டர்கள் கை விரித்துவிட்டது உண்மையே உயிர் இருந்தாலும் இனி அவரால் கண் முழிக்க முடியாது என்பதே கடவுள் விதித்த தீர்ப்பு. இது ஓர் அதிகாரப்பூர்வ செய்தி என வலைத்தளங்களில் அதிகமாக பரவி வருகின்றமை குறிப்பிடத்தக்கது.

0 1562
அம்மாவுக்கு பிறகு அதிமுக வே அஜீத்துக்குதான்

அம்மாவுக்கு பிறகு அதிமுக அஜீத்துக்குதானா?

அஜீத்தின் பிறந்த நேரத்தை கணித்திருக்கும் ஜோதிடர்கள் பலரும், அவர் கண்டிப்பாக அரசியலுக்கு வருவார் என்று கூறிவருவது இன்று நேற்று தகவல் அல்ல. கடந்த பத்தாண்டு கால பரபரப்பு. ஆனால் அவருக்கு இருக்கும் மூட் மற்றம் கள நிலவரங்களை ஆராய்ந்தால், கொசு குறுக்கே பறந்தால் கூட “கொன்னுபுடுவேன் படவா…” என்கிற அளவுக்கு சூடு பார்ட்டி! ஆனாலும் காலம் அப்படிதான் தீர்மானித்திருந்தால் அதை யாரால் மாற்ற முடியும்?

அவருக்கும் அதிமுக தலைமையான அம்மாவுக்கும் எப்போதும் மகன் அம்மா பாசம் உண்டு. அஜீத்தின் திருமணத்திற்கு நேரில் வந்து வாழ்த்திய ஜெயலலிதா, அதை பார்மாலிடியாக கருதாமல் உள்ளன்போடு நின்றதை இப்போதும் புகைப்படங்களில் கண்டு மகிழும் அஜீத் பேன்ஸ் வட்டாரம். அதற்கேற்றது போல, திமுக தலைவர் கலைஞர் கருணாநிதி முன்னிலையிலேயே “மிரட்றாங்கய்யா…” என்ற அஜீத்தின் பேச்சு, வரலாற்றின் மிக மிக முக்கியமான தருணம். அப்போதே அவர் அம்மாவின் ஆள். அதனால்தான் அப்படி பேசினார் என்றெல்லாம் விமர்சனங்கள் எழுந்தன.

அம்மாவுக்கு பிறகு அதிமுக வே அஜீத்துக்குதான் என்பது போல, கதை விட்ட பலரும் இப்போதும் இது நடந்து விடாதா என்று காத்திருக்கிற நேரத்தில்தான் அந்த பரபரப்பு கிளம்பிவிட்டது. கேரளாவிலிருந்து வெளிவரும் சில ஊடகங்களில் பரபரப்பான செய்திகளை வெளியிட்டிருக்கிறார்கள். மருத்துவமனையில் இருக்கும் முதல்வர் ஜெயலலிதா அஜீத்தை நேரில் பார்த்து பேச ஆசைப்பட்டதாக கூறுகிறது அந்த செய்தி. அவர்கள் சொல்வதை போல ஒரு வேளை அஜீத் மருத்துவமனைக்கு சென்று முதல்வரை பார்த்தால் என்னாகும்?

அதற்கப்புறம் அரசியல் வானத்தில் சூரியனை மறைத்துக் கொண்டு நட்சத்திரமும் மின்னப் பார்க்கும்!

SOCIAL

LATEST REVIEWS

0 503
மேஷம் புதிய பாதையில் பயணிக்கத் தொடங்குவீர்கள். பெற்றோரின் ஒத்துழைப்பு அதிகரிக்கும். பிரியமானவர்களுக்காக சிலவற்றை விட்டுக் கொடுப்பீர்கள். கல்யாண முயற்சிகள் பலிதமாகும். வியாபாரத்தில் வி.ஐ.பிகள் வாடிக்கையாளர்களாவார்கள். உத்யோகத்தில் உங்கள் கை ஓங்கும். அதிஷ்ட எண்: 9...