Timber by EMSIEN-3 LTD
அரசியல்

0 146
ஜெ.வின் கொடநாடு எஸ்டேட் காவலாளியைக் கொன்றவர் பிடிபட்டார்

தமிழக முன்னாள் முதல்வர் ஜெயலலிதாவுக்குச் சொந்தமான நீலகிரி மாவட்டத்தில் உள்ள கொடநாடு  எஸ்டேட்டின் காவலாளி ஓம் பகதூரை  கொலை செய்தது,  உடன் இருந்த மற்றொரு காவலாளி கிருஷ்ண பகதூர்தான்  என்று காவல்துறை வட்டாரங்கள் தெரிவிக்கின்றன.

இந்த எஸ்டேட்டில்  ஓம் பகதூர் மற்றும் கிருஷ்ண பகதூர்  ஆகியோர் காவலாளிகளாகப் பணிபுரிந்து வந்தார்கள்.   கடந்த திங்கட்கிழமை இரவு,  ஓம் பகதூர்  அடையாளம் தெரியாத மர்ம நபர்களால் வெட்டிக்கொலை செய்யப்பட்டார். மற்றொரு காவலாளி கிருஷ்ண பகதூர், படுகாயங்களுடன் கிடந்தார். அவர் மருத்துவமனையில் அனுமதிக்கப்பட்டார்.

கொடநாடு எஸ்டேட் பங்களாவில் உள்ள முக்கிய ஆவணங்களை கொள்ளையடிக்க மர்ம நபர்கள் முயன்றார்களா என்ற கோணத்தில் போலீசார் விசாரணை நடத்தி வந்தனர்.

காயமடைந்து மருத்துவமனையில் சிகிச்சை பெற்றுவரும் கிருஷ்ண பகதூரிடமும் விசாரணை நடந்தது. அதில் கொலை செய்தது அவர்தான் என்பது தெரியவந்தது.
கையுறை அணிந்துகொண்டு கொலை செய்ததாகவும், பிறகு கையுறயை எரித்துவிட்டதாகவும் தெரிவித்துள்ளார்.

அந்தக் கையுறையில் ஒரு விரல் பகுதி மட்டும் எரியவில்லை. அதை காவல்துறையினர் கைப்பற்றி ஆய்வு செய்தபோது,  , கிருஷ்ண பகதூரின் கைரேகையுடன் பொருந்தியது.  ஆகவே கிருஷ்ண பகதூர்தான் கொலைக் குற்றவாளி என்பது உறுதியாகியுள்ளது என்று காவல்துறை வட்டாரங்கள் தெரிவிக்கின்றன.

“கொலைக்கான காரணம் தெரியவில்லை. இன்னும் சிறிது நேரத்தில் கிருஷ்ணபகதூரை கைது செய்து போலீஸ் காவலில் எடுக்கப்படுவார். அதன் பிறகு காரணம் தெரியவரும்” என்றும் காவல்துறை வட்டாரங்கள் தெரிவிக்கின்றன.

Post expires at 9:14am on Monday May 29th, 2017

0 46
தேடப்பட்ட ஜெ.வின் முன்னாள் கார் டிரைவர் விபத்தில் பலி

ஜெயலலிதாவின் கொடநாடு எஸ்டேட் காவலாளி கொலை வழக்கில் போலீசாரால் தேடப்பட்ட முன்னாள் முதல்வர் ஜெயலலிதாவின் முன்னாள் கார் டிரைவர் கனகராஜ் விபத்தில் பலியானது போலீசாருக்கு அதிர்ச்சியை ஏற்படுத்தியுள்ளது.

நீலகிரி மாவட்டம் கோத்தகிரி அருகே மறைந்த முன்னாள் முதல்-அமைச்சர் ஜெயலலிதாவுக்கு சொந்தமான கொடநாடு எஸ்டேட் உள்ளது.. இங்கு ஏராளமான அறைகளை கொண்ட பிரமாண்ட பங்களா உள்ளது.

ஜெயலலிதா மறைவுக்கு அரசு பாதுகாப்பு விலக்கப்பட்டு தனியார் நிறுவனத்தினர் பாதுகாப்பு பணியில் ஈடுபடுத்தப்பட்டு உள்ளனர்.

கடந்த 24-ந்தேதி அதிகாலை எஸ்டேட்டின் 10-வது நுழைவு வாயிலில் பாதுகாப்பு பணியில் இருந்த காவலாளி ஓம்பகதூர்(57) என்பவர் முகமூடி கொள்ளை கும்பலால் படுகொலை செய்யப்பட்டார்.

சத்தம் கேட்டு ஓடிவந்த 9-வது நுழைவு வாயிலில் பாதுகாப்பு பணியில் இருந்த காவலாளி கிருஷ்ணபகதூர்(37) என்பவரையும் கும்பல் தாக்கியது. இதில் அவர் மயங்கினார்.

அதைத்தொடர்ந்து எஸ்டேட் உள்ளே சென்ற கொள்ளையர்கள் அங்கு   ஜெயலலிதா தங்கும் அறையின் ஜன்னல் கண்ணாடிகளை உடைத்து உள்ளே சென்று கொள்ளையடித்து உள்ளனர்.

கொள்ளை குறித்து  நீலகிரி மாவட்ட போலீஸ் சூப்பிரண்டு முரளிரம்பா தலைமையிலான போலீசார் விரைந்து சென்று விசாரணை நடத்தினர்.

இந்த கொலை – கொள்ளை சம்பவம் குறித்து துப்புதுலக்க 7 தனிப்படை அமைக்கப்பட்டது. இவர்கள் பல்வேறு கோணங்களில் விசாரணை மேற்கொண்டனர்.

அதையடுத்து போலீசாரின் விசாரணையில் கேரளா திருச்சூரை சேர்ந்த சந்தோஷ், சதீசன், சிபு ஆகியோரை மடக்கி பிடித்தனர்.

விசாரணையில் இவர்கள் கொடநாடு கொலை சம்பவத்தில் கூலிப்படையாக செயல்பட்டது தெரிய வந்தது. அவர்கள் கொடுத்த தகவலை தொடர்ந்து கேரளா மலப்புரத்தில் மேலும் 3 பேரை போலீசார் மடக்கி பிடித்தனர்.

அவர்கள் 6 பேரையும் ஊட்டிக்கு நேற்று நள்ளிரவு போலீசார் அழைத்து வந்தனர். அவர்களை ரகசிய இடத்தில் வைத்து விசாரித்தனர்.

விசாரணையில் இந்த கொள்ளை சம்பவத்துக்கு அச்சாரம் போட்டது ஜெயலலிதாவின் முன்னாள் கார் டிரைவரான கனகராஜ் என்பது தெரியவந்தது.

இதையடுத்து போலீசார் கனகராஜின் நடவடிக்கையை கண்காணிக்கத் தொடங்கினார். இதை அறிந்த கனகராஜ் தனது சொந்த ஊரான சேலம் மாவட்டம் எடப்பாடிக்கு தப்பி சென்றுள்ளார்.

இதை அறிந்த தனிப்படை போலீசார் சேலத்துக்கு விரைந்தனர். அதையறிந்த கனகராஜ் தனது  ஒருவரிடம் மோட்டார் சைக்கிளை வாங்கிக்கொண்டு சேலம் மாவட்டம் ஆத்தூர் போலீசாரிடம் சரண் அடைய சென்றார். அப்போது அந்த வழியாக வேகமாக வந்த சொகுசுகார் அவரது மோட்டார் சைக்கிள் மீது மோதியது. இதில் தூக்கி வீசப்பட்ட கனகராஜ் சம்பவ இடத்திலேயே ரத்த வெள்ளத்தில் பலியானார். ப

லியான கனகராஜூக்கு கலைவாணி என்ற மனைவியும், 1 வயது பெண் குழந்தையும் உள்ளனர்.

கொடநாடு வழக்கில் மூளையாக செயல்பட்ட கனகராஜ் விபத்தில் பலியானது போலீசாருக்கு அதிர்ச்சியை ஏற்படுத்தியுள்ளது. அவரது உடலை கைப்பற்றிய போலீசார் ஆத்தூர் அரசு ஆஸ்பத்திரிக்கு அனுப்பி வைத்தனர்.

மேலும் அவருடன் இணைந்து கொள்ளையில் ஈடுபட்ட கேரளாவை சேர்ந்த சயன் என்பவரை தேடி வருகின்றனர்.

கனகராஜ் ஜெயலலிதாவிடம் 2 வருடங்களாக கார் டிரைவராக பணியாற்றி வந்துள்ளார். அப்போது ஜெயலலிதாவுடன் கொடநாடுக்கு வந்துள்ளார். அந்த வகையில் கொடநாடு பங்களா பற்றிய முழு விவரங்களும் இவருக்கு அத்துபடியாக இருந்தது.

இந்த நிலையில் கனகராஜ் ஜெயலலிதாவின் பெயரை பயன்படுத்தி பல்வேறு முறைகேடுகளில் ஈடுபட்டதால் கடந்த 2012-ம் ஆண்டு அவரை பணியில் இருந்து நீக்கிவிட்டார் என்பது குறிப்பிடத்தக்கது.

Post expires at 9:09am on Monday May 29th, 2017

0 348
அனுராதாவிடம் கிடுக்குப்பிடி விசாரணை... கதறிய தினகரன் தனி அறையில் அடைப்பு!

வெளிநாட்டு முதலீடுகள் தொடர்பாக மனைவி அனுராதாவிடம் கடுமை காட்டி டெல்லி போலீஸ் விசாரணை நடத்தியதை தாங்க முடியாமல் டிடிவி தினகரன் கதறியிருக்கிறார். இதையடுத்து அவரை தனி அறையில் அடைத்து வைத்துவிட்டு அனுராதாவிடம் விசாரணையை தொடர்ந்தனராம் டெல்லி போலீஸ்.

தேர்தல் ஆணையத்துக்கு லஞ்சம் கொடுத்த வழக்கில் சிக்கினார் தினகரன். டெல்லி போலீஸ் அவரை 5 நாட்கள் கஸ்டடியில் எடுத்து சென்னைக்கு அழைத்து வந்தது.

சென்னையில் சிபிஐ அலுவலகத்தில் முதலில் விசாரணை நடத்தப்பட்டது. இதையடுத்து தினகரன் வீட்டுக்கு அழைத்துச் செல்லப்பட்டு அங்கு துருவி துருவி விசாரணை நடந்தது.

தினகரன் மனைவி அனுராதா, வெளிநாட்டு முதலீடுகளை கவனித்து வருகிறார். அதனால் அவரிடம் கிடுக்குப்பிடி கேள்விகளை டெல்லி போலீஸ் கேட்டது. ஆனால் அனுராதாவோ எல்லாவற்றுக்கும் மழுப்பலாகவே பதில் கூறியுள்ளார்.

ஒருசில கேள்விகளுக்கு பதில் அளிக்க முடியாமல் அனுராதா திணறியுள்ளார். இதனால் நொந்து போன தினகரன், சார் ப்ளீஸ் அவரை விட்டுருங்க.. என்னிடம் எல்லா கேள்விகளையும் கேளுங்க என கதறியிருக்கிறார்.

ஆனால் இதை பொருட்படுத்தாத டெல்லி போலீசார், தினகரனை வேறு ஒரு அறையில் அடைத்துவிட்டு அனுராதாவிடம் விசாரணையை தொடர்ந்திருக்கின்றனர். இதனால் அனுராதாவும் இவ்வழக்கில் சிக்கும் நிலைமை உருவாகி உள்ளதாக கூறப்படுகிறது.

 

Post expires at 8:53am on Monday May 29th, 2017

0 263
தினகரன் 10 மணிக்கு கைது; கசியவிட்டது 12 மணிக்கு: நள்ளிரவில் நடந்தது என்ன?
இரட்டை இலை சின்னத்தை பெற தேர்தல் ஆணையத்துக்கு லஞ்சம் கொடுக்க முயன்றதாக டிடிவி தினகரனை டெல்லி போலீசார் நேற்று இரவு கைது செய்தனர். இந்த கைது தேசிய அளவில் பரபரப்பை ஏற்படுத்தியுள்ளது.
அதிமுகவின் துணைப் பொதுச்செயலாளராக சசிகலாவால் நியமிக்கப்பட்ட டிடிவி தினகரன் அதிமுக கட்சியை சசிகலா சிறைக்கு சென்ற பின்னர் வழிநடத்தி வந்தார். அதிமுகவின் சின்னமான இரட்டை இலை சின்னத்தை பெற இரு அணிகளும் முயற்சித்த நிலையில் அதனை தற்காலிகமாக முடக்கியது தேர்தல் ஆணையம்.
இந்நிலையில் டெல்லியில் சுகேஷ் சந்திரசேகர் என்ற இடைத்தரகர் கைது செய்யப்பட்டார். அவரிடம் இருந்து 1.30 கோடி ரூபாய் பணத்தை கைப்பற்றினர். தொடர்ந்து அவரிடம் விசாரணை நடத்தியதில் இரட்டை இலை சின்னத்தை டிடிவி தினகரன் அணிக்கு வாங்கி கொடுக்க தேர்தல் ஆணையத்துக்கு லஞ்சம் கொடுப்பதற்காக டிடிவி தினகரன் பேரம் பேசியது தெரியவந்தது.
தேர்தல் ஆணைய அதிகாரிகளுக்கு 50 கோடி ரூபாய் லஞ்சம் கொடுப்பதாக பேரம் பேசிய டிடிவி தினகரன் அதில் முதற்கட்டமாக 10 கோடி ரூபாய் கொடுத்ததாக சுகேஷ் சந்திரசேகர் டெல்லி போலீசின் விசாரணையில் கூறியுள்ளார். இதனையடுத்து டிடிவி தினகரனுக்கு சம்மன் அனுப்பிய டெல்லி போலீஸ் அவரிடம் கடந்த சில நாட்களாக தொடர் விசாரணை நடத்தி வந்தனர்.
தொடக்கத்தில் சுகேஷ் சந்திரசேகரை யார் என்றே தெரியாது என மறுத்து வந்தார் தினகரன். டெல்லி போலீஸார் தினகரனும் சுகேஷ் சந்திரசேகரும் போனில் பேசிய ஆடியோ பதிவைப் போட்டுக்காட்டினர். அதன் பின்னர் தான் தினகரன் சுகேஷ் சந்திரசேகரை பார்த்ததையும் தேர்தல் ஆணையத்துக்கு லஞ்சம் கொடுக்க முயன்றதையும் ஒப்புக்கொண்டார்.
இதனையடுத்து தொடர்ந்து விசாரணை நடத்திய டெல்லி போலிசார் அவரை நேற்று இரவு 10 மணிக்கு கைது செய்தனர். அவருடன் சேர்த்து அவரது உதவியாளர் ஜனார்த்தனன் மற்றும் நண்பர் மல்லிகார்ஜுனாவையும் கைது செய்தனர். அசம்பாவித சம்பவங்களை தடுக்க சென்னை, தஞ்சாவூர் பகுதிகளில் போலீஸ் பாதுகாப்பு பலப்படுத்தப்பட்ட பின்னர் நள்ளிரவு 12 மணிக்கு தினகரன் கைது செய்யப்பட்டதை டெல்லி போலிஸ் கசியவிட்டனர்.

 

Post expires at 4:18am on Friday May 26th, 2017

0 235
கொலைகளமாகும் ஜெ.வின் கொடநாடு எஸ்டேட்.. மாபெரும் மர்ம கோட்டை உருவானது எப்படி?

கொடநாடு.. கொடநாடு.. பத்திரிகைகளில் அடிக்கடி அடிப்பட்ட பெயர் இது. ஏழைகளை ஏமாற்றி அபகரித்துக் கொண்டதாக குற்றச்சாட்டு எழுந்த இடமும் இதுதான்.

ஜெயலலிதா இருக்கும் போதே மர்மமாகவே இருந்த இந்த கொடநாடு பங்களா, அவர் இறந்த பிறகு அந்த மர்மம் மேலும் அதிகரித்துள்ளது.

இன்றும் கொடநாடு எஸ்டேட் காவலாளி ஓம்பகதூர் அடையாளம் தெரியாத நபர்களால் வெட்டிக்கொலை செய்யப்பட்டார். மற்றொரு காவலாளி கிஷன் பகதூர் மருத்துவமனையில் அனுமதிக்கப்பட்டுள்ளார். அவர்கள் ஏன் கொல்லப்பட்டார்கள் என்ற விசாரணை போலீசார் செய்யட்டும். இந்த கொடநாடு பங்களாவைப் பற்றி நாம் கொஞ்சம் தெரிந்துக் கொள்வோம்.

நீலகிரி மாவட்டம் கோத்தகிரியில் இருந்து சுமார் 12 கி.மீ. தூரத்தில் உள்ளது கொடநாடு எஸ்டேட். குளிர்ச்சியும் பசுமையும் குலாவும் ரம்மியமான இந்தப் பகுதியில்தான் ஜெயலலிதா தனக்கான பங்களாவை உருவாக்கினார். ஜெயலலிதா தமிழ் நாட்டின் முதல்வராக முதன் முறையாக பொறுப்பேற்ற பின்னர் 1992 ஆண்டு 17 கோடி ரூபாய்க்கு கொடநாடு எஸ்டேட் வாங்கப்பட்டதாகக் கூறப்படுகிறது.

 

இது வாங்கப்படவில்லை என்றும் அபகரிக்கப்பட்டது என்றும் பல்வேறு குற்றச்சாட்டுக்கள் ஜெயலலிதா மீது அப்போது எழுந்தது. முதலில் 900 ஏக்கர் மட்டுமே வாங்கப்பட்ட நிலையில், அடுத்தடுத்து அருகில் உள்ள வேறு தோட்டங்கள் வாங்கப்பட்டு இதனுடன் இணைக்கப்பட்டு சுமார் 3,000 ஏக்கர் இடமாக விரிவாக்கப்பட்டது.

இதன் பின்னர் 5 ஆயிரம் சதுர அடியில் பிரம்மாண்டமான சொகுசு பங்களா ஜெயலலிதா ஓய்வெடுப்பதற்காக மட்டுமே கட்டப்பட்டது. ஜெயலலிதா சென்னையில் இருந்து கொடநாட்டிற்கு ஹெலிகாப்டரில் செல்வதற்கு ஏற்ற வகையில் ஹெலிபேட் அங்கே அமைக்கப்பட்டது.

இந்த எஸ்டேட்டில் கட்டப்பட்டுள்ள ஜெயலலிதா தங்கி ஓய்வெடுக்கும் பிரமாண்ட பங்களாவை யாரும் பார்த்துவிடாத படி கட்டப்பட்டுள்ளது. வெளியில் இருந்து யாரும் இந்த பங்களாவை பார்த்துவிட முடியாது. அந்த அளவிற்கு இந்த பங்களா வடிவமைக்கப்பட்டுள்ளது.

ஜெயலலிதா மகிழ்ச்சியாக இருப்பதற்காக படகு குழாம் கொடநாடு எஸ்டேட்டில் அமைக்கப்பட்டது. தேயிலைத் தொழிற்சாலை மற்றும் தோட்டத்தை ஜெயலலிதா சுற்றிப் பார்ப்பதற்காக பேட்டரி கார்கள் தயார் நிலையில் பங்களாவில் வைக்கப்பட்டிருந்தன. இந்த கார்கள் செல்வதற்காக சிறப்பு சாலைகளும் அங்கே போடப்பட்டிருந்தன.

ஜெயலலிதா ஓய்வெடுப்பதற்காக செல்லும் இந்த எஸ்டேட்டில் அந்தப் பகுதியில் வாழும் ஏழை எளிய மக்கள் கடுமையான கெடுபிடிகளுக்கு ஆளாக்கப்பட்டனர். சாதாரணமாக சுற்றித் திரிந்த மக்கள் அந்த எஸ்டேட்டின் அருகில் செல்வதற்கு கூட அஞ்சி வாழ்ந்தனர்.

அனைத்து வசதிகளும் அடங்கிய கொடநாடு எஸ்டேட்டில் நுழைய மொத்தம் 11 நுழைவு வாயில்கள். இதில் எந்தப் பக்கம் யாரும் எளிதில் நுழைந்துவிட முடியாது. இந்த எஸ்டேட்டில் சுமார் 500 தொழிலாளர்கள் பணிபுரிகின்றனர் என்றால் அவர்கள் மட்டும் உரிய அனுமதி அட்டையுடன் உள்ளே பயந்து பயந்து சென்று வருகின்றனர்.

மர்மம் மிகுந்த கொடாநாடு எஸ்டேட் வி.கே. சசிகலா, இளவரசி, வி.என். சுதாகரன் ஆகியோர்கள்தான் இயக்குநர்கள். ஜெயலலிதாவுக்கு இதில் 10 சதவீத பங்குகள் மட்டுமே உள்ளன என்று கூறப்படுகிறது. ஜெயலலிதா சொத்துக் குவிப்பு வழக்கில் இந்த கொடநாடு எஸ்டேட் பறிமுதல் செய்யப்படும் என்ற நிலை இருந்தது. ஆனால் அண்மைய உச்சநீதிமன்றத்தின் தீர்ப்பால் அது தப்பியது. தற்போது அதன் காவலாளி கொல்லப்பட்டுள்ளது பரபரப்பை ஏற்படுத்தியுள்ளது.

 

Post expires at 9:16am on Wednesday May 24th, 2017

0 88
ஆத்தா மகமாயி... சிஎம் போஸ்ட்டை காப்பாத்து... எடப்பாடிக்காக 'ஜெகஜோர்' யாகம்!

முதல்வர் பதவியை தக்க வைத்துக் கொள்வதற்காக எடப்பாடி பழனிச்சாமி சார்பில் அவரது சொந்த ஊரில் சிறப்பு யாகத்துக்கு ஏற்பாடு செய்யப்பட்டுள்ளதாம்.

அதிமுக கோஷ்டிகள் இணைப்பு பேச்சுவார்த்தையில் மும்முரமாக உள்ளன. டெல்லி தகவல்களின்படி முதல்வர் பதவி ஓபிஎஸ் வசம் போக இருக்கிறதாம்.

இது தொடர்பாக டெல்லியில் எடப்பாடி பழனிச்சாமிக்கு நேரிலும் நெருக்கடி தர இருக்கிறதாம். அதேபோல் அமைச்சர் விஜயபாஸ்கரை நீக்கிவிட்டு மாஃபா பாண்டியராஜனை அமைச்சரவையில் சேர்ப்பது தொடர்பாகவும் ஆலோசிக்கப்பட்டு வருகிறதாம்.

முன்னாள் அமைச்சர் செந்தில் பாலாஜிக்கும் அமைச்சரவையில் வாய்ப்பு கிடைக்கலாம் எனவும் கூறப்படுகிறது. இந்த நிலையில் தம்முடைய முதல்வர் பதவியை தக்க வைத்துக் கொள்ள சொந்த ஊரில் எடப்பாடி பழனிச்சாமி சிறப்பு யாகம் ஒன்றுக்கு ஏற்பாடு செய்துள்ளார்.

இதற்கான பொருட்களுடன் சென்னையில் இருந்து சில புரோகிதர்கள் நேற்று இரவு எடப்பாடிக்கு விரைந்துள்ளனர். எடப்பாடி பழனிச்சாமிக்காக அவரது குடும்பத்தினர் இந்த யாகத்தை நடத்துகின்றனர்.

ஏற்கனவே சில அமைச்சர்கள் தங்களது கழுத்துக்கு கத்தி வந்துவிடக் கூடாது என கோவில் கோவிலாக ஏறி இறங்கி வருகின்றனர். அமைச்சர் ராஜேந்திர பாலாஜி ஸ்ரீவில்லிப்புத்தூர் ஆண்டாள் கோவிலில் சிறப்பு பூஜையும் கூட நடத்தியிருப்பது குறிப்பிடத்தக்கது.

Post expires at 3:51am on Wednesday May 24th, 2017

0 199
நாலைந்து அமைச்சர்கள்தான் அதிமுக கிடையாது, எம்.எல்.ஏக்களிடம், கட்சியின் இணைப்பு குறித்து யாரும் கருத்து கேட்கவில்லை

நாலைந்து அமைச்சர்கள்தான் அதிமுக கிடையாது, எம்.எல்.ஏக்களிடம், கட்சியின் இணைப்பு குறித்து யாரும் கருத்து கேட்கவில்லை என்று முன்னாள் அமைச்சர் செந்தில் பாலாஜி தெரிவித்துள்ளார்.

எடப்பாடி பழனிச்சாமி கோஷ்டியும், ஓ.பன்னீர்செல்வம் அணியும், இன்று பேச்சுவார்த்தை நடத்த உள்ள நிலையில் கரூரில் நேற்று இவ்வாறு தனது ஆதங்கத்தை தெரிவித்துள்ளார் செந்தில் பாலாஜி.

மேலும், அரசு மருத்துவக் கல்லூரியைக் கொண்டுவரவிடாமல் லோக்சபா துணை சபாநாயகர் தம்பிதுரை மற்றும் அமைச்சர் விஜயபாஸ்கர் ஆகியோர் தடுத்துவிட்டனர் என்று செந்தில் பாலாஜி குற்றம் சாட்டினார்.

செந்தில் பாலாஜி கூறுகையில், நாலைந்து அமைச்சர்கள்தான் அதிமுக கட்சியையே நிர்ணயிப்பார்களா? இவர்கள் எப்படி உரிமையை எடுத்துக் கொண்டனர். திங்கள்கிழமை, அதிமுகவின் இரு அணிகளும் இணைந்து பேசுவதாக கூறியுள்ளர்.

ஆட்சியைத் தக்கவைப்பது, இரட்டை இலையை மீண்டும் பெறுவது என்ற இரண்டும் இவர்களுக்கு முக்கியம் என கூறியுள்ளனர். ஆனால், இந்த அணியில் குறிப்பிட்ட நான்கைந்து அமைச்சர்கள் தான் பேசுகிறார்கள்.

இப்போதும் கட்சியின் பொதுச்செயலாளர் சசிகலா, துணைப் பொதுச்செயலாளர் டிடிவி தினகரன் தலைமையில் உள்ள அதிமுகதான் ஆட்சி அதிகாரத்தில் உள்ளது. இதற்கு எடப்பாடி கே.பழனிசாமிதான் முதலமைச்சராக உள்ளார்.

ஆனாலும் பேச்சுவார்த்தை குறித்து, இதுவரை அதிமுக எம்.எல்.ஏக்கள் யாரிடமும் பேச்சுவார்த்தை குழுவினர் கலந்து பேசவில்லை. எம்.எல்.ஏக்களின் மனநிலை என்ன அவர்கள் என்ன நினைக்கிறார்கள் என்பதைப் பற்றியெல்லாம் அவர்களுக்கு அக்கறையும் இல்லை.

ஆனால், பேச்சுவார்த்தையில் இவர்கள் எதை அறிவித்தாலும் அதிமுக எம்எல்ஏக்கள் அதற்குக் கட்டுப்படுவார்கள் என்றுதான் நான் நினைக்கிறேன். அவர்கள் எதிர்த்து பேசப்போவது இல்லை. இவ்வாறு செந்தில் பாலாஜி கூறியுள்ளார்.

 

Post expires at 3:46am on Wednesday May 24th, 2017

0 354
பன்னீரின் நிபந்தனைகள்... வாயடைத்து போன எடப்பாடி... அதிமுக இணைவதில் சிக்கல்?

ஓ.பன்னீர் செல்வம் அணியின் பதவி குறித்த நிபந்தனைகளால் வாயடைத்துள்ள எடப்பாடி அணி வாயடைத்து உள்ளதால் அதிமுக இணைவதில் சிக்கல் ஏற்பட்டுள்ளதாக தெரிகிறது.

ஜெயலலிதா மறைவுக்கு பின்னர் அதிமுகவில் பிளவு ஏற்பட்டு இரு அணிகளாக செயல்பட்டு வந்தனர். இந்நிலையில் கட்சியின் உயர் பதவியை லாபலகமாக கைப்பற்றிய சசிகலா, ஆட்சியையும் கைப்பற்ற இருந்தார்.

அந்த நேரத்தில் சொத்துக் குவிப்பு வழக்கில் கைது செய்யப்பட்டு பெங்களூர் சிறையில் அடைக்கப்பட்டார். இரு அணிகளும் ஒருவர் மீது ஒருவர் சேற்றை வாரி இறைத்துக் கொண்டிருந்தனர். முக்கியமாக ஜெயலலிதா மரணம் குறித்த விவகாரத்தில் விஜயபாஸ்கரும், ஓ.பன்னீர் செல்வமும் ஒருவரை ஒருவர் குற்றம்சாட்டிக் கொண்டனர்.

Source: tamil.oneindia.com

முத்தாய்ப்பாக அமைந்த ஓபிஎஸ் பேச்சு

இந்நிலையில் தினகரன் மீது கொங்கு மண்டலத்தினர் அதிருப்தியில் இருந்தனர். அவரை எப்படி கிழட்டி விடலாம் என்று யோசித்து கொண்டிருந்தனர். அந்த வேளையில், தேர்தல் ஆணையத்துக்கு லஞ்சம் கொடுத்த வழக்கில் தினகரன் சிக்கினார். அப்போது மதுரையில் செய்தியாளர்களை சந்தித்த ஓபிஎஸ்ஸிடம், எட்பபாடி அணியினர் பேச்சுவார்த்தை நடத்தினால் இரு அணிகளும் இணைய வாய்ப்புண்டா என்று நிருபர்கள் கேள்வி எழுப்பினர். அதற்கு வந்தால் ஏற்போம் என்றார்.

தம்பிதுரை வரவேற்பு

ஓபிஎஸ் தெரிவித்த கருத்தை வரவேற்பதாக லோக்சபா துணை சபாநாயகர் தம்பிதுரையும் வரவேற்பு தெரிவித்தார். இந்நிலையில் சசிகலாவை சந்திக்க தினகரன் பெங்களூர் சென்றிருந்தபோது அமைச்சர் தங்கமணி தலைமையில் அமைச்சர்கள் கூட்டம் அவரது வீட்டில் நடைபெற்றது. அப்போது ஓபிஎஸ்ஸின் கருத்தை அனைவரும் ஏற்றுக் கொண்டு இரட்டை இலைக்காகவும், கட்சி நலனுக்காகவும் அதிமுக ஒன்றிணைவது என்று தெரிவித்தனர். இதுதொடர்பாக இரு அணிகளின் சார்பில் பேச்சுவார்த்தை குழு அமைக்கப்படும் என்று தெரிவிக்கப்பட்டது.

பன்னீரின் நிபந்தனை

அதிமுக இணைய வேண்டும் என்றால் சசகிலாவையும், தினகரனையும் கட்சியிலிருந்து ஒதுக்க வேண்டும் என்றனர். பின்னர் ஜெயலலிதாவின் மரணம் தொடர்பாக நீதி விசாரணைக்கு உத்தரவிட வேண்டும் என்று கோரினர். இதில் முதல் கோரிக்கையை நிறைவேற்ற எடப்பாடி கோஷ்டியினர் முடிவு செய்து அறிவித்தனர். இதனால் ஆத்திரமடைந்த தினகரன் தனக்கென 4 எம்எல்ஏ-க்களை சேர்த்துக் கொண்டு தன்னை நியமித்த சசிகலா சொன்னால்தான் அதிமுக துணை பொதுச் செயலாளர் பதவியை ராஜினாமா செய்வேன் என்றார். மேலும் அவரது ஆதரவு எம்எல்ஏ வெற்றிவேல் , ஜெயலலிதா மரணம் குறித்து நீதி விசாரணை கோரிய ஓபிஎஸ் மீது கடுமையாக குற்றம்சாட்டினார். அவர் முதல்வர் பதவி, பொதுச் செயலாளர் பதவி, அமைச்சர் பதவிகள் என கோருவதாக பகிரங்கமாக குற்றம்சாட்டினார்.

குழுக்கள் அமைப்பு

இரு அணிகளும் பேச்சுவார்த்தை நடத்த 7 பேர் கொண்ட உறுப்பினர்கள் நியமிக்கப்பட்டனர். இந்நிலையில் முதல்வர் பதவி, பொதுச் செயலாளர் பதவி யாருக்கு என்பது தொடர்பாகவும், ஓபிஎஸ் அணியினர் செல்வாக்கான அமைச்சர் பதவிகளை கேட்பதாகவும் தகவல்கள் வெளியாகின. ஆனால் எடப்பாடி அணியினரோ ஜெயலலிதா இருக்கும் யார் யாருக்கு என்னென்ன அமைச்சர் பதவி வழங்கப்பட்டதோ அதுதான் வழங்கப்படும் என்று திட்டவட்டமாக தெரிவித்துவிட்டனர். இந்நிலையில் டெல்லி சென்றுள்ள எடப்பாடி இன்று வந்தபிறகு இரு அணிகளின் தலைவர்களும் நாளை பேச்சுவார்த்தை நடத்த திட்டமிட்டுள்ளனர். இந்த நிபந்தனைகள் குறித்து எட்ப்பாடி அணியினர் மௌனம் காத்து வருவதால் இரு அணிகளும் இணையுமா என்பது குறித்து சிக்கல் எழுந்துள்ளது.

Post expires at 1:33pm on Tuesday May 23rd, 2017

0 47
டி.டி.வி.தினகரனிடம் 7 மணி நேரம் விசாரணை
இரட்டை இலை சின்னத்தை பெற ரூ.50 கோடி லஞ்சம் கொடுக்க முயன்றது தொடர்பான வழக்கில், டி.டி.வி.தினகரனிடம் டெல்லி போலீசார் 7 மணி நேரம் விசாரணை நடத்தினார்கள்.
இரட்டை இலை சின்னத்தை பெற ரூ.50 கோடி லஞ்சம் கொடுக்க முயன்றது தொடர்பான வழக்கில், டி.டி.வி.தின கரனிடம் டெல்லி போலீசார் 7 மணி நேரம் துருவித் துருவி விசாரணை நடத்தினார்கள்.

புதுடெல்லி,

ஜெயலலிதா மறைவுக்கு பின் அ.தி.மு.க. இரண்டாக உடைந்ததால், இரட்டை இலை சின்னத்தை தேர்தல் கமிஷன் முடக்கியது.

ரூ.50 கோடி பேரம்

இந்த நிலையில் இரட்டை இலை சின்னத்தை பெற, அ.தி.மு.க. அம்மா கட்சியின் துணை பொதுச் செயலாளர் டி.டி.வி.தினகரன், இடைத்தரகர் சுகேஷ் சந்திரசேகர் என்பவரிடம் ரூ.50 கோடி பேரம் பேசியதாக குற்றம்சாட்டப்பட்டு உள்ளது.

டெல்லியில் உள்ள நட்சத்திர ஓட்டல் ஒன்றில் தங்கி இருந்த சுகேஷ் சந்திரசேகரை கடந்த 17-ந் தேதி கைது செய்து விசாரித்த போது, இரட்டை இலை சின்னத்தை பெற டி.டி.வி.தினகரன் ரூ.50 கோடி பேரம் பேசிய தகவல் தெரியவந்ததாக டெல்லி போலீசார் தெரிவித்தனர். சுகேஷ் சந்திரசேகரிடம் இருந்து ரூ.1 கோடியே 30 லட்சம் பணம், 2 சொகுசு கார்களை பறிமுதல் செய்துள்ள போலீசார், அவர் மீது வழக்கு பதிவு செய்து அவரை தங்கள் காவலில் வைத்து விசாரித்து வருகிறார்கள்.

டி.டி.வி.தினகரன் டெல்லி சென்றார்

தேர்தல் கமிஷனுக்கு ரூ.50 கோடி லஞ்சம் கொடுக்க முயன்றது தொடர்பான வழக்கில், டெல்லி போலீசார் டி.டி.வி.தினகரனிடம் விசாரணை நடத்த முடிவு செய்தனர். இதற்காக டெல்லி போலீஸ் உதவி கமிஷனர் சஞ்சய் ஷெராவத், இன்ஸ்பெக்டர் நரேந்திர ஷாகல் ஆகியோர் கடந்த 19-ந் தேதி சென்னை வந்து டி.டி.வி.தினகரனை நேரில் சந்தித்து, விசாரணைக்காக சனிக்கிழமை (நேற்று) நேரில் ஆஜராகுமாறு கோரி சம்மன் வழங்கினார்கள்.

அதை ஏற்று, விசாரணைக்காக டி.டி.வி.தினகரன் விமானம் மூலம் நேற்று காலை சென்னையில் இருந்து டெல்லி புறப்பட்டு சென்றார்.

சுகேஷ் சந்திரசேகரை தெரியாது

அவர் சென்ற விமானம் மதியம் 12.15 மணிக்கு டெல்லி போய்ச் சேர்ந்தது. அவரை அழைத்துச் செல்வதற்காக டெல்லி போலீசார் விமான நிலையத்துக்கு வந்து இருந்தனர். 12.30 மணிக்கு டி.டி.வி.தினகரன் விமான நிலையத்தில் இருந்து வெளியே வந்தார்.

அப்போது அவர் நிருபர்களிடம் பேசுகையில், போலீஸ் விசாரணைக்காக டெல்லி வந்து இருப்பதாகவும், சுகேஷ் சந்திரசேகரை தனக்கு தெரியாது என்றும், அவருடன் அறிமுகம் கிடையாது என்றும் கூறினார்.

7 மணி நேரம் விசாரணை

பின்னர் போலீசார் அவரை அங்கிருந்து சாணக்கியபுரியில் உள்ள குற்றப்பிரிவு அலுவலகத்துக்கு பிற்பகல் 3 மணிக்கு அழைத்துச் சென்றனர்.

அங்கு டி.டி.வி.தினகரனை தனி அறையில் வைத்து உதவி கமிஷனர் சஞ்சய் ஷெராவத், துணை கமிஷனர் மதுர் வர்மா, இன்ஸ்பெக்டர்கள் நரேந்திர ஷாகல், ரித்தேஷ் சிங் ஆகியோர் அவரிடம் விசாரணை நடத்தினார்கள். சுகேஷ் சந்திரசேகருக்கும், அவருக்கும் உள்ள தொடர்பு, பண பரிமாற்றம், தேர்தல் கமிஷனில் உள்ள அதிகாரிகள் யாருடனாவது தொடர்பு வைத்து இருந்தாரா? என்பன போன்ற பல்வேறு கேள்விகளை கேட்டு 7 மணி நேரம் துருவித்துருவி விசாரணை நடத்தினார்கள்.

பிற்பகல் 3 மணிக்கு தொடங்கிய விசாரணை இரவு 10 மணி வரை நடைபெற்றது. அப்போது டி.டி.வி.தினகரனுடன் அவரது வக்கீல்கள் யாரும் இருக்க போலீசார் அனுமதிக்கவில்லை.

இன்று மீண்டும் விசாரணை

விசாரணையின் போது, டி.டி.வி.தினகரனின் செல்போனை அதிகாரிகள் வாங்கி வைத்துக்கொண்டனர். அந்த செல்போனுக்கு வந்த அழைப்புகள், குறுந்தகவல்கள், அதில் இருந்து பேசப்பட்ட அழைப்புகள், ‘வாட்ஸ்அப்’ தகவல்கள் ஆகியவற்றை அதிகாரிகள் ஆய்வு செய்தனர்.

விசாரணை முடிந்ததும் டி.டி.வி.தினகரன் அங்கிருந்து புறப்பட்டு சென்றார்.

இன்று (ஞாயிற்றுக்கிழமை) பிற்பகல் 2 மணிக்கு மீண்டும் விசாரணைக்கு ஆஜராகுமாறு அவருக்கு அதிகாரிகள் உத்தரவிட்டு உள்ளனர். எனவே அவர் இன்று மீண்டும் விசாரணைக்கு ஆஜராகிறார்.

உதவியாளர்

டி.டி.வி.தினகரனிடம் விசாரணை நடந்த போது, அவரது உதவியாளர் ஜனார்த்தனனிடமும் விசாரணை நடத்தப்பட்டது. அவரை வேறொரு அறையில் போலீஸ் அதிகாரிகள் வைத்து விசாரணை நடத்தினார்கள்.

இதேபோல் டி.டி.வி.தினகரனின் நண்பர் மல்லிகார்ஜூனா என்பவரிடமும் போலீஸ் அதிகாரிகள் தனியாக விசாரணை நடத்தினார்கள்.

அவர்களும் விசாரணை முடிந்ததும் புறப்பட்டு சென்றனர்.

போலீஸ் பாதுகாப்பு

டி.டி.வி.தினகரனின் வருகையையொட்டி டெல்லி விமான நிலையத்தில் பலத்த போலீஸ் பாதுகாப்பு போடப்பட்டு இருந்தது.

அவரிடம் விசாரணை நடைபெற்ற குற்றப்பிரிவு அலுவலக வளாகத்திலும் ஏராளமான போலீசார் குவிக்கப்பட்டு இருந்தனர். உரிய அடையாள அட்டை இல்லாத யாரையும் போலீசார் உள்ளே அனுமதிக்கவில்லை.

Post expires at 2:05am on Tuesday May 23rd, 2017

0 90
எடப்பாடி அணியினர் தொடர்ந்து மவுனம் டென்ஷனில் ஓபிஎஸ் அணியினர்: இரு தரப்பும் இணைவதில் சிக்கல்

முதல்வர் பதவி அல்லது செல்வாக்கான அமைச்சர் பதவி கேட்பதால், அணிகள் இணைப்புக்கான பேச்சுவார்த்தைக்கு எடப்பாடி தரப்பு தொடர்ந்து மவுனம் காத்து வருகின்றனர். இதனால் ஓபிஎஸ் அணியினர் டென்ஷனில் உள்ளனர்.ஜெயலலிதா உயிருடன் இருந்தபோதும் சசிகலா மற்றும் அவரது குடும்பத்தைச் சேர்ந்தவர்கள் கட்சியிலும்,ஆட்சியிலும் கடந்த 25 ஆண்டுகளுக்கும் மேலாக ஆதிக்கம் செலுத்தி வந்தனர்.

ஜெயலலிதா இறந்த நிலையில் மீண்டும் கட்சி, ஆட்சியில் ஆதிக்கம் ெசலுத்த சசிகலா தரப்பினர் முயற்சித்தனர். இதனால் தமிழக மக்களும், தொண்டர்களும் கடும் அதிருப்தியில் இருந்தனர். இதற்கிடையே முதல்வர் பதவியில் இருந்து விலகச் சொன்னதால், ஓபிஎஸ் தனி அணி கண்டார். அவருடன் 12 எம்எல்ஏக்கள், 12 எம்பிக்கள் சென்றனர். ஆனால் மாவட்ட நிர்வாகிகள் யாரும் செல்லவில்லை.

இந்தநிலையில் சசிகலா குடும்பத்தினரான டிடிவி தினகரன் கட்சியை தன்னுடைய முழு கட்டுப்பாட்டில் வைத்திருந்தார். அமைச்சர்களை மிரட்டி வைத்திருந்தார். இதனால் முதல்வர் எடப்பாடி பழனிச்சாமி தலைமையில் அமைச்சர்கள் ஒன்றிணைந்து தினகரனை கட்சியில் இருந்து ஒதுக்கி வைத்தனர்.

இதனால் ஆட்சியை கவிழ்க்கப்போவதாக தனது ஆதரவாளர்களிடம் தெரிவித்த தினகரன், வேறு வழியில்லாததால் கட்சியில் இருந்து ஒதுங்குவதாக அறிவித்து விட்டார்.
தினகரன் ஓரங்கட்டப்பட்டதால் இரு அணிகளும் இணைய வேண்டும் என்ற கோரிக்கை எழுந்தது. அப்போது முதல்வர் பதவி வேண்டும், கட்சியின் பொதுச் செயலாளர் பதவியில் இருந்து சசிகலா உடனடியாக ராஜினாமா கடிதம் கொடுக்க வேண்டும். அதன்பின் தேர்தல் நடத்த வேண்டும் என்று கோரினர். ஆனால் இந்த கோரிக்கைக்கு எடப்பாடி அணியினர் மறுத்து விட்டனர். எங்களிடம் 122 எம்எல்ஏக்கள் உள்ளனர். இப்போது ஆட்சிக்கு எந்த ஆபத்தும் இல்லை. தொண்டர்கள் விருப்பத்தினால்தான் இரு அணிகளும் ஒன்றிணைய வேண்டும் என்கிறோம் என்று எடப்பாடி அணியினர் தெரிவித்தனர். அதனால் முதல்வர் பதவியில் எந்த மாற்றமும் இல்லை. அவர் 2 மாதமாகத்தான் முதல்வராக இருக்கிறார். அவரை உடனே மாற்ற வேண்டிய அவசியம் எழவில்லை.இதனால், ஓபிஎஸ் அணியைச் சேர்ந்தவர்களுக்கு 4 அமைச்சர் பதவியை தருகிறோம் என்று எடப்பாடி அணியினர் தெரிவித்தனர். அப்படி என்றால், பொதுப்பணித்துறை, நெடுஞ்சாலைத்துறை, மின்துறை, மதுவிலக்கு ஆயத்தீர்வைத்துறை, உள்ளாட்சித்துறை போன்ற முக்கிய இலாகாக்கள் வேண்டும் என்று ஓபிஎஸ் அணி தரப்பில் தூதுவிடப்பட்டுள்ளது. ஆனால், முதல்வர் ஜெயலலிதா இருந்த போது உள்ள அமைச்சரவைதான் தற்போது உள்ளது. அதில் புதிதாக செங்கோட்டையன் மட்டுமே சேர்க்கப்பட்டுள்ளார்.

இதனால், முதல்வர் ஜெயலலிதா இருந்தபோது யாருக்கு என்ன துறைகள் ஒதுக்கப்பட்டதோ அதே துறைகள் ஓபிஎஸ் அணிக்கு வழங்கப்படும் என்று தெரிவித்தனர். குறிப்பாக ஓபிஎஸ்க்கு நிதி அமைச்சர் பதவி தருவதாகவும் தெரிவிக்கப்பட்டது. இதனால் ஓபிஎஸ் தரப்பினர் அதிர்ச்சி அடைந்தனர்.இதற்கிடையில் ரகசியமாக பேசப்பட்டபோது ஏகப்பட்ட நிபந்தனைகளை விதிப்பதால், எடப்பாடி தரப்பில் பேச்சுவார்த்தைக்கு என்று தனியாக எந்த குழுவையும் அமைக்கவில்லை. கட்சி அலுவலகம் வந்தால் பேசுவோம் என்று மட்டுமே கூறிவிட்டனர். ”

இதனால் கடந்த 2 நாட்களாக ஓபிஎஸ் தரப்பினர் தொடர்ந்து, பேச்சுவார்த்தை எப்போது என்று பேச முயன்றாலும் எடப்பாடி அணியினர் நிபந்தனையற்ற முறையில் இணைய வேண்டும் என்று கூறி வருகின்றனர். இதனால் பேச்சுவார்த்தைக்கான எந்த நடவடிக்கையும் அவர்கள் எடுக்கவில்லை. இதனால் எப்படியும் மீதம் உள்ள 4 ஆண்டு ஆட்சியில் இணைந்து விடலாம் என்று ஓபிஎஸ் தரப்பினர் கருதினர். ஆனால் பேச்சுவார்த்தை காலதாமதமாகி வருவதால் அவர்கள் டென்ஷனில் உள்ளனர்.

Post expires at 1:55am on Tuesday May 23rd, 2017

SOCIAL

LATEST REVIEWS

0 198
சாஸ்திரங்களின் படி, நாம் மேற்கொள்ளும் ஒவ்வொரு செயல்களும் நம்மைப் பற்றிய சில ரகசியங்களைக் கூறும். அதில் பிடித்த நிறங்கள் முதல், பழக்கவழக்கங்கள் வரை ஒவ்வொன்றும் ஒவ்வொருவரின் குணாதிசயங்களை வெளிக்காட்டும். குளிக்கும் போது, ஆரம்பத்தில் ஒவ்வொருவரும்...